Čehodla zwonja silwester zwony?
Augsburg (B/SN). W silwesterskej nocy witaja zwony po wšěm swěće nowe lěto. Zwuk zwonow ludźi zdawna wobkuzłuje. Při zwonjenju rozeznawatej so swětne a cyrkwinske zwonjenje. Silwesterske zwonjenje jako swětne pochadźa ze srjedźowěka, jako wjetšina ludźi časniki njeměješe. Najćeši zwón w Němskej je Pětrowy zwón, waži 24 tonow a wisa w Kölnskej tachantskej cyrkwi. Tohorunja wisa tam najwjetši machotacy (schwingend) zwón „Dicke Pitter“. Wón bu 1923 kidany a ma rozměr 3,22 metrow. Najstarši zwón Němskeje je Lullusowy zwón w zwóńcy klóšterskeje ruiny w Bad Hersfeldźe. Wón pochadźa z lěta 1038. Najwjetši zwón swěta wisa w Myanmaru a je 3,70 metrow wysoki, ma přeměr 5 metrow a waži 87 tonow.
Kölnski signal je „zahubny“
Płaćizny wolija zwyšene
Singapur (dpa/SN). Płaćizny wolija su so spočatk noweho lěta jasnje zwyšili. Wikowarjo měnja, zo je přičina toho dobre połoženje na aziskich financnych wikach. Loni je koronapandemija płaćizny chětro wobwliwowała. Šćěpjenje pře wirus pak je wulke nadźije na konjunkturu budźiło. Kak so pandemija dale wuwije, přiwšěm wěste njeje. Tohodla je wolijowe zwjazkarstwo Opec dźensa wo dalšej strategiji wuradźowało, kelko wolija chcedźa wot februara wšědnje wudobywać.
Kritizuje šćěpjensku strategiju
Berlin (dpa/SN). Generalny sekretar SPD Lars Klingbeil kritizuje aktualnu šćěpjensku strategiju zwjazkoweho knježerstwa. Zwjazkowa kanclerka Angela Merkel (CDU) ma jednać. Porno tamnym krajam w Němskej mjenje šćěpja. Přičina toho wšak je jenož małe mnóstwo srědka. Kraje zwonka Europskeje unije su wjacore šćěpiwa nuzowje dowolili a prjedy šćěpić započeli. „Tele dny widźimy w Němskej chaotiske poměry“, rjekny Klingbeil dźensa rano w telewiziji.
W Pólskej trjebaja lěkarjow
W Londonje dźe dźensa wo dóńt Juliana Assangea. Wumjetuja jemu, zo ...
Lockdown budźe podlěšeny
Berlin (dpa/SN). Wobydlerjo Němskeje maja koronapandemije dla dale z wobmjezowanjemi a zawrjenymi šulemi ličić. Zwjazkowa kubłanska ministerka Anja Karliczek (CDU) njemóže sej hišće dospołny nawrót šulerjow na prezencnu wučbu předstajić. Tuchwilne połoženje infekcijow to njedowola. Tež situacija w zakładnych šulach a pěstowarnjach njehodźi so dokładnje hódnoćić.
Kultusowi ministrojo zwjazkowych krajow su dźensa wuradźowali, zo bychu so na dalše postupowanje dojednali. Jutře zetkaja so ministerscy prezidenća krajow ze zwjazkowej kanclerku Angelu Merkel (CDU). Hižo nětko je wěste, zo budźe lockdown, kotryž płaći poprawom hač do 10. januara, podlěšeny. Mutacije koronawirusa dla so politikarjo tohorunja starosća.
Strowotniski fachowc SPD Karl Lauterbach wupraji so za konsekwentny časowje njewobmjezowany lockdown. Ličba natyknjenjow ma so jasnje pomjeńšić. Hladajo na nowu wariantu wirusa měli tež wo incidencnej hódnoće znowa rozmyslować. Tuchwilna hranica 50 njedosaha.
