Dźewjeć medaljow za mustwo Němskeje kónc tydźenja
Płuwarka Tanja Scholz je njedźelu wječor prěnju złotu medalju za němske mustwo při paralympiskich hrach 2024 dobyła. Wona přesadźi so štwórty wubědźowanski dźeń w finalu přez 150 metrow w disciplinje wjacorych stilow. Jenož mjeńšiny pozdźišo triumfowaše w Parisu tež mustwowy kolega Josia Topf na samsnej čarje.
Tež tandem-koleso muži docpě njedźelu, w časowym jězdźenju přez 1000 metrow w startowej klasy B medalju. Thomas Ulbricht a Robert Förstemann buštaj třećej. W 59,862 sekundach dyrbještaj Němcaj jenož Britiskim sportowcam Jamesej Ballej a Steffanej Lloydej, kaž tež Neilej Fachie a Matthewej Rotherhamej předstup dać.
Štwórtu němsku medalju njedźelu zdobyštej sej Hermine Krumbein a Jan Helmich. Wonaj staj při wjesłowanju bronzowu medalju w měšanej dwójce dobyłoj. W cilowym sprinće na slěbornym kursu jeju hišće britiski čołm přesćahny. Złoto dźěše na Awstralsku. Němske měšane mustwo z štyrjomi wjesłowarjemi skomdźi bronzu wo šěsć stoćinowych sekundow.
Strašne wuwiće
Münster (B/SN). Profesorka Regina Elsner kritizuje ukrainski zakoń přećiwo nabožnym organizacijam a cyrkwjam, kotrež styki z Ruskej wudźeržuja. „Zakoń dopušća ranjenja nabožneje swobody a pačenje Ukrainy. Hida a namóc přećiwo wěriwym ukrainskeje ortodoksneje cyrkwje so legitimujetej, stigmatizujetej rusku cyrkej a wobmjezujetej mjezynarodne ekumeniske poćahi“, pisa Katolska powěsćernja. Bamž Franciskus so „direktnemu abo indirektnemu zakazej křesćanskich cyrkwjow“ raznje wobara. „Wone su njedótkliwe!“
Škit židow
Mnichow (B/SN). Bayerski zamołwity za antisemitizm Ludwig Spaenle chce škit židow do Zakładneho zakonja a do wustawy krajow zapisać dać. Po nadpadźe teroristiskeje organizacije Hamas na Israel kopja so antisemitiske zjawy. Za změnu Zakładneho zakonja stej dwě třećinje hłosow w zwjazkowym sejmje trěbnej. W lisće zapósłancam skedźbnja Spaenle na pozitiwne nazhonjenja po změnje wustawow w Braniborskej, Bremenje, Hamburgu a Saksko-Anhaltskej.
Za njewotwisnosć cyrkwje
Njejsu swoje šansy dosć derje wužili
SV Wehen Wiesbaden –
FC Energija Choćebuz 2:1 (1:0)
Zestawa FC Energije Choćebuz: Bethke – Rorig, Kusić, Slamar, Bretschneider (69. Borgmann), Pelivan, Ciğerci, Möker (69. Hofmann), Krauß (46. Proničew), Thiele, Halbauer (46. Copado)
slěd wrotow: 1:0 Slamar (42., samowrota), 1:1 Cigerci (64.), 2:1 Kaya (77.)
Choćebuženjo hrajachu ze wšeho spočatka z wysokim tempom. Hosćićeljo so přez kombinacije Choćebužanow chětro dźiwachu. Tež wjele šansow so při tym wuhrachu, ale bohužel měješe tutón raz přećiwnik jara dobreho wrotarja w klětce stejo, kotryž znajmjeńša pjeć wulkotnych móžnosćow w prěnim wotrězku znješkódni. A hdyž so šansy njewužiwaja, stawaja so wězo tež zmylki. Tak tež krótko do přestawki, Dennis Slamar spyta bul wobarać, ale trjechi při tym do swójskich wrotow.
Tójšto ludźi je minjeny kónc tydźenja na motocrossowym ...
Widźała,słyšała, napisała (02.09.24)
Awtor dźensa
Tereza Wićazowa
Je sportowanje w towarstwje to najrjeńše? W sporće rozeznawa so powšitkownje mjez mustwowym sportom a tym, kotryž so sam za sebje přewjesć móže. Dale: Sportowe družiny z wubědźowanskim charakterom abo tajke, kajkež so jenož k wjeselu činja. Tuž so prašamy, kotre lěpšiny a njelěpšiny za sportowanje w towarstwje mamy.
