Tři serbske mustwa pódla byli

Dienstag, 05. Oktober 2021 geschrieben von:

Bičwolejbulowy turněr so w měsće wikow Lipsku wotměł

26. požnjenca wotmě so w Lipsku posledni turněr lětušeje LE-bičtury. Tónle turněr mjenuje so „L.E.-beach meets Sachsen-beach“ a běše minjene lěta přeco wulki podawk na Augustusowym naměsće wosrjedź města. Lětsa dyrbjachu organizatorojo falowaceje planowanskeje wěstoty a korony dla wubědźowanje přesunyć a na areal při tak mjenowanej boulderowej hali „Bloc No Limit“ pře­połožić. Tak je bohužel jenož wosom mustwow z cyłeje Sakskeje připrajiło. To popra­wom žana wosebita powěsć njeje, ale zo bě mjez tymi 16 hrajerjemi šěsć Serbow, je pak wulkotna wěc. Tući šesćo z prěnjeho mustwa Viktorije Worklecy (hlej foto) su poprawom nimale jedna startowa šestka, jeničce přistajer pódla njebě. Ale w pěsku su tak a tak wšě kwa­lity wolejbulista we wobaranju, přihraću a nadběhu prašane.

Koparske mišterstwa nad 60 lětami

Dienstag, 05. Oktober 2021 geschrieben von:
Stara koparska garda Sakskeho koparskeho zwjazka je minjenu sobotu w sportowym a wólnočasnym centrumje w Němskich Pazlicach krajne koparske mišterstwa starobneje klasy Ü 60 přewjedła. Nowy krajny mišter je BSG Wocl Riesa. Na wobrazu widźimy scenu z hry Fortuna Trjebin – FV Hrodźišćo 1911 (0:0). Wobdźěliło bě so wosom mustwow. Hosćićelski cyłk Hrajneho zjednoćenstwa Kamjenc/Němske Pazlicy­ wobsadźi druhe městno. Foto: Konstantin Hrjehor

Dalšu partiju dobyli

Montag, 04. Oktober 2021 geschrieben von:

Sokoł Ralbicy/Hórki – SC Großröhrsdorf 3:0 (0:0)

Zestawa domjacych: Schöne – Šewc, Schultz, Wałda, T. Bejma (68. Nuk), Rachel (71. Matka), Rawš, B. Bejma, D. Gloxyn, Janca (60. Bejmak/85. Ch. Gloxyn), Šiman

Po swobodnym hrajnym dnju witachu Sokoljo wčera, njedźelu, robustne mustwo z Großröhrsdorfa w Ralbičanskim Stadionje přećelstwa. Dotal běchu partije stajnje jara bojowniske, tónkróć pak běchu Sokoljo jasny faworit, štož tež wot spočatka pokazachu. Hižo po někotrych sekundach móhł Paul Rachel nawjedowanje třělić, před wrotami pak jemu čuwy zaprajichu. Domjacy hru dale kontrolowachu, prawe puće k dalšim móžnosćam pak wulce njenamakachu, dokelž hosćo z wosom mužemi chětro hłuboko stejachu. Bjezmała by so jim samo po konteru nawjedowanje poradźiło, bul wrota wo centimetry misny. Dwě dalšej wulkej šansy na boku Ralbičanow tohorunja do wrotow njedźěštej. W kabinje trenar Chrystof Gloxyn swojim chowancam rjekny, zo dyrbja dale sćerpni wostać.

Awtorka dźensa Tereza Wićazowa

Wone su za mustwowy sport njeparujomne, wšo­jedne hač za mjetańcu, basketbul, lodohokej, wolejbul abo kopańcu. Hrajerki a hrajerjo doběža sej z ličbu na trikoće na hrajnišćo.

Je zajimawe sej woznam ličbow sportowych družin wobhladać. Pohladajmy raz na někotre ličby w kopańcy, kotrež su wose­bje popularne a zdźěla prawe marki. Lubowarjo kopańcy hnydom wědźa, što resp. štó so za skrótšenku CR7 chowa. A štóž so hišće dokładnišo wuznawa, znaje­ tež matematisku formulu 1+8. A při tajkich formulach wostawajo wěmy, zo je 11×11=121. W kopańcy mamy wšelakore njewšědnosće ličbu na trikoće nastupajo. Zwjetša tči za tym pak kuriozna pak chutna stawizna. Najznaćiši přikład za na­makanje ličby z pomocu matematiskeje formule je Iván Zamorano. Wón dyrbješe 1997 „swoju“ 9 Cristianej Ronaldej přewostajić. Na to rozsudźi so Chilčan za ličbu 18 a staji mjez ličbje znamješko +, z čimž je matematisce zaso swoju 9 měł.

