W nocy na njedźelu stajimy časniki wo ho­dźinu wot 3 na 2 hodź. wróćo. Naje­bać spočatk zymskeho časa nje­trjebaja so „nócni hawronojo“ bojeć, zo z busom abo ćahom domoj abo druhdźe njedojědu. Wobchadne předewzaća su jězbne plany mjez sobu wothłosowali. Foto: SN/Maćij Bulank

Čitajće w nowym rozhledźe (25.10.19)

Freitag, 25. Oktober 2019 geschrieben von:

Dźens za tydźeń wuńdźe nowemberske wudaće našeho kulturneho časopisa. Praske nalěćo, pčołarstwo, pomniki a serbske prědarki su jenož někotre z jeho temow.

W zašłych měsacach čitachmy hdys a hdys wo wójnskich pomnikach, kotrež běchu we Łužicy zdźěla tež serbsce abo dwurěčnje popisane. Zwjetša dźěše wo wopomnišća, nastate po Prěnjej swětowej wójnje. Zo běchu scyła prěnje ryzy serbske wopomnišćo za padnjenych wojakow hi­žo­ 50 lět zašo poswjećili, a to w ewangelskim Njeswačidle, je nětko Trudla Ma­linkowa wuslědźiła a wo tym rozprawja. Kedźbyhódne je, zo njebě Serb za wuhotowanje wopomnjenskeje tafle zamołwity.

W našim stawiznopisnym serialu roz­jimuje sobudźěłaćer Serbskeho kulturneho archiwa Měrćin Brycka wuskutki Pra­skeho nalěća 1968 na dźěławosć Instituta za serbski ludospyt. Mjez druhim bu wědomostna konferenca wotprajena, a hižo ćišćany přinošk wo nowšich serbskich stawiznach dyrbjachu cofnyć a zničić.

Z 12. nakupowanskej nocu „W kuzłapołnym swětle“ su minjeny pjatk w Kulowje kermušny kónc tydźenja zahajili. Na wječornym spektaklu z jewišćom na torhošću postarachu so mjez druhim čłonojo Smjerdźečanskeje rejwanskeje skupiny wo serbske programowe dypki. Tón kónc tydźenja swjeća kermušu mjez druhim we Wotrowje, Pančicach-Kukowje, Šěrachowje (Schirgis­walde), Wjelećinje (Wilthen), Sprjejcach (Spreewitz), Njeswačidle, Nowym Měsće a Lubušu. Foto: Gernot Menzel

Křižowka (18.10.19)

Freitag, 18. Oktober 2019 geschrieben von:

Wodorunje: 3 nócny ptak, 5 rostlina łuki­, 6 z rušćiny: wólnočasna zahroda, 7 jědźernja studentow, 10 hara wo ničo, 13 hrajna klasa, 14 bur, 15 dźěl narodneje drasty

Padorunje: 1 wysoka rostlina, 2 něhdyši koparski wrotar Němskeje, 3 plahowar sadu, 4 pedagoga, 8 wodźaca skupina, 9 spočatk wubědźowanja, 11 přećiwo, 12 něhdy­ša wustajeńca w Markkleebergu

Přeprošeja cyły kónc tydźenja na kermušu

Donnerstag, 10. Oktober 2019 geschrieben von:

Kulow (SN/MWj). Hnydom cyły kónc tydźenja přichodne dny w Kulowje kermušu swjeća. Zazběh budźe jutře dwanata kuzłapołna nakupowanska nóc. Wot 19 hodź. přeproša wikowarjo, přemysłownicy a towarstwa, dundać po romantisce wobswětlenym měsće. Na wopytowarjow čakaja jewišćowy program, mjez druhim ze Smjerdźečanskej rejwanskej skupinu, paslenje za dźěći w lutowarni a w katolskej pěstowarni, wustajeńca wo 30. róčnicy měrliweje rewolucije w Forellowym centrumje, grafitijowa dźěłarnička w torhošćowej pasaži kaž tež překwapjenki w jednotliwych wobchodach.

