Dr. Jan Grólmus
Nowa CD wušła
Wojuja wo financnu podpěru
Sakska statna ministerka za kulturu a turizm Barbara Klepsch (CDU) a Sakske krajne zjednoćenstwo w Němskim jewišćowym towarstwje žadatej sej wot Zwjazka zawěsćenja za wupad w zjawnych kulturnych institucijach.
Drježdźany (SN/CoR). Sakska kulturna ministerka Barbara Klepsch a předsyda Sakskeho krajneho zjednoćenstwa w Němskim jewišćowym towarstwje Lutz Hillmann wojujetaj wo financnu podpěru zjawnych kulturnych institucijow přez Zwjazk. Wonaj žadataj sej zawěsćenja za wupad we wosebitym fondsu kultury Zwjazka tež za zjawnje financowane zarjadnišća, kaž su to statne a komunalne dźiwadła a muzeje.
Sawrije Wjelkowa
Jan Awgust Sykora
Wo knihach a kniharni (17.12.21)
Kaž je so lěto 2021 započało, tak podobnje so tež kónči. Turbulentnje a překwapjace so wone nachila. Smy zbožowni, zo je so nam přiwšěm poradźiło swoje nadawki jako Ludowe nakładnistwo Domowina spjelnić. Mjez homeofficeom a karantenu smy knihi lektorizowali, nowiny a časopisy pjelnili, knihi a wabjenske materialije wudawali. Operatiwnje dyrbjachmy jednać, jako su roznošowarjo Serbskich Nowin abo šoferojo transportneje firmy wupadnyli. Běchmy wjeseli, zo móžachmy nalěto našu Smolerjec kniharnju zaso wotewrěć. Hišće bóle pak so radowachmy, jako smědźachmy w kniharni a druhdźe zaso zarjadowanja přewjesć.
Njehibać so přećiwo wětřikej
Psychiater Bertrand Piccard wě, kak ze strachami wobchadźeć
„Sternstunde Philosophie“, pod tymle hesłom nadeńdźeće darmotnje poskićenu widejowu seriju w mediatece telewizije 3sat, kaž tež na Youtubu sćelaka SRF. Za hesłom chowa so wjele zajimawych rozmołwow k najwšelakorišim prašenjam žiwjenja a aktualnym podawkam. Rozmołwy su stajnje z hinašej wosobu abo skupinu ludźi.
Što wšo je serbski knježkna wuměnk sobu měć chcył?
W awgusće 1818 předa Jan Jurij Matka-Mütterlein swoje knjejstwo Mały Wosyk z Njeradecami a Nowym Dworom z hospodarskim inwentarom a poddanymi subrektorej Budyskeho gymnazija C.F. Barthej za 40 600 toleri. Kupił bě knjejstwo 1782, po tym zo bě je hižo tři lěta dołho jako najenk wobhospodarjał, za 22 000 toleri, potajkim wo něšto wjac hač połojcu. W měsće zasłužeše tehdy wuwučeny muler něhdźe 70, dnjowy dźěłaćer 50 tolerjow na lěto.
Z předawanskim zrěčenjom wučini sej Mütterlein hišće wšelake wuměnjenja. Tak wuwza wšě meble, kotrež w hrodźiku do hospodarskeho inwentara njesłušachu, składowane žně z předchadźaceho lěta kaž tež wšón palenc, piwo a butru na składźe. Dale zrezerwowa sej wšitke hač do swj. Michała (29. septembra) dołžene wotedawki, njezapłaćene kupne dawki (pjeć procentow płaćizny kupjeneje žiwnosće, takrjec „dawk za nabyće ležownosće“) a dalše pjenježne žadanja na swojich něhdyšich poddanow.
Nowa dźěćaca kniha wušła
Dobyćerjo hódančka wulosowani
Dopominaće so hišće na wulku napjatosć do premjery pop-opery a do wuchadźenja magacina Carpe noctem? Runje tajka knježeše wčera dopołdnja w Smolerjec kniharni.
Budyšin (SN/MiR). Hódančko wo serbskej hudźbje, kotrež bě Jan Bogusz zestajał, žněješe dobry wothłós. Dohromady 14 dopisow je redakcija Serbskich Nowin dóstała. Nimale wšitcy su wuhódanje e-mejlnje sposrědkowali, a wšitcy běchu prawe hesło wuhódali. MŁODA SERBSKA HUDŹBA JE ŽIWA, tak měješe w kašćikach pod hódančkom rěkać.
Wčera dopołdnja je wučomnica Ludoweho nakładnistwa Domowina za e-commerce Jadwiga Šołćic jako sonina wšelake wudźěłki LND na blido składła, kotrež móhli dobyćerjam powabne być. K tomu słušachu nowostki za dorosćenych, młodostnych a dźěći. Runje tak wabješe wulka ličba cejdejkow a słuchoknihow. Při tym su tež mjez wudaćemi zašłych lět woprawdźite drohoćinki.