Wuslědki (04.10.21)

Montag, 04. Oktober 2021 geschrieben von:

Kopańca muži, regionalna liga

Halberstadt – Choćebuz 0:0 (0:0)

Meuselwitz – Lok Lipsk 0:4 (0:3)

BFC Dynamo – Rathenow 1:1 (1:1)

Babelsberg – Berlinski AK 1:2 (0:1)

Luckenwalde – Carl Zeiss Jena 0:0 (0:0)

Lichtenberg – Fürstenwalde 3:2 (2:0)

Kamjeničanski FC – Eilenburg 2:0 (0:0)

Chemija Lipsk – Auerbach 1:1 (0:0)

Hertha BSC II – Borussia Berlin 0:1 (0:0)

Tasmania Berlin – Altglienicke 1:1 (1:0)

wyša liga

Carl Zeiss Jena II – Arnstadt 1:1 (0:1)

Budyšin – International Lipsk 5:3 (4:1)

Plauen – An der Fahner Höhe 2:0 (2:0)

Kśišow – HŁ Neugersdorf 2:0 (0:0)

Zorbau – Biskopičanske KT  3:2 (3:2)

Nordhausen – Sandersdorf 1:2 (0:2)

Grimma – Halle0:3 (0:1)

Erfurt – Merseburg5:0 (2:0)

Rudolstadt – Wernigerode 3:1 (1:0)

krajna liga

Markranstädt – Taucha  3:0 (2:0)

Glauchau – Lößnitz3:2 (0:1)

Mittweida – FC Lipsk0:1 (0:0)

Radebeulski BC – Großenhain  2:2 (0:0)

Pirna-Copitz – Nowosólc-Hródk 1:1 (1:0)

Marienberg – Markkleeberg 0:1 (0:0)

Freital – Wilsdruff2:1 (1:0)

Rabenstein – Drježdźany-Strěžin 1:1 (1:1)

Riesa – Kamjenc0:2 (0:0)

Drježdźany-Lubohósć – Niska 5:0 (4:0)

krajna klasa

Rěčicy-jězor – Žitawa1:4 (0:4)

Rakečanske ST – Ramnow 2:3 (1:3)

Ćisk – Wesenitzal0:4 (0:2)

Wódrjeńca – Weixdorf 7:0 (5:0)

Běła Woda – Sachsenw. Drježdź. 3:0 (1:0)

Borea Drježdźany – Sebnitz 3:0 (2:0)

Drježdźanski SC – Chrósćicy 3:2 (0:1)

Trjebin – Rotacija Drježdźany 1:1 (0:1)

wokrjesna wyša liga

Sport (01.10.21)

Freitag, 01. Oktober 2021 geschrieben von:

Kónctydźenska kopańca

02.10. 12:30 HZ Hórnikečanski jězor –

  SJ Njebjelčicy

02.10. 15:00 Drježdźanski SC 1898 –

  SJ Chrósćicy

02.10. 15:00 Módro-běli Kulow –

  HZ Łaz/Běły Chołmc

03.10. 13:00 ST Porchow II –

  SJ Njebjelčicy II

03.10. 14:00 Sokoł Ralbicy/Hórki –

  SC 1911 Großröhrsdorf

03.10. 14:00 HZ Jězorinowy kraj –

  Sokoł Ralbicy/Hórki II

03.10. 14:00 ST Marijina hwězda –

  Póst Germania Budyšin

03.10. 15:00 ST Hlinowc –

  SJ Chrósćicy II

03.10. 15:00 ST Nadrózna Hrabowka –

  ST Radwor

Krajne koparske mišterstwa Ü 60

Sakski koparski zwjazk zarjaduje jutře, sobotu, wot 10 hodź. w sportowym a wólnočasnym centrumje w Němskich Pazlicach krajne mišterstwa starobneje klasy Ü 60. Hrać budu tam mustwa BSG Wocl Riesa, Fortuna Trjebin, Póst Drježdźany, HZ Hórnikečanski jězor, HZ Engelsdorf/Tresenwald, FSV Motor Brand-Erbisdorf, Drježdźanski SC 1898 a HZ Němske Pazlicy/Kamjenc.

