Sport (07.10.16)
Motocrossowe mišterstwa
Jutře a njedźelu přewjedźe MC Jawora na Kaponicy 38. motocrossowe mišterstwa ADAC. Časowy plan sobotu je slědowacy: 7.45 – 9.20 hodź. swobodny trening, 9.25 – 11 hodź. časowy trening a 11.25 – 18 hodź. hódnoćenske běhi. Přestawku změja piloća wot 11.45 do 12.45 hodź., mytowanje dobyćerjow budźe we 18.15 hodź. Časowy plan njedźelu: 8.30 – 9.35 hodź. swobodny trening, 9.40 – 11.30 hodź. časowy trening plus zwučowanje startow a 12 – 18.05 hodź. hódnoćenske běhi. Přestawku změja piloća wot 14.50 do 15.15 hodź., mytowanje dobyćerjow je za 18.10 do 18.25 hodź. planowane. Dokładniše informacije pod www.mc-jauer.de
Kónctydźenska kopańca
07.10. 20:00 Niska – Kamjenc
08.10. 15:00 ST Lubuš – ST 1922 Radwor
09.10. 13:00 Sokoł Ralbicy/Hórki II
– LSV Bluń 74
09.10. 15:00 Sokoł Ralbicy/Hórki
– Módro-běli Kulow
09.10. 15:00 Wjelećin – Rakecy
09.10. 15:00 Zeleno-běli Sepicy
– ST Marijina hwězda
09.10. 15:00 SJ Njebjelčicy
– Arnsdorfske KT
Dynamo Drježdźany z hosćom
Koparsku chłóšćenku změja jutře w Neugersdorfje. Tam su sej profijow Dynama Drježdźany přeprosyli. Něhdyši kopar Jan Nezmar, kiž je wjele lět za Hornjołužičanow hrał, so rozžohnuje. Hru zahwizda sudnik w 14 hodź.
Volleyball
15.10. 14.00 Cunnersdorf – Worklecy
22.10. 10.00 Worklecy – Žitawa (žony)
22.10. 12.00 Worklecy – Běła Woda (žony)
Město třoch znowa jenož jedyn dypk
FSV Budissa Budyšin – FSV 63 Luckenwalde 2:2 (0:1)
Zestawa domjacych: Wohlfeld – Kolan (73. Hänsch), Klippel, Patka, Heppner, Pfanne, Hoßmang, Milde, Müller (46. Šisler), Salewski, Němec
400 přihladowarjow je minjenu njedźelu na Budysku Młynkec łuku přišło, zo by druhe dobyće koparjow Budissy w hrajnej dobje 2016/2017 dožiwiło. Wobaj cyłkaj měještej do hry jeno štyri dypki na konće. Přiwisnicy Budissy swoje mustwo přez cyły čas pohonjachu. Wone započa tež hnydom z porjadnym ćišćom a nadźěła sej dobrej móžnosći přez Paula Mildu (2.) a Josefa Němeca (10.). Njemóžeštaj pak k wrotam přetworić. Hosćo sčinichu to lěpje, a Steve Müller trjechi k nawjedowanju (16.). Hač do přestawki spytachu domjacy wšitko, wrota pak so jim njeporadźichu.
18. Čornohórski běh so wotměł
Jara hibićiwe Zeleno-běłe sportowe towarstwo Halštrow je 18. króć na přikładne organizatoriske wašnje swój woblubowany, ale jara napinacy Čornohórski běh přewjedło. Wjedrowe wuměnjenja minjenu sobotu běchu dosć přijomne. Nimale 150 starterow wubědźowaše so w štyrjoch běhach (0,5 km; 1,9 km; 5 km a 10 km), kotrež hódnoćachu so za Łužisku rjadnu lisćinu. Aktiwni běchu ze Sakskeje, Braniborskeje a Berlina.
Na běhu 0,5 km za dźěći wobdźělištaj so tež Matej Škoda a jeho sotra Alena z Wotrowa. Matej běše dobyćer w starobnej skupinje (sk) 06, Alena přeprěči cilowu liniju jako pjata w sk 08.
Na hłownymaj čaromaj pjeć a dźesać kilometrow dyrbjachu so běharjo hač na wjeršk Čorneje hory dračować (na 10 km samo dwójce). Dobyłoj staj na 5 km pola muži Marc Überfuhr z Budyšina (18:09 min.) a Diana Lommatzsch z Brandenburga (24:59 min.). Na tejle distancy startowaše tež spisar tychle linkow z Budyšina. W swojej sk běše 82lětny po 39:45 min. jako druhi w cilu a zdobom najstarši starter w Halštrowje.
