Aus der aktuellen Ausgabe vom Donnerstag, 17 Oktober 2019

Motorski ćežko zranjeny

Smječkecy. 24lětny motorski je so předwčerawšim wječor při njezbožu na dróze mjez Róžantom a Smječkecami ćežko zranił. Kaž policija zdźěli, je wón ze swojej KTM w křiwicy z puća zajěł a padnył. Hač bě dalše jězdźidło wobdźělene abo dźiwina na njezbožu wina, zastojnicy pruwuja. Ćežkozranjeneho dyrbjachu z helikopterom do chorownje dowjezć.

Wulka Dubrawa (HN/SN). W minjenym času so tež na wsach Hornjeje Łužicy nócne wopyty šupow (Waschbär) kopja. Wone přeborkaja trawniki a pytaja za picu, mjez druhim za šnakami a zemskimi wosami. Sćěhi tohole pytanja za picu su njerjane – nastawaja wulke dźěry w trawniku, kotrež nichtó měć nochce. Při­wšěm pak móžemy hišće wjeseli być, zo njejsu dźiwje swinje tónle terrain za sebje wotkryli. To by škoda mjenujcy wo wjele wjetša była.

Šupy přiwabja předewšěm tež přepjelnjene kompostowe hromady do wsow. Tuž smy my čłowjekojo tohorunja sobu na tym wina, zo so tele dźiwje zwěrjatka dale a bóle rozmnožeja. Tohodla měli ze žiwidłami, jich składowanjom a přede­wšěm nastupajo wotbywanje zbytkow žiwidłow jara swědomići być.

17.10. – 23.10.2019 Budyski filmowy palast:

Maleficent w 3D: wšědnje 14:45, 17:15 a 19:45 | pj a so 22:30 Paw Patrol: nj 14:00 a 15:30 Gemini Man w 3 D: wšědnje 17:15 (nimo pó) Gemini Man wšědnje 19:30 (nimo pó) | pj a so 22:15 Der König der Löwen: wšědnje 14:30 (nimo nje a pó) | nj, wu a srj 12:30 Shaun das Schaf: wšědnje 15:00 a 17:15 | nj 12:00 | wu a srj 10:30 a 12:30 A Toy Story: wu a srj 10:00 | nj, wu a srj 12:30 Angry Birds 2: wšědnje 14:45 | wu a srj 10:15 Joker: wšědnje 17:00 a 19:45 | pj a so 22:30 Gut gegen Nordwind: pj, so, wu a srj 19:30 Pets 2: wu a srj 10:30 Playmobil: nj, wu a srj 12:15 ES: Kapitel 2: štw, nj a pó 19:30 | pj a so 22:00

Kino-ekstra: Fishermans Friend: pó 14:30, 17:15 a 20:15

Wojerowski CineMotion: Maleficent w 3D: wšědnje 14:45, 17:15 a 19:45 | pj a so 22:40 Gemini Man: wšědnje 20:20 | pj a so 22:45 A Toy Story: wšědnje 13:45 (nimo nj) | nj 12:30 Angry Birds 2: wšědnje 12:40 Der König der Löwen: štw, so, nj a srj 13:15 Dora und die goldene Stadt: wšědnje 15:40 Die Addams Family nj 15:00 Everest – Ein Yeti will hoch hinaus: wšědnje 12:45 Fritzi – Eine Wendewundergeschichte: pj, pó a wu 13:30 Downton Abbey: wšědnje 17:50 (nimo srj) Ich war noch niemals in New York: wšědnje 14:50, 17:30 a 20:05 | pj a so 22:45 Joker: wšědnje 17:45 a 20:15 | pj a so 22:15 Late Night: srj 17:50 Shaun das Schaf: wšědnje 15:50 (nimo nj)

Přirada za naležnosće zbrašenych města Wojerec je njedawno měšćanskemu zarjadej a měšćanskej radźe dźěłowu rozprawu minjenych lět předpołožiła.

Wojerecy (AK/SN). Dwórnišćo w starym měsće Wojerec ma bórze bjez barjerow přistupne być. Za to zasadźa so přirada za naležnosće zbrašenych města Wojerec. „Němska železnica namjetuje, to 2024 docpěć. To nam njedosaha. Trjebamy spěšne rozrisanje a dospołnje bjezbarjerny přistup ke kolijam“, podšmórny předsydka přirady Evelin Graf na minjenym posedźenju Wojerowskeje měšćanskeje rady.