Motocross zaso wabi

Njetrjebawša poražka

Donnerstag, 30. September 2021 geschrieben von:

SJ Chrósćicy –

Rakečanske ST 2:3 (1:2)

Zestawa domjacych: Králíček – F. Zahrodnik (81. Mark), Runt, M. Zahrodnik, L. Zahrodnik, Matješk, Wornar, G. Zahrodnik, Zynda (64. Mützner), Bogusz, Krawc

Při wulkotnym słónčnym wjedrje witachu koparjo Chróšćanskeje SJ hosći z Rakec na derby w krajnej klasy. Po dobyću přećiwo Ćiskej chcychu sej domjacy dalše wažne dypki nahromadźić. Přihladowarjo wočakowachu wurunanu a wězo tež napjatu hru. Akterojo na hrajnišću wočakowanja tež spjelnichu.

Nowopřichad Energije steji we wrotach

Mittwoch, 29. September 2021 geschrieben von:

Před krótkim je FC Energija Choćebuz z Tillom Brinkmannom dalšeho wro­tarja angažowała. 25lětny muž mjez žerdźomaj dósta po dwutydźenskej testo­wej fazy zrěčenje.

Nimo stajneho wrotarja Tonija Stahla ma drje FCE z Eliasom Bethke a Corbinianom Moye młodeju wrotarjow jako rezerwu, wobaj pak staj w młodźinje A w zwjaz­kowej lize trěbnaj. Sportowy nawoda Maxi­milian Zimmer rjekny: „Smy intensiwnje z trenarskim teamom a nazwučowarjom za wrotarjow Antonom Wittmannom rěčeli a so rozsudźili, zo dóstanje naš trijo hišće dalšeho wrotarja. Till je so w probowym treningu předstajił a jara dobry zaćišć zawostajił, sportowsce a čłowjesce. Wjeselimy so, zo je wón nětko dźěl mustwa.“

Z wulkosću 1,99 metrow je Brinkmann nětko najwjetši hrajer w teamje FCE. 25lětny hraješe jako junior pola SC Paderborn a pola Arminije Bielefeld, pozdźišo bě wón za druhe mustwo SC Paderborn aktiwny. Za prěnje mustwo wuchodnych Westfalow měješe wón w sezonje 2016/2017 w třećej lize raz zasadźenje přez 90 mjeńšinow.

Žur prěnje městno docpěł

Mittwoch, 29. September 2021 geschrieben von:
Marian Žur (naprawo) je njedźelu na 8. Budyskim crossowym duatlonje starto­wał a na distancy 5,0 km – 19,8 km – 2,5 km prěnje městno w swojej starobnej klasy docpěł. Najprjedy dyrbjachu wutrajnosportowcy w Humboldtowym haju běžeć, potom­ kolesować a po kolesowanju hišće raz běžeć. Silvio Dreßler, mandźelski kapitan­ki Serbskeje koparskeje wubranki Janiki Dreßleroweje, zamó na samsnej čarje­ kaž Lejnjan Žur w swojej starobnej klasy dobyć. Foto: Jörg Stephan

Kopańca, wokrjesna wyša liga

Połčnica – Wachau3:5 (2:3)

Hnaš.-Dobruša – Großnaundorf3:0 (0:0)

Germ. Budyšin – Łužnica 3:1 (2:0)

Łaz/Běły Chołmc – Pančicy1:0 (0:0)

Kulow – Biskopičanske KT II2:0 (2:0)

Großröhrsdorf – Wojerecy 0:3 (0:1)

Hory – Porchow 1:3 (1:1)

Němske Pazlicy – Sprjewja 1:2 (1:1)

1. Wojerowski FC 5 22 : 4 15

2. ST Horni kraj-Sprjewja 5 18 : 1 15

3. Sokoł Ralbicy/Hórki 5 19 : 4 13

4. TSV Wachau 6 21 : 11 13

5. Módro-běli Kulow 6 17 : 9 13

6. SG Großnaundorf 6 13 : 5 13

7. Biskopičanske KT II 5 6 : 4 10

8. ST Porchow 5 10 : 14 9

9. Póst Germania Budyšin 6 12 : 13 8

10. Natwar Němske Pazlicy 5 6 : 5 7

11. HZ Łaz/Běły Chołmc 5 11 : 5 6

12. ST Hnašecy-Dobruša 6 13 : 18 6

13. SC 1911 Großröhrsdorf 6 4 : 9 5

14. ST Kinspork/Łužnica 6 3 : 22 3

15. TSV Połčnica 6 5 : 21 1

16. LSV Hory 7 3 : 26 1

17. ST Marijina hwězda 6 3 : 15 0

Anzeige