Derby bjez dobyćerja
Drohotka Ramnow –
SJ Chrósćicy 1:1 (1:1)
Zestawa hosći: Králíček – Mark, Janca, B. Cyž, Kreuz, L. Zahrodnik, Wornar (67. Wencel), G. Zahrodnik, Matješk (60. Rätze), Bogusz, M. Zahrodnik
Wuslědki (28.03.23)
Kopańca, krajna klasa
Rakečanske – Radebergerske 1:2 (0:1)
Drježdźanski SC – Niska 2:6 (1:1)
SV Wesenitzal – Běła Woda 2:3 (2:0)
Ro. Drježdźany – Cossebaude 1:2 (0:1)
Ramnow – SJ Chrósćicy 1:1 (1:1)
SG Weixdorf – BSV Sebnitz 1:2 (1:0)
1. SC Borea Drježdźany 18 63 : 17 44
2. TSV Rotacija Drježdźany 19 41 : 21 41
3. FV Přezjednota Niska 16 57 : 13 40
4. Drježdźanski SC 18 30 : 28 25
5. VfB Běła Woda 18 34 : 41 25
6. SV Wesenitzal 16 34 : 32 24
7. SJ Chrósćicy 16 22 : 14 23
8. FSV Nowosolc-Hrodk 15 30 : 22 22
9. Rakečanske ST 17 32 : 36 22
10. SG Weixdorf 19 32 : 41 20
11. Wojerowski FC 17 29 : 29 19
12. Radebergerske ST 19 33 : 64 17
13. TSV Cossebaude 18 30 : 46 16
14. BSV Sebnitz 18 20 : 65 11
15. Drohotka Ramnow 16 29 : 47 10
16. VfB Žitawa zg. 0 0 : 0 0
Wokrjesna liga stafla II
Rakečanske ST II – LSV Hory 2:2 (1:1)
Němske Pazlicy II – Njebjelčicy 5:1 (1:0)
Marijina hwězda – Chrósćicy II 3:1 (1:1)
Sepicy – Módro-běli Minakał 0:2 (0:0)
ST Hlinowc – FSV Łuty 4:2 (3:1)
1. ST Hlinowc 15 63 : 11 45
2. Natw. Němske Pazlicy II 16 45 : 17 34
3. ST Marijina hwězda 16 39 : 22 33
4. LSV Hory 16 53 : 35 32
5. FSV Łuty 16 30 : 24 29
6. ST Lubuš 16 43 : 26 27
7. Módro-běli Minakał 16 38 : 33 23
8. Wós./Skaskow/Kulow II 16 25 : 37 20
9. ST Wulka Dubrawa 16 25 : 34 19
10. Rakečanske ST II 16 30 : 59 15
11. Wojerowski FC II 16 27 : 35 13
12. SJ Chrósćicy II 15 20 : 43 11
13. Zeleno-běli Sepicy 16 22 : 49 11
14. SJ Njebjelčicy 16 15 : 50 5
Energija madale kontaktk načolnikej
1. FC Lokomotiwa Lipsk –
FC Energija Choćebuz 0:2 (0:0)
Zestawa hosći: Bethke – Hasse, Slamar, Hildebrandt, Borgmann, Eisenhuth, Hofmann (90.+3 Böhmert), Oesterhelweg (84. Kujović), Badu (73. Abu-Alfa), Hottmann (73. Thiele), Wähling (84. Heike)
slěd wrotow: 0:1 Wähling (50.), 0:2 Badu (60.)
Z přeswědčacym wuspěchom 2:0 pola 1. FC Lok Lipsk je FC Energija Choćebuz kontakt k načolnikej regionalneje ligi Čerwjeno-běłym Erfurt dźeržała. Łužičenjo w najšěršim zmysle hru kontrolowachu, šansy hosćo domjacym poprawom scyła njedowolichu. Lipšćenjo skoržachu, dokelž režiser srjedźneho pola Sascha Pfeffer přewjele žołtych kartow dla hrać njesmědźeše. Přez to dóńdźe lědma k efektiwnym ofensiwnym akcijam lokomotiwy. Wuspěšnaj nadběhowarjej Malcolm Badu a Niclasa Wähling wobradźištaj hosćom zasłužene wrota k wonkownemu dobyću. Tute dachu Choćebužanam dale nadźiju na staflowe dobyće.
Dwaj ličakaj na načolnika Erfurt stej při zbytnych dźesać partijach, inkluziwnje direktneho duela, bjezdwěla nachwatajomnej. Georg Zielonkowski
We Wotrowje so znowa tradicionalny kickerowy turněr wotmě, a to ...
Dwaj daraj njeběštej hišće dosć
Póst Germania Budyšin –
Sokoł Ralbicy/Hórki 2:0 (2:0)
Zestawa hosći: Chr. Gloxyn – Matka, Rachela (58. Korjeńk), Schultz, A. Wałda, T. Wałda , D. Gloxyn, Nuk, D. Šołta, Domaška, Šewc
Po dypku přećiwo druhemu tabulki z Kulowa čakaše z třećim tabulki znowa ćežki nadawk na chowancow trenarja Tomaša Henčela. Přećiwnik je za swoju robustnu a konsekwentnu kopańcu znaty.
