Liški po sylnej hrě podleželi

Donnerstag, 08. Februar 2024 geschrieben von:

Lodowe mjedwjedźe Regensburg –

Łužiske lodohokejowe liški 3:2 (2:0, 1:2, 0:0)

Hra započa so jara aktiwna a Liški pokazachu hižo w prěnich mjeńšinach dwě, tři rjane móžnosće. Tola lodowe mjedwjedźe docpěchu hnydom při prěnim prawym nadběhu prěnje wrota. Prěnja zestawa domjacych bě na lodźe a hrajer ze złotym nahłownikom Andrew Yogan přetwori k 1:0 (5.). Złoty nahłownik Regensburga njeje jenož znamjo za najlěpšeho třělca wrotow swojeho mustwa, ale tež z wotstawkom najlěpšeho cyłeje ligi. Liški hrajachu w prěnim wotrězku aktiwnje sobu a mějachu statistisce samo wjace šansow hač hosćićeljo. Ći běchu pak zaso prosće efektiwniši a třělichu 2:0 (13.). Abot Girduckis steješe na prawym městnje a suny hrajny nastroj pod pažu Matthewa Galajdya do saka. Na stronje Liškow měještaj Ville Järveläinen a Sam Dove-McFalls sylne móžnosće na wrota, njepřińdźeštaj pak z čornej tačelu nimo Thomasa McColluma.

Serbske šule w regionalnym finalu

Mittwoch, 07. Februar 2024 geschrieben von:

Za regionalne šulerske finale „Młodźina trenuje za olympiju“ we wolejbulu w starobnej klasy SK III běchu so hnydom tři serbske cyłki kwalifikowali. Holče mustwo z Ralbic, hólče mustwo z Worklec a hólči cyłk Serbskeho gymnazija Budyšin.

Zastupnistwo Serbskeho gymnazija Budyšin zahaji turněr ze swojej prěnjej hru přećiwo gymnaziastam z Niskeje a doby prěnju sadźbu 25:18. Druhu sadźbu wotedachu Budyšenjo na Nisku 22:25. W rozsudnym tiebreaku podležachu 9:15. W druhej hrě nastupichu Worklečan hólcy přećiwo gymnazijej ze Žitawy. Z rezultatom 19:25 a 15:25 z wida Worklečanow su přěhrali. Tež w třećej partiji dnja podleža Worklečan hólče mustwo po třomi sadźbami (13:25, 25:19, 12:15). Štwórtu hru dnja dobychu Žitawčenjo přećiwo serbskim gymnaziastam 25:21 a 27:25. W serbskim derbyju podležachu Worklečan hólcy 25:23, 12:25 a 16:14 snadnje wolejbulistam z města.

Holcy z Ralbic běchu so prěni raz na regionalnym finale wobdźělili a nazběrachu tójšto nazhonjenjow. Přećiwo gymnazijam ze Žitawy, Niskeje a Biskopic stajnje 0:2 podležachu. Zdźěla pak běchu hry chětro wuske.

kónčny rezultat:

hólcy WK III

1. F.-Schleiermacherowy gymnazij Niska

Sponsorowy turněr Budissy

Mittwoch, 07. Februar 2024 geschrieben von:
Mustwo trenarjow dorosta Budissy Budyšin je zašły štwórtk halowy koparski turněr sponsorow dobyło. We wjacezaměrowej hali Gottlieba-Daimleroweje wyšeje šule přesadźi so wone přećiwo zastupnistwu předewzaća Mayer a cyłkej Energijowych a wodowych zawodow Budyšin. Na dalšich městnach sćěhowachu mustwo fitnesowy studijo Clever fit, Hantušec awtowy dom, kotrež hraješe zhromadnje z bankownikami Ludoweje banki Drježdźany-Budyšin, twarski zawod Hentschke a mustwo fanow Budissy Budyšin. Foto: Jörg Stephan

Tři sadźby za tři dypki

Dienstag, 06. Februar 2024 geschrieben von:

Za prěnje zastupnistwo zasadźene běchu: Fanny Hassemeier, Marina Köhler, Stefanie Köhler, Jennifer Otto, Constance Pötschke, Rejzka Rawšec, Kathrin Spiesec, Tadeja Šeferec, Rejzka Wjeńcyna; trenarka: Daniela Kralec

