Wodorunje: 3 sušena trawa, 5 je za wusyw, 6 krajina w morju, 7 ma lutowar na bance­, 10 Ähren serbsce, 13 pohibowanje k hudźbje, 14 pospytna rumnosć, 15 dźěl ruki

Padorunje: 1 pos, 2 arabski emirat, 3 sportowe towarstwo 4 „hłowa“ nastawka, 8 grjekski pismik, 9 zhotowjer płatu, 11 jězor pola Zubornički, 12 jen­dźelska jednota zdalenosće

„Drasta ewangelskich Serbow Budyskeho kraja“ rěka wustajeńca, kotraž je tuchwilu w Budyskej Michałskej cyrkwi přistupna. Přehladka pokazuje fotografije Tila Aé, dokumentowace wjelorakosć dźensa lědma hižo jewjaceho so wašnja so woblěkać. Foto: SN/Bojan Benić

Japansko-łužiske duwo Beppu Punk Cats koncertuje we wobłuku swojeje aktualneje, stacije mjez druhim w Berlinje, Lipsku a Rudolstadće wopřijimaceje turneje pod hesłom „Utopije“ srjedu, 1. julija, w Budyšinje. Tam chce skupina w „dobrej stwě“ towarstwa Dźěłań dźeń na Sukelnskej wopytowarjam ze swojoraznej měšeńcu šansona, folka a akustiskeho punk rocka „tak zatepić, zo tuchwilne temperatury bjezmała arktisce skutkowałe“.PR/Jan Kosyk

Na titulnej stronje lětnjeho wudaća wita nas pyšna Nowoměsćanska družka. Družka čaka na njewjestu, a na nas čakaja w Rozhledźe dalše wolijowe mólby Williama Krauseho. Składnostnje 100. posmjertnin tutoho molerja rozłožuje nam Hartmut Hantšo jeho wuznam za Slepjansku wosadu, w kotrejž je wjele lět skutkował.

Ličba 100 přewodźuje nas tež w tekstomaj z Wojerec: Čitajće w rozmołwje dr. Justyny Michniuk z Kirsten Bejminej wo stotym jubileju Wjacławkec drastoweho doma a wužijće poskitk Wernera Sroki, wobhonić so wo ćišćerju Awgusće Lapštichu, kotryž bě před sto lětami zemrěł.

Měrćin Brycka bjerje nas něšto lětstotkow sobu do zańdźenosće, hdyž pisa wo 680. róčnicy Hornjołužiskeho zwjazka šesćiměstow.

Serija Serbskeho instituta informuje nas wo slědźenjach wokoło imaterielneje kultury a wo pozadkach serbskich zapiskow w Zwjazkowym registru imaterielneho kulturneho herbstwa UNESCO.