Kóždemu so postajene treningowe časy njehodźa. Někotři preferuja, sami postajeć móc a fleksibelni być, hdy runje lóšt na pohibowanje maja a nochcedźa so na krute terminy wjazać dyrbjeć. W někotrych padach je to chětro njepřihódne a móže samo k tomu wjesć, zo začuwa wosoba wólnočasnu aktiwitu jako njewotpohladane nućenje. Abo přez stajny njelóšt stawa so sportowanje w towarstwje z wobćežnym terminom. Nimo toho maja so kóšty za čłonstwo w towarstwje wobkedźbować. Někotři su měnjenja, zo nima zmysła a njespjelnja zaměr, swój poslednje euro do swojeho wólneho časa inwestować. Płaćizny za sportowe družiny kaž golf, wjesłowanje abo polo přesahuja druhdy financielne móžnosće.
Nowe mustwo Liškowso fanam prezentowało
Zhromadnje ze swojimi fanami startowachu Łužiske lodohokejowe liški z wulkej zahajenskej partyju do přichodneje hrajneje doby. Při rjanym słónčnym wjedrje bě něhdźe 400 fanow přeprošenju sćěhowało a přebywaše na arealu před lodowej arenu.
Dypkownje připołdnju w 13 hodź. powita jednaćel Dirk Rohrbach přitomnych fanow a hosći. Zabawnje informowaše wo wukonjanych dźěłach po zakónčenju sezony. Dale rozprawješe wo jednanjach z dotalnymi a nowymi hrajerjemi, wo etaće a wo rekordnych trajnych lisćikach, kiž wučinja 1 175 městnow. Tež planowanja nastupajo mjezynarodnu kubłansku a sportowu akademiju běchu dalši dźěl jeho wuwjedźenjow.
Prěni dźeńbjez medalje
Prěnju medalju ma němske mustwo při paralympiskich hrach w Parisu hižo wěste. Blidotenisowa dwójka Stephanie Grebe a Juliane Wolf docpě štwórtk w startowej klasy WD14 finale a hraje dźensa wječor wo złoto. Po wuspěšnym štwórćfinalu dopołdnja bě jimaj hižo třeće městno wěste. Tež nawječor dobychu přećiwo dwójce Husic Dahlen/Tveiten z Norwegskeje.
Němskaj parablidotenisowaj europskaj mištraj Valentin Baus a Thomas Schmidberger žónsku dwójku napodobnještaj a zaručištaj sej z docpěćom połfinala bronzu. W horcym štwórćfinalu přesadźištaj so Düsseldorfčanaj snadnje přećiwo Chinjanomaj Fu Liu a Xiang Zhai a staj z tym znajmjeńša třećej. W połfinalu hraja Němcy nětko přećiwo šestej najlěpšej dwójce Turkowskeje Abdullahej Öztürkej a Nesimej Turanej. Ze zaćahom do koła poslednich štyrjoch mataj Němcaj medalju hižo wěstaj, dokelž so třeće městno njewuhraje. Wobaj přěhračkaj połfinala dóstanjetaj bronzu.
Sport (30.08.24)
Koparski derby w Delanach
Po poražkomaj je start do noweje hrajneje doby za HZ Ralbicy/Pančicy hižo skomoleny. Jako přichodne hraja tež hišće přećiwo Njebjelčicam.
31.08. 15:00 Rakečanske ST –
Sokoł Ralbicy/Hórki
01.09. 12:30 HZ Ralbicy/Pančicy II –
SJ Njebjelčicy
01.09. 12:30 SJ Chrósćicy II –
SZ Steinigtwolmsdorf
01.09. 14:00 Budissa Budyšin –
FC Jednota Rudolstadt
01.09. 14:00 ST Marijina hwězda –
Motor Kumwałd
01.09. 15:00 SJ Chrósćicy –
SG Großnaundorf
01.09. 15:00 ST Radwor –
ST Nadrózna Hrabowka
Dumperowy sport w Baćonju
Na ležownosći Donatec swójby w Baćonju přewjedźe so njedźelu štwórty běh wo Němske dumperowe mišterstwo 2024. Wot 14 hodź. wojuja wo dalše dypki za načolnu poziciju. Filip Kral tabulku z 54 dypkami před Paulom Domšom (48 ličakow) nawjeduje.
Konjacy sport w Hórkach
Dźensa, jutře a njedźelu so w Hórkach zaso z konjemi sportuje. Tam přewjedu so mjez druhim prěni raz Wuchodosakske mišterstwa w mnohostronskim jěchanju. Sobotu a njedźelu startuja w Hórkach wot 7.30 hodź.