Što drje bě Jakub Bart-Ćišinski swój čas po Lipju w ródnej wsy w Pančicach-Kukowje ducy začuwał a zasłyšał? Z tym prašenjom su so šulerjo 9. a 10. lětnika wyšich šulow z Worklec, Ralbic, Kulowa, Radworja, Budyšina, Slepoho a Kulowa kónc septembra zaběrali. Projekt Domowinskeje župy „Michał Hórnik“ běše wužadanje wobdźělnikam a přihotowacym.

Pančicy-Kukow. Ćišinu ze swojimi zmy­słami začuwać – móžemy to dźensniši dźeń scyła hišće? Šulerjo ze serbskich a serbšćinu wuwučowacych šulow na projektowych dnjach za wyše šule su dopokazali, zo njeje pytanje za potajnosćemi wobswěta na zajimje zhubiło. Zakład za wobsahowe dźěło bě temowy zešiwk „Jakub Bart-Ćišinski – Lećće z časom!“.

Bjezdwěla běchu wukony wobdźělenych šulerjow wšelakore. Skupiny tych, kotřiž serbšćinu wot doma njemóža, smy na ekskursiji w stopach Jakuba Barta Ćišinskeho­ w Pančicach Kukowje doži­wili. Šulerjo z Kulowa a Slepoho běchu wot swojich wučerjow derje na ekskursiju přihotowani.

Annika Jähn z Klóšterskeje Noweje Wsy je šulerka Wyšeje šule „Korla Awgust Kocor“ Kulow. Wona bě wobdźělnica projekta župy „Michał Hórnik“ wo Jakubje­ Barće-Ćišinskim. Milenka Rječcyna­ je so ze 16lětnej młodostnej w Pančicach-Kukowje rozmołwjała.

Kak dołho hižo serbšćinu wuknjeće?

A. Jähne: Na šuli mam serbšćinu mjeztym dźesać lět. Na zakładnej šuli běch w serbskej rjadowni. Sym pak tež hižo do toho rěč wuknyła. Chodźach do Němčanskeje pěstowarnje „Pumpot“.

Maće w swójbje serbskorěčne korjenje?

A. Jähn: Ně, scyła nic. Našej staršej scyła­ serbsce njemóžetaj. Jeničce někotre wobroty, kaž ,Božemje‘ abo ,Witajće k nam‘. Kaž prajene, móžetaj zakładne słowa. Wšako njejstaj wot doma serb­šćinu wuknyłoj. Mój mjeńši bratr Ta­mino pak na Kulowskej Krabatowej zakładnej šuli tohorunja serbšćinu wuknje. Tež wón je w Němcach do pěstowarnje chodźił.

Z kotreje přičiny staj staršej Waju na serbšćinu słałoj, tež hdyž z njej poprawom scyła­ žadyn zwisk nimataj?

Bretnig-Hauswalde II/Ramnow II – SJ Chrósćicy II 1:3 (1:2)

Zestawa hosći: Klimant – M. Donat, Kl. Mark, Cyž (65. L. Zahrodnik), Ki. Mark, J. Donat, G. Zahrodnik (57. Bětnar), Wowčer, Mohaupt (77. Handrik), Domaška, Liznar

W druhim kole wo wokrjesny koparski pokal dojědźechu sej koparjo rezerwy Chróšćanskeje SJ do Bretniga, zo bychu tam z mustwom HZ Bretnig-Hauswalde II/Ramnow II mocy měrili. Hladajo na tabulku domjacych we wokrjesnej klasy, w kotrejž aktualnje poslednje městno wobsadźa, běše dobyće hosći poprawom winowatosć.

Při dešćikojtym nazymskim wjedrje wobdźěli so holča dorostowa wubranka Zapadołužiskeho koparskeho zwjazka (WFV) na wubědźowanju wo krajny pokal­ Sakskeho koparskeho zwjazka w Šwikawje (Zwickau). Wona nastupi pod mjenom Biskopičanskeho KT 08 přećiwo wubrankam Kamjeničanskeho FC, HZ Eiche Reichenbrand/FFC Kamjenica, FC Rudne horiny Aue, DFC Zapadna Sakska­ Šwikawa a ST Přezjednota Lipsk-juh.

Hrali su wubranki po modusu kóžda přeći­wo kóždej, a to stajnje 20 mjeńšin. A wubranka WFV je z pjeć štyri partije dobyła a jónu njerozsudnje hrała. Tak wobsadźi na kóncu 1. městno turněra a zawěsći sej sakski krajny pokal. Druhi bě Kamjeničanski FC a třeće HZ Eiche Reichenbrand/ FFC Kamjenica.