Nochcedźa přěhračk změny być
Łužiski kruh chce hladajo na přichodne wuwiće sobu postajeć
Choćebuz (dpa/SN). Rěčnica Łužiskeho kruha a měšćanostka Grodka Christine Herntier (njestronjanka) politikarjow namołwja, wot strukturneje změny potrjechene komuny bóle do procesa zapřijeć. Komuny dźěłaja hižo z połnej paru na projektach, kotrež móhli wuspěšnu změnu zmóžnić. Wone dokładnje wědźa, što w regionje trjebaja, wuswětli 63lětna powěsćerni dpa. Komunalna politikarka angažuje so wot lěta 2014 jako rěčnica we Łužiskim kruhu a bě zdobom čłonka brunicoweje komisije, kotraž je wobzamknyła wudobywanje brunicy najpozdźišo hač do lěta 2038 zakónčić. W potrjechenych kónčinach maja tuž nowe dźěłowe městna nastać. Zwjazk chce w regionach hač do 40 miliardow eurow inwestować. „Změna móže so jenož radźić, jeli potrjechene komuny něšto z toho maja. Jeli to ludźo akceptuja, budu woni tež wužadanjam wotpowědować. Nochcemy přěhračk strukturneje změny być.“
To a tamne (04.01.21)
Žonu ze swójskeho balkona wuswobodźić dyrbješe minjeny tydźeń wohnjowa wobora w Mnichowje. Dwulětny synk bě ju z bydlenja wuzamknył. Poprawom chcyše mać jenož wonka telefonować, zo njeby spjace dźěćo myliła. Syn pak přiwšěm wotući a durje balkona začini. Tuž dyrbješe žona wohnjowu woboru wo pomoc prosyć.
Poprawom měješe to za porik w Awstriskej jedyn z najrjeńšich dnjow žiwjenja być. Tola wony dźeń skónči so z katastrofu. Što bě so stało? Porik krosnowaše na horu Falkert w Korutanskej. Na wjeršku staji 27lětny skónčnje prašenje, hač nochcytaj so zmandźelić, čemuž 32lětna rady přizwoli. Po wšěm zdaću sonow wo přichodnym zhromadnym žiwjenju dla so žona wobsuny. Slubjeny drje chcyše ju hišće dźeržeć, štož so jemu njeporadźi a 32lětna sunje so 200 metrow po horje dele. Na zbožo je ju wobhospodar hěty namakał a wuchował. Zranjeneho muža dyrbješe helikopter do doła dowjezć.
Podpisaja Brexit-zrěčenje
London (dpa/SN). Britiski parlament chcyše dźensa wo wikowanskim zrěčenju w zwisku z Brexitom wothłosować. Hakle dopołdnja stej šefina komisije EU Ursula von der Leyen a šef Europskeje rady Charles Michel nimale 1 250 stronski dokument podpisałoj. Z lětadłom bu spis do Londona dowjezeny, hdźež chcyše jón premier Wulkeje Britaniskeje Boris Johnson podpisać. Hišće dźensa ma tež kralowna Elizabeth II. Brexit-zakonjej ze swójskim podpismom přihłosować.
Zrudny rekord docpěli
Berlin (dpa/SN). Ličba mortwych, kotřiž su w zwisku z koronawirusom zemrěli, je zrudny rekord docpěła. W běhu 24 hodźin přizjewichu němske strowotniske zarjady 1 129 padow, zdźěli dźensa rano Roberta Kochowy institut w Berlinje. Nimo toho informowachu wo 22 459 nowych infekcijach. Minjeny tydźeń bě 24 740 nowych natyknjenjow. Ličby pak njehodźa so hodownych dnjow z mjenje testami dla derje přirunować.
Dalše šćěpiwo dowolene
Po wčerawšim zemjerženju w Chorwatskej je so tam zemja dźensa rano ...
Hišće žane terminy móžne
Prawidła za dojězdźowarjow přiwótřa
Drježdźany (dpa/SN). Sakska wostanje kónčina z wjele padami korony. Tuž přiwótřa swobodny stat winowatosće dojězdźowarjow z wukrajnych rizikowych kónčin. Nimo karanteny maja potrjecheni wot jutřišeho tež wuslědk korona-testa přisłušnemu strowotniskemu zarjadej předpołožić, sakska strowotniska ministerka Petra Köpping (SPD) wčera w Drježdźanach zdźěli. Karantena wobjima cyłkownje dźesać dnjow, test njeměł starši hač 24 hodźin być. Ludźo pak maja přišedši do Sakskeje přiwšěm móžnosć test absolwować. Nanajpozdźišo w běhu 48 hodźin měli jón nachwatać.
Testowanje ma pomhać infekciske rjećazy spóznać a dalšemu wupřestrěću wirusa zadźěwać. Kóšty maja potrjecheni přewzać. Štóž w susodnych krajach dźěła, studuje abo so wukubłuje ma so wot 11. januara prawidłownje dwójce wob tydźeń na swójske kóšty testować dać.