Motocrossowy sport w Jaworje
Wuslědki (29.08.24)
Kopańca, wokrjesna wyša liga
Großröhrsdorf - Němske Pazlicy 0:1 (0:0)
Rakečanske ST - SJ Chrósćicy 1:1 (1:1)
Kulow - SG Großnaundorf 0:3 (0:1)
Ralbicy/Hórki - Hnašecy-Dobr. 0:1 (0:0)
1. SG Großnaundorf 2 7 : 0 6
2. Natwar Němske Pazlicy 2 4 : 2 6
3. ST Hnašecy-Dobruša 2 3 : 1 6
4. SJ Chrósćicy 2 2 : 1 4
5. Sokoł Ralbicy/Hórki 2 4 : 2 3
6. TSV Wachau 1 1 : 0 3
7. SC 1911 Großröhrsdorf 2 2 : 2 3
8. HZ Łaz/Běły Chołmc 2 2 : 2 2
9. Drohotka Ramnow 1 1 : 1 1
10. ST Horni kraj-Sprjewja 2 3 : 4 1
11. Rakečanske ST 2 2 : 3 1
12. Zeleno-běli Bukecy 2 1 : 2 1
13. FV Ottendorf-Okrilla 2 2 : 6 1
14. Póst Germania Budyšin 1 2 : 3 0
15. TSV Połčnica 1 1 : 4 0
16. Módro-běli Kulow 2 0 : 4 0
Wokrjesna liga stafla I
Wjazońca – Bretnig-Hauswalde 1:1 (0:0)
Kumwałd – Rakečanske ST II 5:1 (4:0)
Frankenthal – Steinigtwolmsdorf 1:1 (0:1)
HZ Huska/Hodźij – ST Porchow 2:2 (1:1)
Marijina hwězda – SJ Chrósćicy II 3:1 (2:1)
Hlinowski SK – Arnsdorfske KT 3:2 (2:1)
1. ST Marijina hwězda 2 11 : 2 6
2. Hlinowski SK 2 6 : 3 6
3. TSV Wjernarjecy 2 7 : 4 4
4. HZ Huska/Hodźij 2 6 : 3 4
5. TSV Wjazońca 2 4 : 3 4
6. Motor Kumwałd 2 6 : 4 3
7. Arnsdorfske KT 2 5 : 4 3
8. HZ Frankenthal 2 4 : 4 2
9. Bretnig-Hauswalde 2 3 : 3 2
10. SZ Steinigtwolmsdorf 2 3 : 4 1
11. SJ Chrósćicy II 2 4 : 6 1
12. ST Porchow 2 3 : 5 1
13. ST Wjelećin 2 3 : 9 0
14. Rakečanske ST II 2 2 : 13 0
Wokrjesna liga stafla II
ST Lubuš – ST Radwor 2:1 (2:0)
ST Ćisk – Traktor Malešecy 0:6 (0:4)
FSV Łuty – ST Kinspork/Łužnica 0:2 (0:0)
Minakał – Wojerowski FC II 5:1 (1:1)
ST Nadrózna Hrabowka – Sepicy 1:2 (1:1)
1. LSV Hory 2 10 : 1 6
Paralympics 2024 w Parisu zahajili
W Parisu zahajichu wčera wječor paralympiske lětnje hry 2024 z wjesołej, ale tež hłubokomyslnej swjatočnosću pod hołym njebjom a při krasnym wjedrje. Wona zbudźi wulke předwjeselo na přichodne jědnaće dnjow wubědźowanja.
17 dnjow po hašenju olympiskeho wohenja, při zakónčenju olympiskich hrow w Parisu 11. awgusta, pali so woheń w francoskej stolicy znowa. Prezident Emmanuel Macron bě paralympiske hry w 22.37 hodźin oficialnje zahajił. Ceremonija bě so k zynkam pianista Chillyja Gonzalesa zahajiła. Předstaji so performance na wjacorych klawěrach kaž tež rejach a z wohnjostrojom. Krótki čas pozdźišo startowaše parada.
Přewodźane wot trenarjow, pomocnikow a medicinarjow poda so něhdźe 4 400 atletkow a atletow w pisanej, wjesołej a połdrahodźinskej paradźe wot pyšneho bulwara Champs-Élysées k Place de la Concorde. Na Place de la Concorde witaše jich potom 35 000 zahorjenych ludźi.
