Zastupjerjo wjacorych serbskich towarstwow a Chróšćanskeje gmejny su so wčera w tamnišim gmejnskim zarjedźe schadźowali, zo bychu prěnje organizatoriske prašenja za klětuši mjezynarodny folklorny festiwal rozjimali.

Chrósćicy (SN/lmc). Klětu wot 6. do 9. julija wotměje so 16. mjezynarodny folklorny festiwal Łužica – Łužyca – Lausitz. Na wčerawšim organizaciskim posedźenju su so wobdźělnicy na to dojednali, zo chcedźa hižo wupruwowany štyridnjowski koncept wobchować. Tež hižo znate festiwalne­ městnosće so njezměnja: Štwórtk přewjedźe so festiwal w Budyšinje, pjatk we Wochozach, a sobotu kaž tež njedźelu w Chrósćicach.