Jeli pytane słowa 1–16 prawje wuhódaće (spočatk je wupokazany), wučitaće wotnutřka nowe słowa.

Wotwonka: 1 lud, 2 póda, 3 twarjenje, 4 dlěše powědančko, 5 jednotka pódy, 6 běži do Wolgi, 7 roman Zole, 8 grjekski pismik, 9 nic sucha, 10 wuznamjenjenje, 11 swětnišćowa organizacija USA, 12 wólnočasna zaběra, 13 přez nje přińdźe swětło do jstwy, 14 dźěl nohi, 15 serbski awtor, 16 prjedawša aktualna kamera skrótš.

Wotnutřka: jednore jězdźidło – štom – jedyn jendźelsce – lokomotiwa – wón słowjansce – by­wši jednaćel Domowiny – wuski puć – hudźbne znamjenja – muske předmjeno – šulski předmjet skrótš. – južny płód – kniha muslimow – bóh lubosće – wašnje drasćenja – jendźelski titul – město w Algeriskej

Pjatk 1.4. 20:00 Předstajenje dokumentacije wo wotemrěću pčołkow „More than honey“ ze slědowacej filmowej rozmołwu w Budyskim Kamjentnym domje

Sobota 2.4. 11:00  Casting za lětnje dźiwadło na probowym jewišću NSLDź   

  13:00 Dźěłarnička „Debjenje jutrownych jejkow“ w Budyskim Serbskim muzeju

Z hudźbu a literaturu za měr

Budyšin. Rotary-klub Bautzen-Budyšin, Budyski ekumeniski tachantski wobchod a ewangelsko-lutherska wosada swj. Pětra wuhotuja jutře, sobotu, w 17 hodź. beneficne zarjadowanje w Budyskej Pětrowej cyrkwi. Pod nawodom cyrkwinskeho hudźbneho direktora Michaela Vettera předstaja wjacori akterojo, mjez druhim čłonki a čłonojo ewangelskeho kantorstwa swj. Pětra kaž tež intendant Němsko-Serbskeho ludoweho dźiwadła Lutz Hillmann, hudźbu a teksty, wotpowědowace hesłu zarjadowanja „Wo lu­bo­sći a měrje“. Zastup je darmotny, pje­nježny dary sposrědkuja Lwiwskej dobroćelskej załožbje St. Wolodymyr Fonds .

Folklora z labora

Budyšin. Załožba za serbski lud a Serbski ludowy ansambl přeprošatej njedźelu, 3. apryla, na zakónčace zarjadowanje folklorneje dźěłarnički „LAB 1 – Laboratorij za serbsku tradicionalnu hudźbu“ do Budyskeho Kamjentneho domu. Po prezentaciji wuslědkow wobdźělnikow koncertujetaj mentoraj projekta Maciej a Tadeusz Rychły. Zbytne zastupne lisćiki su při wječornej kasy na předań a płaća 12 eurow.