Ze spodobnym akwarelom „Nalěćo pola Sušowa“ Błótowčana Wylema Šybarja (1887–1974) zahaja so měrcowske wu­daće Rozhlada. Na dalšich stronach dźe wosebje wo digitalizaciju w najšěršim zmysle. W zawodnym teksće rysuje Domenico Gruhn, kak je so pólska wikowanska platforma Allegro přećiwo eBay přesa­dźiła, kotre serbske poskitki na tym polu faluja a kak móhli serbski digitalny swět tworić, z kotrymž móže so kóždy identi­fikować. W rozmołwje dawa samostatny poradźowar za IT-procesy a zamołwity za nadźěłanje digitalneho koncepta za Załožbu za serbski lud Měrko Šenk dohlad do tuchwilneho stawa digitalizacije pola Serbow. Tak wón rozkładuje, kotre serbske poskitki na tym polu su k dispoziciji, kak jednotliwe institucije z nimi dźěłaja a hač je móžno wliw na wulke firmy wukonjeć, zo bychu serbske aspekty při digitalizaciji wobkedźbowali. Šenk zdobom měni, zo je digitalizacija wulka šansa za serbski lud a jeho rěč.

Wodorunje: 3 kwasna wosoba, 5 płód sadow­ca, 6 město w Algeriskej, 7 hwězdny wobraz, 10 čěske husitske město, 13 dźěl bydlenja, 14 italska filmowa hrajerka, 15 ptak

Padorunje: 1 něhdyša šwedska spěwna skupina, 2 hubjenstwo, 3 škitny wobłuk štoma, 4 z Belgiskeje pochadźacy šlagrowy spěwar, 8 słowaksko-pólske horiny, 9 prěni přełožk biblije, 11 swójbne mjeno Ćišinskeho, 12 nic křiwy