Jěwa-Marja Čornakec a Helena Palmanowa (wotlěwa) běštej čłonce jury, ­kotraž je dobyćerki a dobyćerjow lětušeho 69. wubědźowanja Spěchowanskeho kruha za serbsku ludowu kulturu wo najrjeńše jutrowne jejko za dźěći a młodźinu wuzwoliła.W starobnej skupinje štyri do šěsć lět wobsadźi Jurij Pallmann z Ludwigsburga prěnje městno. Jeho bratr Hannes doby w klasy sydom do wosom lět. Dalši dobyćerjo po dwulětnje stupacej klasifikaciji su Hanka Cyžec (Worklecy), Benedikt Pietschmann (Malešecy), Elea Kasper (Židźino), Lisa-Marie Ste­phan (Wojerecy), Vanessa Trenschel (Allendorf nad Lumdu) a Wiebke Zimmermann (Gersdorf). Młodźinske spěchowanske myto při­znachu 14lětnej Emmje Schreierojc z Choćebuza. Jeje kolekciji, zhotowjenej w bosěrowanskej kaž tež wóskowanskej debjenskej technice, móža sej zajimcy tele dny w Bu­dyskim Serbskim muzeju wobhladać.Dohromady je so wjace hač 50 dźěći a młodostnych kaž tež po skupinach něhdźe 300 šulerjow resp. pěstowarskich dźěći kubłanišćow we Łužicy a Großschirmy na wubědźowanju wobdźěliło. Foto: Rejzka Krügerowa

Přirodoškitny zwěrjenc Zhorjelc-Zgorzelec chce so maćerjam z wosebitym poskitkom dźakować. Składnostnje dnja maćerjow, kotryž swjeća njedźelu, 8. meje, w Němskej a štwórtk, 26. meje, w Pólskej, poskića žonam na mjenowanymaj terminomaj we wobłuku wopyta coowa darmotnu šalku kofeja a mały přikusk. Foto: Catrin Hammer

Hižo wot srjedy wijachu młodostni Chróšćanskeho młodźinskeho kluba kóždy wječor pilnje ranku za swoju lětušu meju. ­Jutře chcedźa mejski štom w 16 hodź. na nawsy stajić a wječor potom paslenu chodojtu na wulkim wohenju spalić. Na mnohich wsach ­we Łužicy nałožkaj po dwulětnej přestawce bjez wjetšich wobmjezowanjow zaso pěstuja. Foto: Feliks Haza

Jeli pytane słowa 1–27 prawje wuhódaće, wučitaće z wuzběhnjeneju rjadow słowje wuznawanja.

1 swójbny, 2 drohotny płun, 3 afriska rěka, 4 wólnočasna zabawa, 5 grjekski pismik, 6 alfabet, 7 ratar, 8 moderator, 9 štom, 10 ličba, 11 stolica Norwegskeje, 12 přitok Wolgi, 13 narod, 14 doniž skrótš., 15 nic křesćan, 16 potomnik, 17 dźewjeć němsce, 18 ně­hdyša republika, 19 Zjednoćene ­narody, 20 humorist, 21 wolij jendźelsce, 22 ptak, 23 wobkroma twarjenja němsce, 24 forma komunikacije skrótš., 25 swójbna, 26 Druck serbsce, 27 lokomotiwa a wagony