Sobotu bě so prěnje wolejbulowe zastupnistwo žonow Viktorije Worklecy do Běłeje Wody po­dało. Běłowodźanki hrajachu prěnju hru přećiwo Póst Drježdźanam, potajkim přećiwo načolnikej tabulki. Domjace zastupnistwo steješe na pjatym a z tym předposlednim městnje sakskeje klasy stafla wuchod. Tež hdyž bě zaměstnjenje tak rozdźělne, poradźi so Běłowodźankam po zastatku dweju sadźbow wurunać 2:2 (16:25, 16:25, 25:21, 25:20), tak zo so tiebreak wuhra. Tola Drježdźanjanki wobchowachu čuwy a rozsudźichu hru naposledk 15:8 za sebje. Běła Woda wudoby sej z kóncom prěnjeje hry dalši dypk w tabulce a bě z tym po dypkach z Worklečankami wurunała.

TSG Hamor Běła Woda –

ST Viktoria Worklecy 0:3

(21:25, 15:25, 10:25)

Widźał,słyšał, napisał (06.02.24)

Dienstag, 06. Februar 2024 geschrieben von:

Awtor dźensa

Jurij Bjeńš

Posledni test za SJ Chrósćicy

Dienstag, 06. Februar 2024 geschrieben von:

ST Horni kraj Sprjewja –

SJ Chrósćicy 2:2 (1:0)

Zestawa hosći: Králíček – Mark, B. Cyž, Černohorský, Kreuz, L. Zahrodnik, Hawš, M. Zahrodnik, Bjeńš, G. Zahrodnik, Marx, D. Žur, Matik, Wencl

Po dobyću testoweje hry přećiwo HZ Łazej/Běłemu Chołmcej testowachu Chróšćenjo posledni raz do starta druheje połserije na kumštnym trawniku w Korzymje. Tamniši cyłk ST Horni kraj Sprjewja njeje njeznaty přećiwnik, wšako kopachu tež někotre lěta w krajnej klasy.

Hosćo derje do hry startowachu a ju kontrolowachu. Tola spočatnje sej nimo někotrych třělwow z distancy dobre šansy njewuhrachu. Po dwaceći mjeńšinach so tež domjacy do hry namakachu. W tutej fazy přihotowanskeje partije njeběchu Chróšćenjo dosć konsekwentni a koncentrowani. Tak sej hosćićeljo někotre šansy wuhrachu a samo w 36. min. přez Toma Thomasa po wólnym kopje z hłójčku 1:0 nawjedowachu.

Delanscy Sokoljo pokal zakitowali

Dienstag, 06. Februar 2024 geschrieben von:

Koparjo mustwa starych knjezow přewjedźechu minjeny pjatk halowy koparski turněr. Nažel pak cyłkaj z Chrósćic a Hórkow chorosće a zranjenjow dla nastupić njemóžeštej. Tak hrajachu cyłkaj SJ Njebjelčicy, ST Marijina hwězda a dwě hosćićelskej zastupnistwje přećiwo sebi. Hraješe so po modusu kóždy přećiwo kóždemu stajnje dźesać mjeńšinow, a to w dwójnym kole. Wšitke hry sudźeše nazhonity sudnik Handrij Strélow.

Prěnje mustwo Sokoła, zdobom zakitowar pokala, přećiwo druhemu mustwu 2:1 doby a tež druha hra běžeše po předstawach domjacych přiwisnikow. Hra doby so jasnje 5:0 přećiwo Marijinej hwězdźe. Njebjelčenjo startowachu z dwěmaj remisomaj do turněra a w poslednjej hrě prěnjeho koła přećiwo Ralbičanam 1:0 nawjedowachu. Tola w kónčnej fazy zamóchu delanscy koparjo hišće wurunać.

