Pokiwy (31.07.26)
Zahaja karpowu sezonu
Picnjo. We wobłuku 725. měšćanskeho jubileja „rybakarskego a twardnicowego mĕsta“ wuhotuja w Picnju wot dźensnišeho pjatka do zajutřišeje njedźele 70. rybarski swjedźeń, z kotrymž tradicionelnje zahaja aktualnu karpowu sezonu. Swjedźeń wotměje so w Ludowym parku z pisanym kulturnym programom, regionalnymi a serbskimi wikami – mjez druhim prezentujetej so Lodka a Ludowe nakładnistwo Domowina –, wohnjostrojom a hermankom. Wulki wjeršk je sobotne „kałanje rybarjow“. Zastup je kóždy dźeń darmotny.
Prěni festiwal Open Art Lausitz
Lokalni matadorojo Rainer Rauhut (na wobrazu) a pólska band Excess ...
Płastowka (31.07.26)
Elektroniski kónc tydźenja při skale
Rozhłós (31.07.26)
Njedźelu hornjoserbsce
11:00 Łužica tutón tydźeń
11:20 Na probje za oratorij „Wulkotna woda“
12:00 Nabožne wusyłanje
(Beno Jakubaš)
po tym zbožopřeća
delnjoserbsce
12:30 Aktualny magacin, mjez druhim ze zazběhom serije Nowa slěpjańska moda a přinoškom „Rostlinka lěta: Cygańki“
13:00 Tematiske wusyłanje: Spomnjeće na holocaust Sintow a Romow w Pólskej
13:40 Nabožne wusyłanje
(Hartmut Leipner)
po tym zbožopřeća
Samostatnosć, Wawrik a Niža Wjes
Hłowny přinošk přichodneho wusyłanja telewizijneho magacina Wuhladko wěnuje so młodym předewzaćelam z Łužicy, kiž su so wuspěšnje na často dosć riskantny krok do samostatnosće zwažili. Dalše ćežišćo je nowa wuchowanska centrala w Zdźěri, hdźež chcedźa přichodnje tež serbscy sanitetarjo słužbu wukonjeć. Pod nadpismom „Potajnstwo Kanečanskeje kapałki“ podadźa so telewiznicy zhromadnje z potomnikami Jurja Wawrika a ze stawiznarku Lubinu Malinkowej na slědy serbskeho rjemjeslnika, kiž bě před 150 lětami pěši do Roma putnikował a swoje dožiwjenja w (dźensa jónkrótnym) dźeniku dokumentował. Nachilace so lěćne prózdniny słuža jako wuchadźišćo za krótku, magacin skulojćacu reportažu „Dowol před domjacymi durjemi“, portretowacu wjacorych „přeswědčenych campingowarjow“, kotřiž dadźa sej idylku wokoło Nižeje Wsy lubić.
Do kina (30.07.26)
30.7. – 5.8.2026
Budyski filmowy palast:
Spider-Man: Brand New Day: wšědnje 14:00 (nimo wu) a 20:15| wu 13:30 | Spider-Man: Brand New Day (w 3D): wšědnje 19:30 | wu 16:40 | so 22:50 The Invite: wšědnje 18:15 a 20:30 Die Odyssee: wšědnje 14:30, 17:00 a 19:15 (nimo pó) | so 22:15 Cheri, ich komme!: wšědnje 17:45 | wu 12:30 Evil Dead Burn: so 22:50 Obession – Du sollst mich lieben: nj a wu 19:45 | so 22:45 Backrooms Everything Must Go: so 21:50 Jackass: Einer geht noch: so 22:45 Der Täufel trägt Prada 2: wu 11:50 Terminator: wu 19:45 Verflucht Normal: pó 19:00 Sneak Preview: pó 20:00 Glennkill: Ein Schafskrimi: wu 12:45 | pó 13:45 | štw, so a srj 15:00 Toy Story 5: wšědnje 15:00, 17:15 a 20:30 (nimo wu) | wu 9:30 a 12:30 Vaiana: wšědnje 14:00, 16:30, 17:15 (nimo pó) a 19:45 | wu 9:30 a 12:00 Minions & Monster: wšědnje 14:00, 16:10, 18:10 a 19:40 (nimo pó) | wu 9:30 a 11:40 Meine Freundin Conni – Abenteuer mit Kranich Klaus: wšědnje 16:30 | wu 11:40 Der Super Mario Galaxy Film: pj, nj a wu 15:00 Jazzy – Chaos im Regenwald: wu 10:00 Die Legende des Wüstenkindes: pj, nj a wu 14:15 Hoppers: wu 9:30 | štw, so, pó a srj 14:15
Wojerowski CineMotion:
Pokiwy (24.07.26)
Kino na Krabatowym dworje
Čorny Chołmc. Na 50 kwadratnych metrow wulkej sćěnowinje prezentuja w Krabatowym młynje w Čornym Chołmcu wot wčerawšeho štwórtka lětuše lěćne kino. Dźensa wječor pokazaja hrajny film wo Michaelu Jacksonje, jutře „Der Teufel trägt Prada 2“, njedźelu „Verflucht normal“, přichodnu srjedu „Ein fast perfekter Antrag“ a štwórtk „In the Grey“. Njedźelu, 26. julija, je kinowy dźeń. Filmy započnu so stajnje w 21 hodź., zastup je wot 19.30 hodź. móžny.
Stroga woła
Hórnikecy. Towarstwo Energijowa fabrika z.t. w Hórnikecach wuhotuje wot dźensnišeho hač do njedźele 4. Stroga-festiwal. Pod hesłom „štyri elementy“ přeměni so areal do žiweho swěta wohenja, wody, zemje a powětra. Na pjeć jewišćach wustupi wjac hač 90 wuměłcow a wuměłčow. Kartki su hišće za wšitke dny festiwala na předań.
Na česć Ćišinskeho
Gypsy-jazzowa trójka Bistro Manouche jutře, sobotu wječor, wot ...
Ze serbskeje šule (24.07.26)
W runje wušłym 3. čisle Serbskeje šule čitaće wo prócowanjach a dźěle delnjoserbskeje wotnožki Rěčneho centruma WITAJ na dobro zachowanja delnjoserbskeje rěče w zašłych 25 lětach. Kaž wotrjadnik Bernd Melcher piše, je wot załoženja RCW w lěće 2001 dźěławosć Choćebuskeje wotnožki njesměrnje rozrostła. Tak je na přikład hač do dźensnišeho 160 delnjoserbskich wučbnych materialijow za pěstowarnje a šule wušło. Wjele projektow je so etablěrowało, mjez druhim čitanske wubědźowanje w Choćebuzu, wo kotrymž rozprawja Maks Bagańc. Prawidłowne zarjadowanja ze serbskimi swójbami hraja tohorunja wažnu rólu při posrědkowanju a nałožowanju delnjoserbskeje rěče.
