Tež dźěćom šćěpjenje poskićeć
Rozjimuja wotewrjenje šulow a lěpši škit wuknjacych před wirusom
Berlin (dpa/SN). Hladajo na woteběrace ličby koronainfekcijow sej dźeń a wjace ludźi žada, w šulach so zaso k normalnej prezencnej wučbje wróćić. Po měnjenju sejma wokrjesow by to infekciske połoženje hišće do lětnich prózdnin dowoliło. „Přilubjenje, šule jako prěnje zaso wotewrěć, měła politika najspěšnišo spjelnić“, rjekny prezident sejma Reinhard Sager Osnabrückskim nowinarjam. Tak tež wo to dźe, hač měli šulerjow přećiwo koronawirusej šćěpić abo nic.
Předsyda stajneje šćěpjenskeje komisije Thomas Mertens chcył pruwować, hač je šćěpjenje dźěći woprawdźe jenički a prawy srědk přećiwo wirusej. „Njezabudźmy: Při šćěpjenju njerozdźělamy placki. Je to medicinski zasah.“ Hłowny zaměr měło derjeměće dźěći być. Porno tomu su argumenty kaž wotewrjenje šulow, nawrót k normalnemu žiwjenju abo dowol ze staršimaj jeno „sekundarne“.
Nowa institucija EU
To a tamne (27.05.21)
Kónčk kurjeneje cigary bywšeho britiskeho premierministra Winstona Churchilla ma za 4 850 eurow noweho wobsedźerja. Sydom centimetrow krótka historiska dopomnjenka je tak wo wjele wjace wunjesła, hač běchu trochowali, zdźěli awkciski dom Bellmans. Churchill, zahority kurjer cigarow, bě kónčk jedneje tajkeje 1940 preč ćisnył. Policist, kiž premierministra přewodźeše, bě jón zběhnył a swojemu wnučkej zawostajił.
Chětro rědki minikóń je so w zwěrjencu w Aue narodźił. Kobła Anielka je minjeny pjatk žrěbca porodźiła. Jara k wjeselu sobudźěłaćerjow ma kožuch konja krasnu a jara rědku barbu „liščeho tigra“. Charakteriske dypki na kožuchu njejsu kaž pola maćerje čorne, ale čerwjene. Po rysowarju z NDRskeje telewizy rěka žrěbjo „Taddeus Punkt“. Jeho mać Anielka je runje 86 centimetrow wulka.
Zrěčenje hač do kónca junija podpisać
Budyšin (SN/JaW). Po tym zo je wčera tydźenja braniborske knježerstwo nowemu zrěčenju wo financowanju Załožby za serbski lud přihłosował, su wšitke zadźěwki, kotrež podpisanju dekreta zadźěwaja, z puća. „Z tym je tež nachwilne hospodarjenje za wšitke wot załožby spěchowane institucije zběhnjene“, rjekny jeje direktor Jan Budar na onlinowej nowinarskej konferency po wuradźowanju załožboweje rady minjeny štwórtk.
Wumjetuje Ruskej podpěru
Berlin (dpa/SN). W padźe wunuzowaneho přizemjenja pasažěrskeho lětadła předewzaća Ryanair w Minsku nima Norbert Röttgen, předsyda wonkowneho wuběrka zwjazkoweho sejma, wobdźělenje Ruskeje za wuzamknjene. „Wuchadźam z toho, zo bě statne zawlečenje lětadła ze stron Krjemla wotžohnowane, chiba samo podpěrane“, rjekny politikar CDU nowinarjam. Moskwa kóždežkuli wobdźělenje wotpokazuje. Běłoruska policija bě 26lětneho opozicionalneho Romana Protasjewiča po přizemjenju w lětadle zajała.
Za spěšny nawrót normality
Berlin (dpa/SN). Šule a pěstowarnje w Němskej měli so z wida zwjazkoweje justicneje ministerki Christiny Lambrecht (SPD) spěšnje zaso k normalnemu žiwjenju nawróćić. Aktualne přepytowanja pokazuja, kak jara koronapandemija runje šulske dźěći poćežuje, rjekny Lambrecht nowinarjam. Při niskich incidencach měli wšitko za to činić, normalny wotběh w šulach a pěstowarnjach zaručić, „a to spěšnje“. Zwjazk a kraje chcedźa naležnosć jutře rozjimać.
Prezidentske wólby zahajene
Pod hesłom „Ruce preč wot Turowa“ su minjenu njedźelu w ...
Zwěrjenc: Testowanje wotstronić
Lindner: Dlěje nječakać
Statny terorizm?
Pólska kupuje turkowske truty
Istanbul (dpa/SN). Pólska dóstanje přichodnje njewobsadźene truty z Turkowskeje. „Z podpisanym dokumentom eksportuje Turkowska prěni króć w swojich stawiznach truty do kraja, kiž je z čłonom Nato a EU“, rjekny turkowski prezident Recep Tayyip Erdoğan předwčerawšim, póndźelu, na zhromadnej nowinarskej konferency ze swojim pólskim kolegu Andrzejom Dudu w Ankarje. Duda rjekny, zo je wojerske zhromadne dźěło mjez čłonami NATO něšto „dospołnje přirodne“. Nimo toho dźěłatej wobaj krajej na móžnosćach, pólskim dowolnikam přebytk w Turkowskej wolóžić, na přikład z jednorišej proceduru při testowanjach na koronawirus. „Tójšto Polakow soni wo dowolu we wukraju, čehož dyrbjachu so loni wzdać“, praji Duda.
Pólski zakitowanski minister Mariusz Błaszczak bě hižo kónc tydźenja připowědźił, zo chcył kraj 24 trutow typa Bayraktar w Turkowskej kupić. Prěnje mašiny ma Pólska klětu dóstać. Nakup trutow a wukubłanje personala płaći 270 milionow dolarow. Pólska kupuje wojerski material hewak w USA, loni za cyłkownje 4,7 miliardow dolarow.