Sobotu přeprosy zawod Krabatowy mlokowy swět w Koćinje na žnjowodźakne a kermušne wiki. Regionalni poskićowarjo postaraja so wo wulku paletu wudźěłkow. Ratarski zawod sam poskići samodźěłany twarožk a běrny ze swójskeje produkcije. Dale zastupjene budu Ring­pfeilec rybarstwo z Rakec, Domanic ratarski zawod z Hózka, Helmec ratarstwo z Jitka, Ermerec pjekarnja z Njedźichowa, Čórlichec zahrodnistwo z Koćiny a dalši. Kulowska skupina přirodoškitneho zwjazka NABU přihotuje znowa wulku přehladku hribow.

Křižowka (04.10.19)

Freitag, 04. Oktober 2019 geschrieben von:

Wodorunje: 3 kruty kraj w morju, 5 myslička, 6 městno knježićela, 7 něhdy přistaw Roma, 10 nic tuni, 13 chětro, 14 nic hólc, 15 alkoholiski napoj

Padorunje: 1 alkoholiski napoj, 2 dalši alkoholiski napoj, 3 kraj koparskich mišterstwow swěta 2022, 4 Staub serbsce (o = ó), 8 nic młodźi, 9 stat USA, 11 norwegska stolica, 12 arabski kraj

Městna swobodne

Dienstag, 01. Oktober 2019 geschrieben von:
Worklecy. Dekanatne dušepastyrstwo přeproša dźěći 5. a 6. lětnika wot póndźele do štwórtka, 14. do 17. oktobra, na prózdninske lěhwo do Naumburga. Dokelž su hišće swobodne městna, móža so tež dźěći ze 7. lětnika přizjewić. Na nje čakaja mjez druhim pućowanje, zhromadnosć, modlitwa, paslenje a kupanje. Wot kóždeho wobdźělnika zběra dušepastyrstwo přinošk 80 eurow. Zajimcy njech so prošu hač do jutřišeje srjedy pod telefonowymaj čisłomaj 035796/ 88 707 abo 0152/ 04 39 96 17 abo z mejlku pod adresu we Worklecach přizjewja.

Po wučbje Goethy

Montag, 30. September 2019 geschrieben von:
Njebjelčicy (SN). Iwona Stypułkowska – w Pólskej jara připóznata wuměłča mjezynarodneho formata – nawjeduje pjatk, 4. oktobra wot 19 hodź. a nazajtra w 15 hodź. w Njebjelčanskim gmejnskim centrumje za młodych a staršich dźěłarničku po Goethowej wučbje barbow. Štóž móže, njech stafelaju sobu přinjese.

Minjenu póndźelu poswjećichu nowy narowny kamjeń za serbskeho molerja Horsta Šlosarja składnostnje jeho 116. narodnin na kěrchowje w Drježdźanach-Strěžinje. Jurij Łušćanski měješe narěč před swójbnymi a česćowarjemi wuměłca. Serbja zanjesechu spěw „Ha widźu-li ptačata ćahnyć“. Tři lipowe łopješka narowny kamjeń debja. Foto: Heiko Pfriem

Čitajće w nowym rozhledźe (27.09.19)

Freitag, 27. September 2019 geschrieben von:

Nazyma je zaćahnyła a tak změjemy bórze zaso tróšku wjace chwile za čitanje. Tuž smój znowa wěnc zajimawych tekstow za was přihotowałoj. Kaž hižo připowědźene, chcemy so w přichodnych wudaćach hromadźe z wědomostnikami Serbskeho instituta a dalšimi kritisce ze wšelakimi aspektami serbskeho stawiznopisa roze­stajeć. W oktobrje wobswětla Pětš Šurman „nutřkowne stawizny“ štyrizwjazkoweho rjadu wo Stawiznach Serbow a pokazuje tež na politiski ćišć, kotryž běchu na awtorow wukonjeli.

W druhim dźělu swojeho nastawka wo serbskich žonach we 18. lětstotku koncentruje so Lubina Malinkowa na Serbowki, skutkowace we wobłuku Ochranowskeje bratrowskeje wosady jako wučerki abo samo dušepastyrki. Madlena Malinkec zaběra so ze serbsko-němskim połoženjom a z rěčnymi konfliktami w Lubinje w zažnym nowowěku. Při tym wona zwěsća, zo njewotpowěduje klišej wo potłóčowanju serbšćiny stajnje tomu, štož móžemy z historiskich žórłow wučitać.

Serbska debata

Neuheiten LND