W Budyskej Serbskej kulturnej informaciji (SKI) budu ćichu sobotu ...
Kupjele
Kamjenska halowa kupjel je ćichi pjatk a sobotu wot 9 do 18 hodź. wotewrjena. Jutrowničku je płuwanišćo zawrjene, jutry póndźelu pak zaso wot 9 do 18 hodź. přistupne.
Budyska Röhrscheidtowa kupjel je wot jutřišeho hač do jutrowneje póndźele wšědnje wot 10 do 18 hodź wotewrjena.
Krušwičanski dožiwjenski swět wabi jutry ze swojimi „dobropisami derjeměća“, kotrež zajac rady daruje. Jutrowničku je kupjel wot 14 do 22 wotewrjena, tamne dny – wot 19. do 28. apryla – stajnje wot 10 do 22 hodź.
Kupjel Mariba w Nowym Měsće je ćichu sobotu wot 10 do 22 hodź. wotewrjena, jutry póndźelu wot 10 do 21 hodź. Wot wutory do štwórtka je tam kupanje wot 10 do 21 hodź., pjatk wot 10 do 22 hodź. a njedźelu wot 10 do 21 hodź. móžne.
Terma Toskana w Bad Schandauwje je jutře wot 10 do 14 hodź., sobotu wot 10 do 23 hodź. kaž tež jutrowničku a póndźelu wot 10 do 22 hodź. wotewrjena.
Korzymska terma je wot póndźele do štwórtka wot 10 do 22 hodź., pjatk a sobotu wot 10 do 12 hodź. a njedźelu wot 10 do 21 hodź. přistupna.
Wšelčizny
Ćichi pjatk přeproša rybar Maik Rogel wot 10 hodź. na wuchodźowanje po hatach wokoło Cympla (Zimpel) blisko Hamora. Zetkanje je při awtowym wikowanišću Klippe. Pućowacy zhonja, zwotkel karpy su a kak je plahuja.
„Jutry na Lědach“ rěka zarjadowanje, na kotrež wot ćicheho pjatka do jutrownički wšědnje wot 11 do 17 hodź. na Lědy přeprošeja. W muzeju pod hołym njebjom čaka na hosći wosebite jutrowne dožiwjenje.
4. jutrowne wiki wotměja sobotu wot 11 do 18 hodź. na Kamjenskej w Biskopicach. Připowědźił je so nimo zajaca tež klawn.
„Das übermütige Entchen“ rěka inscenacija, na kotruž su swójby zajutřišim w 15 hodź. do Slepjanskeho Serbskeho kulturneho centruma přeprošene.
Na měšćansku rozmołwu je sej lokalna nowina Hoyerswerdaer Tageblatt za jutře w 11 hodź. nawodu Wojerowskeho zwěrjenca Eugèna Bruinsa do Łužiskeho centera přeprosyła.
Šunowska Fabrikska hospoda přeprosy młodźinu jutrowničku na reje, kotrež wobrubitaj DC Romano a DC SCALA. Hač do 21 hodź. je zastup darmotny.
Swójbny swjedźeń wotměje so jutry póndźelu wot 11 do 17 hodź. we Wochožanskim parku błudźenkow.
Dokal załožić?
Budyski Serbski muzej: W nowowuhotowanej wustajeńcy muzeja „Jutry w Serbach“ čaka na wopytowarjow nazorna prezentacija nałožkow něhdy a dźensa. Muzej je wot póndźele do njedźele wšědnje wot 10 do 18 hodź. přistupny.
Mortkowski hród: 21. a 22. apryla so na Jakubecec hrodźe w Mortkowje lětuša sezona zahaji. W 12.30, 14 a 15 hodź. budu tam wodźenja. Na dźěći čaka jutrowne jěchanje, tež trompetarja su skazali.
Złokomorowski hród: Ćichi pjatk su zajimcy wot 11 do 17 hodź. na debjenje jutrownych jejkow přeprošeni. Sobotu wočakuja dźěći jutrowne hry a paslenje. W 16 hodź. je klankodźiwadło.
Budyske wopomnišćo: Wot ćicheho pjatka do jutrowneje póndźele je wopomnišćo wot 10 do 18 hodź. wotewrjene. W 11 a 14 hodź. je wšědnje něhdźe dwuhodźinske wodźenje.
Kamjenski Muzej zapadneje Łužicy. Wuhotowane z pokładnej kartu su dźěći wot wutory do njedźele w času wot 10 do 18 hodź. w elementariju na ekspediciju swěta žrawcow přeprošene.
Wojerowski Zusowy muzej je jutrowne swjate dny wšědnje wot 10 do 17 hodź. wotewrjeny. Jutry póndźelu budźe w 10.30 hodź. wosebite wodźenje.
Po dwulětnej přestawce hotuje so z Budyšina pochadźaca rockowa ...
Křižowka (12.04.19)
Wodorunje: 3 jězdźidło, 5 koparski klub w Mailandźe, 6 norwegska stolica, 7 wołanje k hotowosći, 10 delnjoserbski słownikar, prócowar, nošer Myta Ćišinskeho, 13 sudobjo, 14 tuchwilu, 15 město blisko Parisa
Padorunje: 1 lisćowy štom, 2 dźěl bydlenja, 3 słód, 4 nalětnja kwětka, 8 doktor, 9 powabny, so lubjacy, 11 los bjez dobyća, 12 kartyplacanje
Při Złokomorowskim jězoru su minjenu póndźelu lětušu ...
Křižowka (05.04.19)
Wodorunje: 3 dojutrowny čas, 5 wulka europska rěka, 6 Hanka delnjoserbsce, 7 stolica Marokka, 10 kamjentna jama, 13 stare železo, 14 starobny pjenjez, 15 kupa w Srjedźnym morju
Padorunje: 1 postrow Sportej ..., 2 wulcečinjak, 3 do jutrow je ćichi/wulki ..., 4 serbske sportowe towarstwo, 8 jutrownik, 9 mjeno satelita, 11 rěka w Italskej, 12 jězor w Aziji
Njedźelu budźe posledni dźeń nalětnika. Njezabudźće tuž swoje ...
Čitajće w nowym rozhledźe (29.03.19)
Přichodny Rozhlad budźe wotměnjawy kaž aprylske wjedro, ale wězo w pozitiwnym zmysle. „Sobu činić“ je jedna z temow. Měrćin Wjenk wěnuje so přidatnym pjenjezam za dwurěčnosć w sakskich komunach serbskeho sydlenskeho ruma a namołwja wobydlerjow, gmejnam pomhać naprawy zwoprawdźić, kotrež su woprawdźe na dobro serbšćiny.
Lěto 2019 je Mjezynarodne lěto indigenych rěčow. Ielyzaveta Waltherowa z Lipšćanskeho Instituta za sorabistiku rozprawja wo jeho wotewrjenju w januarje w Parisu. Wona měni, zo zmóžnja projektne lěto Serbam, na swoju dźěławosć skedźbnjeć a so z druhimi mjeńšinami, na přikład wo wuspěchach a njewuspěchach kubłanskich naprawow, wuměnjeć. To praji tež Rejzka Lipičec, kotraž lěto indigenych rěčow jako sobudźěłaćerka UNESCO sobu organizuje. Wona powěda wo pozadku a naprawach projekta UNO a ma konkretny namjet, kak móhli so Serbja wobdźělić.
