Aus der aktuellen Ausgabe vom Mittwoch, 22 März 2023

Pančicy-Kukow (SN/MWj). Problem włóžneje pincy w twarjenju zarjadniskeho zwjazka Při Klóšterskej wodźe w Pančicach-Kukowje drje so w přichodźe z blida njezhubi, mjeztym pak móža z nim poměrnje derje wobchadźeć. Wo tym móžachu so čłonojo zarjadniskeje zhromadźizny na swojim wčerawšim posedźenju přeswědčić. Poskitk, sej do posedźenja pincu wobhladać, drje je jenož mała horstka přiwzała. Woni pak zwěsćichu, zo spočatk lěta instalowana technika derje dźěła.

Stuchły smjerd wopytowarja tež wčera „witaše“. Ćim bliže pak sy k techniskim připrawam přišoł, ćim mjenje bě wón pytnyć. Kaž předsyda zarjadniskeho zwjazka Stefan Anders informowaše, je podźěl włóžnoty wot 60 procentow na 30 procentow woteběrał. Hač so tónle trend pokročuje, dyrbja wočakować. Při wšěm su někotre akty do hornjeju poschodow přerumowali.

Paduši so posłužowali

Wojerecy. W času wot soboty popołdnja hač do póndźelnišeho ranja su so nje­znaći w pincy bydlenskeho domu na Wojerowskej Gagarinowej posłužowali. Tam so namócnje zadobychu a wzachu najwšelakoriši grat, elektriske nastroje, instalaciski material, črije, napoje a prózdne bleše sobu. Rubizna ma dohromady něhdźe 665 eurow hódnoty. Nimo toho načinichu skućićeljo 20 eurow wěcneje škody. Za paduchami policija nětko pyta.

Kulow. Dekoraciju z hliny zhotowić a připódla so w serbšćinje wukmanić móža zajimcy jutře, štwórtk, w Kulowskim Jakubecowym wustawje. Wot 15 do 16.30 hodź. su tam wopytowarjo na serbske kreatiwne popołdnjo z Mariju Šołćic přeprošeni. Je to zhromadne zarjadowanje Domowiny z towarstwom Zhromadnje za Kulow. Wobdźělenje na wosobu płaći štyri eurow.

Z wyšim měšćanostu rěčeć

Wojerecy. Slěd zarjadowanjow „Prašej so wyšeho měšćanostu“ město Wojerecy a tamniša měšćanska biblioteka Brigitty Reimann zajutřišim, pjatk, pokročujetej. Wot 18 do 19.30 hodź. móža wobydlerjo swoje naležnosće přednjesć a so z Torstenom Rubanom-Zehom (SPD) rozmołwjeć. Wobdźělenje je darmotne, při­zjewjenje trěbne njeje. Zarjadowanje wotměje so w rumnosćach měšćanskeje biblioteki.

23.3. – 29.3.2023

Budyski filmowy ­palast:

Olaf Jagger: nj 13:00 a 13:15 John Wick: Kapitel 4: wšědnje 16:30 a 19:30 | pj a so 22:00 Überflieger 2: Das Geheimnis des großen Juwels: wšědnje 17:20 | nj a srj 14:30 | pj, so a wu 15:15 Ein Mann Namens Otto: pj 17:00 | pó 20:00 | srj 14:30 Dungeons & Dragons: Ehre unter Dieben: pj 20:00 Anne-Sophie Mutter – Vivace: wu 18:00 The Quintessential Quintuplets Movie: wu 20:00 Sneak Preview: pó 20:00 Lucy ist jetzt Gangster: wšědnje 15:00 (nimo štw a pó) | nj 12:15 Mumien – Ein total verwickeltes Abenteuer: pj, so, wu a srj 14.15 Die Drei ??? – Erbe des Drachen: wšědnje 14:30 (nimo štw a pó) Der gestiefelte Kater: Der letzte Wunsch: wšědnje 14:30 (nimo štw a pó) | nj 12:00 Maurice, der Kater: nj 12:00 | pj, so, wu a srj 14.15 Lyle – Mein Freund, das Krokodil: nj 12:15 Die Schule der magischen Tiere 2: wšědnje 14:15 (nimo štw a pó) | nj 12:15 Der Pfau: wšědnje 17:10 a 19:45 Shazam! Fury of the Gods: wšědnje 17:00 a 19:45 (nimo pó) | pj a so 22:10 Scream 6: wšědnje 20:15 | pj a so 22:30 Die Fabelmans: wšědnje 17:00 65: wšědnje 20:15 | pj a so 22:50 Creed III: wšědnje 20:00 | pj a so 22:30 Sonne und Beton: wšědnje 16:50 a 19:30 | pj a so 22:50 Avatar: The Way of Water w 3 D: wšědnje 16:30 Magic Mike – The Last Dance: štw, so, nj a srj 20:00 Perfect Addiction: pj, so a wu 14:45 Missing: pj a so 22:20 Plane: pj a so 22:30 Ant-Man and the Wasp: Quantumania: wšědnje 17:20 (nimo pj a wu)

