Aus der aktuellen Ausgabe vom Mittwoch, 13 Oktober 2021

14.10.–20.10.2021 Budyski filmowy pa­last: Sneak Preview pó 20:00 Boss Baby – Schluss mit Kindergarten: wšědnje 14.15 | wu a srj 9.30 | nj 12:00 Boss Baby – Schluss mit Kindergarten w 3 D: wšědnje 16:45 Die Schule der magischen Tiere: wšědnje 14:45 a 17:00 | srj 10:15 | nj 12:30 Es ist nur eine Phase, Hase: wšědnje 14:30, 17:30 a 19:30 | pj a so 23:00 The Last Duel: wšědnje 16:15 a 19:45 | pj a so 22:00 Venom: Let There Be Carnage w 3 D: srj 20:00 James Bond – Keine Zeit zu sterben: wšědnje 14:00, 15:00, 16:00, 18:30, 19:30 a 20:15 | pj a so 22:00 James Bond – Keine Zeit zu sterben w 3 D: wšědnje 17:00 a 20:00 (nimo pó a srj) Hilfe, ich hab meine Freunde geschrumpft: nj 12:45 | wu a srj 10:15 Tom & Jerry: nj 12:15 | wu 9:30, 9:45 a 10:00 | srj 10:00 Feuerwehrmann Sam – Helden fallen nicht vom Himmel: wšědnje 14:00 | wu a srj 10:30 Die Pfefferkörner und der Schatz der Tiefsee: wšědnje 17:15 | pj, nj a wu 15:00 | srj 9:45 Helden der Wahrscheinlichkeit: štw a srj 19:30 Wickie und die starken Männer – Das magische Schwert: wšědnje 14:15 | nj 12:00 | srj 9:30 Dune: wšědnje 20:30 | so 22:00 Saw: Spiral: pj 23:00 Shang-Chi and the Legend of the Ten Rings: pj 22:00 After Love: so a pó 19:30 Paw Patrol: nj 12:45 | štw, so, pó a srj 15:00 Bigfoot Junior: nj 12:00 Ostwind – Der große Orkan: nj 12:00 | wu a srj 10:30 Kaiserschmarrndrama: pj, nj a wu 19:30 The Forever Purge: so 23:00

Wojerowski CineMotion:

Šofer mučny był

Sprjewiny Doł. Po wšěm zdaću bě mučnota šofera wina na wobchadnym nje­zbožu, kotrež sta so předwčerawšim dopołdnja na zwjazkowej dróze B 97 pola Sprjewineho Doła. 80lětny muž bě tam ze swojim Golfom z Grodka do směra na Wojerecy po puću, jako najskerje kontrolu nad jězdźidłom zhubi a do srjedźneho wobhrodźenja zrazy. Kaž přiwołanej po­liciji pozdźišo powědaše, bě wón chětro mučny a je drje tohodla njezbožo zawinił. Muža dowjezechu do chorownje. Načinjena wěcna škoda na awće a wobhrodźenju dróhi wučinja dohromady ně­hdźe 4 000 eurow.

Wojerecy. Na tak mjenowany street- food-festiwal přeprošeja wot pjatka hač do njedźele na swjedźenišćo při Wojerowskim gondlowym haće při Łužiskej kupjeli. Tam móžeš so na kulinarisku jězbu po mnohich krajach a kontinentach swěta podać a najwšelakoriše jědźe woptać. Mnohotnosć jědźow, kotrež na městnje čerstwe přihotuja, a jich kwalita stej jónkrótnej. Festiwal je přistupny pjatk wot 14 do 22 hodź., sobotu, wot 11 do 22 hodź. a njedźelu wot 11 do 20 hodź.

Doba zapodaća namjetow so kónči

Wojerecy. Župa „Handrij Zejler“ přijimuje hišće hač do pjatka, 15. oktobra, pod www.domowina.de namjety za wubědźowanje „Moja najlubša kamishibai-powědka“. Tematiski zakład přinoška měła serbska bajka abo baja być. Wurisanje je dźěl projekta „Žiwa kuzłarska křinja serbskich bajkow a bajow“. Kamishibai je forma dźiwadła z papjerjanymi figurami na „kašćikojtym jewišću“.

„Čitanski klub“ Budyskeho Kamjentneho domu přeproša na rozmołwy wo knihach

Měsačnje zetkawaja so zajimcy w Budyskim Kamjentnym domje, zo bychu so wo wubranych literarnych twórbach rozmołwjeli. Format mjenuje so ­„Čitanski klub“ a dopomina trochu na z němskeje telewizije znaty magacin „Literariski kwartet“. Čłonki a čłonojo wólnočasneho a swobodnje zestajaneho kluba dojednaja so zhromadnje na knihu, wo kotrejž chcedźa diskutować. Kóždy/kóžda smě swojich faworitow namjetować, hač beletriju abo fachowu publikaciju, hač lyriku abo krótkoprozu. Po wu­zwolenju maja namjetowacy nadawk, knihu na přichodnym zetkanju skrótka zjimać a slědowacu rozmołwu moderěrować. Cyle po wobjimje wotpowědneje twórby maja wšitcy štyri do wosom tydźenjow chwile sej knihu přečitać. Tak rozestajachu so lětsa mjez druhim z romanom Arundhatija Royja „Der Gott der kleinen Dinge“, ze stawizniskej refleksiju Timothyja Snydera a Tonyja Judta „Nach­denken über das 20. Jahrhundert“ kaž tež z wobšěrnym powědančkom Anny Weber „Anette, ein Heldinnen-Epos“.

Poprawom wšak mějachu so olympiske hry kaž tež paralympiske hry w japanskim ­Tokiju hižo loni wotměć. To pak koronapandemije dla móžno njebě. Lětsa je so to poradźiło, tež hdyž bjez přihladowarjow. Jurij Nuk z Budyšina je někotre zajimawe fakty a podawki w stawiznach olympiskich hrow zestajał­.(3. dźěl/kónc)

1972 Mnichow: Při teroristiskim nadpadźe zemrě jědnaće israelskich sportowcow. Wosebje wuspěšnaj atletaj olympiady w bayerskej stolicy běštaj Američan Mark Spitz a Němka – NDRska sportowča Karin Janz. Mark Spitz běše wusahowacy sportowc w płuwanju, a to we wjacorych disciplinach. Cyłkownje ­sydom króć bu wón jako dobyćer zło­teje medalje počesćeny, štož běše skoro njewěrjomne! Jedna z najlěpšich sportowčow swěta Karin Janz wubědźi sej we wu­měłskim ćěłozwučowanju dwě złotej medali na schodźenkowym bradle (Stu­fen­barren) a na konju (Pferdsprung). ­Wona zawěsći sej tež hišće dwě slěbornej a jednu bronzowu medalju.