Aus der aktuellen Ausgabe vom Donnerstag, 28 Februar 2019

Z awtom smjertnje znjezbožiła

Krušwica. Tragiski wukónc měješe wobchadne njezbožo wčera wječor na zwjazkowej dróze B 156 pola Krušwicy. Z dotal njeznateje přičiny stej tam awće fron­talnje do so zrazyłoj. 58lětna wodźerka Citroëna so tak ćežko zrani, zo hišće na městnje njezboža zemrě. Jenak staru wodźerku VWja dowjezechu do chorownje.

Ludowa hudźba raz hinak, historiski přehlad serbskeje sololiteratury za pianistow a zběrka łužiskich hwězdźičkow wušli

Tři nowe zynkonošaki skića zajimcam móžnosć, bohaty spektrum serbskeje hudźby dale, znowa abo snano tež prěni raz docyła sej wotkryć. Skupina Lídova muzika z Chrástu poski­ća čerstwy wid na serbsku ludowu hudźbu, Heidemarja Wiesnerec zhladuje na „150 lět Serbskeje klawěrneje hudźby“ a Serbski rozhłós je zběrku aktualnych popularnych štučkow zestajał. Produkciju wšitkich CDjow je Załožba za serbski lud spěchowała.

Najnjewšědniša z třoch cejdejkow rěka „Za čěskimi horami“. Na njej prezentuje skupina Lídova muzika z Chrástu cyłkownje 25 „spěwow Łužiskich Serbow“ – zdobom to podtitul edicije – a přidatnje tři nowe kompozicije, inspirowane wot tudyšeje kultury. Pola nas znate pěsnje pak njezaklinča tak, kaž smy to najskerje zwučeni, ale we wobdźěłanjach. A sadźby so zdźěla chětro wot tradicionalnych aranžementow rozeznawaja.

Zamołwići Zapadołužiskeho koparskeho zwjazka (WFV) su prěnje pokalne koło­ za wólnočasnu ligu 2019 wulosowali a so na čas wot 15. do 18. měrca jako­ hrajny dźeń dojednali.

HZ LSV Bluń/ST Lubuš

– ST Natwar Němske Pazlicy

Wojerowski FC (Jednota)

– SZ Zeleno-běli Sepicy

HZ ESV Lok/SC/Wojerowski FC (Aktiwist) – LSV Hory

Hermsdorfske ST

– HZ Rakecy/FSV Šćeńca

Swobodne losy dóstachu HZ Wojerowski FC (Natwar)/Wětnica, Módro-běli Kulow, HZ Hórnikečanski jězor/ST Ćisk a Sokoł Ralbicy/Hórki. Werner Müller

ST 1922 Radwor

– Módro-běli Kulow 1:7 (1:4)

Zestawa domjacych: Ch. Šěrak (45. Jendrewski) – Reinecke, F. Šěrak, Bauer, Rachel­, Kral (45. Hančik), Henka, Nuk, Glück­lich, Hetasch (27. Zähr)

zestawa hosći: Adler – Hantschke, Korch, Katzer, Popjela (67. Wehlan), Bulang (73. N. Kubaink), Brückner, Wittek, Böttger (81. S. Kubaink), Nicolaides, Bergmann

Po tym zo běchu koparjo ST Radworja tydźeń prjedy přećiwo načolnikej z Rakec 1:2 snadnje přěhrali, so woni nadźijachu, zo móža přećiwo druhemu wokrjesneje wyšeje ligi tohorunja derje wobstać. Tele předewzaće pak su misnyli, dokelž Módro-běłym z Kulowa chětro wysoko podležachu. Módro-běli běchu jasnje lěpši, domjacy pak stajnje krok přepomału abo přenjekonsekwentni při přihrawkach. Z dołhimi třělwami přez Radworskich škitarjow a ze spěšnymi nadběhowarjemi so hosćom poradźi stajnje zaso strašnosć wuprudźeć. Poprawom měli Ra­dworče­njo taktiku hižo ze zašłeje partije přećiwo Kulowej znać, ale njemóžachu so tomu wobarać. Hižo do přestawki je hóstne mustwo Radworskeho wrotarja štyri razy přewinyło. Jeničke wrota za hosćićela trjechi w 39. min. Stephan Reinecke.

Kopańca, wokrjesna liga, stafla I

Wjernarjecy – ST Budyšin 1:3 (1:2)

Arnsdorf – Großröhrsdorf II 1:0 (0:0)

Frankenthal – Kubšicy 4:0 (2:0)

Horni kraj-Sprjewja II

– HZ Lomnitz-Großnaundorf II 0:2 (0:1)

Biskopicy II – Ottendorf-Okrilla 4:2 (3:0)

Bretnig-Hauswalde

– Germania Budyšin II 3:5 (2:1)