Němski hygienowy muzej Drježdźany styki z Wojerecami dale rozšěrja

Němski hygienowy muzej Drježdźany (DHMD) je za swój projekt „Muzeje jako aktiwne městnosće demokratije“ zwjazkarjow zwonka krajneje stolicy pytał a tajkich we Wojerecach našoł. Zaměrnje su so rozsudźili hić do Hornjeje Łužicy, potwjerdźi Alan Günther, we wobłuku projekta tuchwilu zamołwita za ćežišćo „Out­reach“ (wonkowne styki). Wšako njeje z jeje wida trěbne, so zapadnje w třiróžku Drježdźany-Kamjenica-Lipsk pohibować, ale w teritoriju mjez Łobjom a Nysu. Prěnja ko­operacija měrješe so na předewzaće „Njefalšowane? Fake-projekt we Woj“ (Echt? Das Fake-Projekt in Hoy) a bu 15. měrca wuspěšnje zakónčene.

Hižo wjacore měsacy wotměwa so w Drježdźanach „Čěska sezona“, kulturny festiwal, kotryž organizuja Statne wuměłstwowe zběrki a Němsko-čěski fonds přichoda. Hišće hač do 23. apryla je w Japanskim palaisu instalacija „Imaginarium“ za dźěći a dorosćenych widźeć. Wopyt je darmotny.

Njehotowy Japanski palais, kiž po wobškodźenju w Druhej swětowej wójnje přeco hišće cyle restawrowany njeje, skića runje prawy ramik za wulkotnu wustajeńcu, kotraž kaž hoberska kreatiwna improwizacija skutkuje. Wopytowarjo móža sej kuzłapołny swět kuka­dłowych jewišćow, karusele, klankodźiwadło, cirkusowu arenu, marionety a mechaniske hrajki wobhladać a je wupruwować. Smědźa za štryčkami ćahać, koleska wjerćeć, klocki stajeć, na knefle tłóčić, hry hrać. Smědźa zwěrjata, bajkowe a fablowe postawy z drjewa, papjery, papmašeja, płata, wołmy a wjele dalšich materialijow wobdźiwać a so do kosmosa fantazije zanurić.

Baršć (SN). Ze serbskej baju w formje comica kroči Swět přirody Luboraska hola nowe puće. Hromadźe ze społnomócnjenymaj za serbske naležnosće wokrjesow Dubja-Błóta, Sabrinu Kuschy, a Sprjewja-Nysa, Kerstin Kosakowej, su za nowymi formatami pytali, zo bychu tež młodym ludźom wuběrane baje kołowokoło přirody spřistupnili. „Tak smy ideju dwurěčnych comicow wulahnyli“, rjekny Dominik Rein, projektowy nawoda Swěta přirody Luboraska hola. Rjad bajow jako němsko-delnjoserbski comic započnu z „Wódnym mužom“, kotrehož je Lubinska wuměłča Karen Ascher ilustrowała. Knižnu premjeru dožiwjeja dźěći dźěćaceje přebywarnje „Błótowske wrobliki“ w Nowej Niwje 28. měrca.

Nowy masterplan za turizm

Łužiske lodohokejowe liški –

EC Kassel Huskies 1:2

(1:0, 0:2, 0:0)

Bě to scena ze symbolowym charakterom. Lědma bě kónčna sirena po druhej hrě mjez Liškami a Huskiejami z Kassela zaklinčała, to spěchaštaj hłownej sudnikaj spěšnje z lodu do swojeje kabiny. Wonaj budźetaj wědźeć, zo běštaj sej ze swojimi rozsudami mało přećelow w liščej jamje sčiniłoj.