Załožbowa rada: Syman Pětr Cyž jako jednaćel LND hač do 2030 wobkrućeny
Choćebuz (SN/mb). Najwažniše wobzamknjenje załožboweje rady je Jan Budar, direktor Załožby za serbski lud, medijam na nowinskej konferency po wuradźowanju gremija jako prěnje zdźělił: Zrěčenje z jednaćelom Ludoweho nakładnistwa Domowina (LND), Symanom Pětrom Cyžom, su wo dalšich pjeć lět hač do 2030 podlěšili. Prěnja doba zastojnstwa so klětu kónc meje skónči. Do toho je Cyž koncept za wuwiće LND hač do 2029 předstajił, kotryž je zhromadnje z wotrjadami zawoda wudźěłał. Nimo toho su radźićeljo wšelake rozprawy – mjez druhim zawodneje rady a přirady LND – wo situaciji w nakładnistwje na wědomje brali. Jan Budar, kotryž wuslědki hromadźe z předsydu załožboweje rady, Markom Kowarjom, prezentowaše, zwěsći: „Nalada w zawodźe je lěpša hač před lětom, jednaćel je na prawym puću.“
„Twarski inženjer Eberhard Dučman – Mjez łužiskej drjewowej architekturu a industrielnym twarjenjom“ rěka wosebita wustajeńca, kotruž zajutřišim, njedźelu, w Budyskim Serbskim muzeju wotewru. Zakład přehladki twori loni w Ludowym nakładnistwje Domowina wušła biografija Dučmana z pjera ko-kuratorki wustajeńcy dr. dr. Betiny Kaun (na foće). Foto: Monika Ošikowa
Koparjo Serbskeho mustwa za lětušu Europeadu su wčera wječor w Janšojcach testowu hru přećiwo mustwu SJ Zeleno-Běli Lubin přewjedli. Po hrě předstajištaj zamołwitaj trenarjej Frank Ričel a Sven Ballack nominowany kader mustwa.
Europeada 2024 lětsa w Schleswigsko-Holsteinskej, kraju mjez Sewjernym a Baltiskim morjomThomas Uerschels, měšćanosta w Niebüllu, so na Europeadu a na serbsku wubranku wjeseli. Foto: MkWjThomas Uerschels je měšćanosta schleswigsko-holsteinskeho Niebülla. 55lětny steji wot lěta 2022 na čole města z 10 000 wobydlerjemi.Kak sće reagował, jako bě jasne, zo wotměja so we Wašim měsće koparske hry Europeady?T. Uerschels: Njejsym wo Europeadźe wjele wědźał. Bórze pak bě mi jasne, zo so zarjadowanje derje do našeje kónčiny hodźi, wšako smy region mjeńšinow. Wjeselu so, zo smy minjene lěta tři miliony eurow do našeho koparskeho stadiona inwestowali.Je frizišćina wohrožena rěč?T. Uerschels: Na kóždy pad. Mamy samsny problem kaž drje wšitke mjeńšiny: Hdyž starši rěč přichodnym generacijam dale njedadźa, wona wotemrěje.Što wot Europeady wočakujeće?
Při sypnjenju połnje wobsadźeneho hosćenca na kupje Mallorca stej dwě žonje w starobje 20 a 30 lět z Němskeje žiwjenje přisadźiłoj. Nimo toho zemrěštaj 23lětna Španičanka a 44lětny muž ze Senegala. Twarjenje bě so wčera wječor wokoło 20.30 zwjezło. Prěni poschod so hač do pincy přełama, hdźež tohorunja hosćo wječerjachu. Policija rěči wo 16 zranjenych, sedmjo su hišće w kritiskim stawje. Medije na to tukaja, zo běchu twarske njedostatki na katastrofje wina. Foto: dpa/ABACA
Sotrownja zahaji sezonuMały Wjelkow. Ze zhromadnym koncertom Drježdźanskeje skupiny Banda Comunale a dujerskeho chóra bratrowskeje wosady Mały Wjelkow zahaja dźensa lětušu sezonu zarjadowanjow w tamnišej sotrowni. Zarjadowanje započnje so w 19 hodź., zastup je darmotny. Šćedriwe pjenježne dary pak njewotpokazaja.Wopominaja Kita ŠwjeluWulki Woseńk. Bróžeń na Šulskej we Wulkim Woseńku přeproša jutře, sobotu, w 17 hodź. na zarjadowanje, kotrež je žiwjenju a skutkowanju Kita Šwjele wěnowane. Wobrubjene wot wustajeńcy předstajitaj domizniskaj slědźerjej Regina a Dietmar Schulze swoju biografiju wuznamneho serbskeho wučerja, kantora, awtora a přełožowarja z wulkej ličbu wobrazow. Tworićel w Skjarbošcu postajeneje bisty Šwjele, Choćebuski rězbar Hans-Georg Wagner, budźe jimaj poboku. Zastup je darmotny.Wiki tradicijow w Lubnjowje
Hač do njedźele wotměwa so w Budyšinje měšćanski swjedźeń Budyske nalěćo. Mjez hudźbnymi přinoškami tež serbske njepobrachuja. Sobotu předstaji Serbski ludowy ansambl na Žitnych wikach wot 17.30 hodź. swój program „Swět filmoweje hudźby“ z orchestrom a solistami. Njedźelu wot 11 hodź. zahudźa Chróšćanscy muzikanća na Hłownym torhošću, w samsnym času kapała Horjany na Žitnych wikach. Tam wustupi wot 14 hodź. dorostowa skupina SLA Łužičanka. Wo ćělne derjeměće postara so mjez druhim Wawrikec cateringowy swět, hdźež Mato Dźisławk a Tabea Zopic napoje poskićujetaj. Foto: SN/Bojan Benic
Marcel BraumanHdyž w lěće 2015 młodeju mužow ze Syriskeje tehdyšemu trenarjej koparskeho mustwa SJ Chrósćicy II „přepodach“, jimaj prajach: Waju dla nichtó na hrajnišću němcować njebudźe, dyrbitaj sej potajkim zakładne serbske zapřijeća za kopańcu přiswojić. Salman a Iwan staj so bjez diskusije ze serbšćinu aranžowałoj.