Hra započinaše so wurunana a wobě mustwje so raz na přećiwniske wrota zwažištej. Hosćićel běše z wětřikom w chribjeće wosebje přez standardy strašny. Tajki wunjese tež nawjedowanje. Po róžku suny so Aleksandrej Wałdźe bul přez hłowu a Karl-Eric Bernhardt steješe prawje a bul spody łaty do wrotow zhłójčkowa. Nětko běchu Sokoljo prašani. Nazhonity Pětr Domaška přesadźi so w šěsnatce a bu potorhnjeny. Hewak wěsty třělc Denny Gloxyn pak zwrěšći z pokutnym kopom na sylnje dźeržacym wrotarju (33.). Hdyž njejstej dwaj daraj dosć, Sokoljo domjacym tež hišće třeći darichu. Po zamjeće njezamóchu bul w šěsnatce wujasnić a kulowaty nastroj dósta so k Felixej Stöltznerej, kotryž njeměješe ćeže, bul do wrotow sunyć (42.).
Widźał, słyšał, napisał (27.03.23)
Awtor dźensa
André Strelow
Carlo Ancelotti, Niko Kovac, Hansi Flick a nětko Julian Nagelsmann. Lisćina trenarjow pola FC Bayern Mnichow, kotřiž njeběchu ani dwě lěće w zastojnstwje, je so wo jedne mjeno podlěšiła. Ze sumu 25 milionow eurow, telko płaćachu Bayerojo do Lipska na RB za Nagelsmanna, bě jeho FCB jako dotal najdróšeho trenarja kupił. Jenož 21 měsacow pozdźišo wón swój job hižo zaso wotby.
Sport (24.03.23)
Kickerowy turněr we Wotrowje
Wotrowska młodźina přewjedźe jutře we Wotrowje w starej šuli zaso kickerowy turněr, na kotrymž smě so 64 dwójkow wobdźělić. Wot 13 hodź. smědźa so mustwa zahrać, nastup je 14 hodź. planowany a hrać budu wot 14.30 hodź. Z mytowanjom dobyćerjow liča organizatorojo wokoło 22.30 hodź. Startowy pjenjez wučinja 10 eurow na hrajerja.
Tójšto hrow kónc tydźenja
Koparsku rezerwu SJ Chrósćicy wočakuje njedźelu ćežka hra w Pančicach-Kukowje na twjerdym hrajnišću. Prěnje koparske mustwo SJ Chrósćicy hraje w nimale samsnym času w Ramnowje.
25.03. 13:00 HZ Wulka Dubrawa II/ Radwor II –
Ralbicy II/Njebjelčicy II
25.03. 15:00 Rakečanske ST –
Radebergerske ST
25.03. 15:00 Biskopičanske KT II –
ST Radwor
25.03. 15:00 Póst Germ. Budyšin –
Sokoł Ralbicy/Hórki
25.03. 15:00 Módro-běli Kulow –
SG Großnaundorf
26.03. 12:30 ST Němske Pazlicy II –
SJ Njebjelčicy
26.03. 14:00 ST Marijina hwězda –
SJ Chrósćicy II
26.03. 15:00 Drohotka Ramnow –
SJ Chrósćicy
Funinio festiwal
Wosom hrow bjez wotedaća sadźby
To w stawiznach Viktorije Worklecy hišće było njeje, njeporažene w aktualnej sezonje a to bjez wotedaća sadźby.
Worklečanki nastupichu minjenu sobotu swój posledni, a zdobom tež domjacy, hrajny dźeń. Jako hosća mějachu módro-běłych z Wojerec a hrajerki z Rózborka. Prěnja hra dnja startowaše přećiwo Wojerowčankam. Přez zmužite nadaća a stajne zmylki hosća móžachu sej domjacy jasny předskok nadźěłać, kiž so tež hač do kónca njezměni (25:9).
W druhej sadźbje hosćo kusk lěpje do hry přińdźechu, a tak smešowachu tón abo tamny bul do pola Worklečankow. Tute pak so zamylić njedachu a wuhrachu sej ze stabilnymi přiwzaćemi a dobrymi přihrawkami přez srjedźny nadběh jasne sadźbowe dobyće 25:8.
W třećej a poslednjej sadźbje hry móžachu přihladowarjo rjane změny bula sćěhować. Tola holcy z Worklec njedachu ničo zapalić. Přichodne wulke 3 dypki pućowachu na hižo derje pjelnjene dypkowe konto.
Dumpery we Łužicy
Sezona za Liški zakónčena
Łužiske lodohokejowe liški –
EC Kassel Huskies 1:4
(0:2, 0:1, 1:1)
Hižo zazběh do partije pokaza, zo njemóžachu Liški wulku trěbnu napjatosć hižo wjace natwarić. Pobrachowaše na tempje a dokładnosći. Huskije porno tomu běchu wusměrjeni a chcyćiwi na to, měch spěšnje začinić. Nimale šěsć mjeńšinow běchu domjacy z tym zaběrani, hosći z jich defensiwneho pasma wuhnać. Tola krótko pozdźišo klinkaše. Tónraz mějachu Hessojo powerplay. Sylna třělwa Tomaša Sykory zadyri do dołheho róžka wrotow. Hra z hrajerjom wjac na polu traješe tam runje wosom sekundow.
A přińdźe hišće hubjeńšo. Darren Mieszkowski wotfalšowa distancowu třělwu Joela Keussena wuspěšnje k 2:0. Samo na sebi bě tam jasne, zo bě hra rozsudźena. Hač na mało móžnosćow njebě žanych wrotowych šansow wjac za Hornjołužičanow. Spočatk druheje třećiny zwyši znowa Darren Mieszkowski na 3:0. Wot tam přiwza partija skerje charakter testoweje hry. Twjerde stajenje ćěła, zakusane dwuboje, šćedriwe wrotowe sceny, wšo to bě rědke.