Tabulka prěnjeho koła:

1. Sokoł Ralbicy/Hórki I 7

2. ST Marijina hwězda 4

3. SJ Njebjelčicy   3

4. Sokoł Ralbicy/Hórki II  1

Wuslědki (06.02.24)

Dienstag, 06. Februar 2024 geschrieben von:

Kopańca, wyša liga mužojo

VfB Kśišow – Budissa Budyšin 2:0 (1:0)

Biskopičanske KT – ST Arnstadt 3:1 (1:0)

1. VFC Plauen 14 29 : 11 34

2. Biskopičanske KT  15 36 : 18 33

3. FC Magdeburg II 14 39 : 17 32

4. Germania Halberstadt 14 41 : 20 32

5. VfB Kśišow 15 32 : 22 28

6. SG Union Sandersdorf 15 25 : 19 26

7. VfB Auerbach 15 23 : 22 22

8. SC Freital 15 22 : 22 19

9. Ludwigsfeldski KK 15 18 : 26 18

10. Jednota Wernigerode 15 30 : 29 17

11. Budissa Budyšin 15 22 : 28 15

12. VfL Halle  13 25 : 30 13

13. Motor Marienberg 15 17 : 52 13

14. FC Jednota Rudolstadt 15 18 : 28 11

15. ST Arnstadt 15 17 : 29 11

16. FC Grimma 14 13 : 34 10

Grandiozne sezonowe finale we Worklecach

Montag, 05. Februar 2024 geschrieben von:

Za Worklecy hrajachu: Beno, Jakub a Jan Bobka, Marko Brězan, Ludwig Eckert, Stefan Gedik, Elias Kummer, Marcel Rjelka, Jan Zarjeńk, Józef Šnajder, Daniel Wałda a Sćěpan Wjeńka

We Worklečanskej sportowni bě wšitko spřihotowane za wulkotny wolejbulowy swjedźeń k sezonowemu wuklinčenju sakskeje klasy. Nimale sto přihladowarjow tworješe krasnu kulisu na tribunje. Tući dachu so wot dobreje nalady sportoweho DJa Romana Hainka zabawjeć a pohonjować. Nalada w mustwje běše dosć dobra, wšako su sej Worklečenjo z wonkownym dobytym dypkom w Pirnje hižo městno w tabulce skrućili.

ST Viktoria Worklecy –

Volleys Koblicy 3:1

(25:22, 25:19, 26:28, 25:20)

Domjacy chcychu z dobyćom přećiwo tabulkowemu susodej Koblicy pokazać, zo słušeja ze swojim wukonom na kóždy pad do sakskeje klasy. Z tutej motiwaciju dźěše mustwo na parket a wojowaše wo kóždy bul. Při stawje 19:14 zdaše so předskok wěsty, tola Kobličenjo móžachu zastatk hišće raz na 23:22 skrótšić, prjed hač poslednej nadaći Worklečanskeho kapitana Ludwiga Eckerta k dobyću sadźby wjedźeštej.

Žane polěpšenje w nowym lěće

Montag, 05. Februar 2024 geschrieben von:

ST Radwor –

TSG Lawalde 0:10 (0:6)

Zestawa domjacych: Šěrak – Grubert, Wowčer, Glücklich, Paška, Nuk, Omran, N. Šnajder, Schulze, Wjeńka, R. Šnajder; Castejon, Wjacławk, Wjesela

Prěni test w nowym lěće přewjedźechu koparjo z Radworja přećiwo cyłkej z Lawalde. Tež woni hraja we wokrjesnej wyšej lize, ale w Zhorjelskim wokrjesu. Radworski trenarski team chce w nowym lěće něštožkuli polěpšić a zaso wuspěchi swjećić.

Tola prěnich 20 mjeńšin hry docyła po planje njeběžeše. Přećiwnik běše agresiwniši a spěšniši a tak steješe z wida hosćićela hižo 0:5. Po tym so Radworčenjo trochu popadnychu a tež někotre razy před wrota přińdźechu. Radworska hra bě přiwšěm katastrofalna. Tež defensiwnje njeběchu zwólniwi a přěhrachu wjetšinu dwubojow. K wothwizdanju prěnjeje połojcy steješe samo hižo 0:6.

Druhi połčas běžeše podobnje. Hosćićeljo wuwostajichu stoprocentne šansy. Přećiwnicy běchu jasnje lěpši a přetworichu hišće štyri dalše wrota ke kónčnemu stawej 0:10.

Bojownosć wuwosta

ST Radwor –

Drohotka Ramnow 0:6 (0:5)

Serbska debata

Neuheiten LND