Cyłkownje najwuspěšnišej na distancy 10 km běštaj Karsten Möbius ze Sedlišća (Sedlitz) pola Złeho Komorowa (43:54 min.) a Franziska Kranich z Niskeje (46:10 min.). Jurij Nuk
Wuslědki (06.10.16)
Kopańca, regionalna liga
1. Jena 9 22 : 1 25
2. RB Lipsk II 9 12 : 8 17
3. Hertha BSC II 9 14 : 11 17
4. FC Viktoria 9 18 : 8 16
5. Energija Choćebuz 9 11 : 5 16
6. BFC Dynamo 9 17 : 7 15
7. Lok Lipsk 9 13 : 8 15
8. Babelsberg 03 9 16 : 13 15
9. Berlinski AK 9 13 : 11 15
10. Nordhausen 9 14 : 14 13
11. Neugersdorf 9 14 : 11 12
12. Schönberg 9 11 : 16 11
13. Fürstenwalde 9 8 : 15 10
14. Auerbach 9 6 : 17 8
15. Budissa Budyšin 9 10 : 16 5
16. Luckenwalde 9 8 : 21 5
17. Meuselwitz 9 3 : 10 4
18. Neustrelitz 9 6 : 24 1
Suwerene dobyće
We wobłuku šulskeho sportoweho wubědźowanja „Młodźina trenuje za olympiju“ zwěsćichu štyri holče cyłki swojeho regionalneho mištra. Šulerki Serbskeho gymnazija Budyšin (SGB) dobychu wšitke tři partije a pojědu klětu w juniju na sakske finale do Freitala.
Najwuspěšniše holče koparske mustwo Budyskeho Serbskeho gymnazija je so w minjenych pjeć lětach štwórty raz za krajne finale kwalifikowało. W juniju 2013 poradźi so holcam SGB ze slěbornej medalju na krajnej runinje dotal najlěpši rezultat. Lětsa pak njedachu wone sportowej konkurency z wuchodneje Sakskeje w Budyskim Humboldtowym haju žanu šansu na dobyće.
SGB – Wyša šula Mikow 2:0
Šansy maja so hišće wo wjele lěpje wužiwać
Wojerowski FC II – Sokoł Ralbicy/Hórki II 1:0 (1:0)
Zestawa hosći: Budar – Brězan, Bogusz, Šołta, Kobalc, Čórlich (46. Serbin), Šnajder, Strelow, Šrajer, Kurjat, Jakubaš
We Wulkich Ždźarach jenož dypk žnjeli
SZ Hórnikecy – ST 1922 Radwor 3:3 (2:1)
Zestawa hosći: Wróbl – Henke (71. Zähr), Šěrak Fabian, Šram, Wjeńka, Bejmak, Zimmermann, Nuk, Schulze (90. Karwinski), Buša (60. Omran)
Derje započelia špatnje skónčili
ST Marijina hwězda – SJ Njebjelčicy 1:2 (1:0)
Zestawa domjacych: Schmidt – Wróbl, Łušćanski, T. Jurš, Lipič, Peschmann, Bělk, Hawš, Smoła, Winkler, D. Jurš (67. Rab)
Zestawa hosći: Hahn – Haška, Kubaš, Hanuza, Hoelzel (60. Hrjehor), Cyž, Lejnart, Hommel, Pawlik, Korjeńk (90. Šołta), Janca
Po naposledk wosom dypkach ze štyrjoch hrow chcyše prěnje koparske mustwo ST Marijineje hwězdy w serbskim derbyju přećiwo hišće njeporaženym hosćom z Njebjelčic dale dypkować. Do hry pak rozžohnowachu Christiana Sbjeznieho, kiž ćežkeho zranjenja dla koparsku karjeru zakónči. Nimo toho spominachu klóšterscy hrajerjo a přiwisnicy na Bena Jeschkeho, kiž bě dwaj dnjej do hry zemrěł.
Druhi połčas k remisej wjedł
SJ Chrósćicy – FV Drježdźany 06- Laubegast 1:1 (0:1)
Zestawa domjacych: Králíček – Šiman, Cyž, Sentivan, Šafář, Henčl (80. Dehn), Runt, Domaška, Gries (65. Kunze), Žur, Věchet
Po dobyću minjeny tydźeń přećiwo Biskopičanskej rezerwje chcychu Chróšćanscy koparjo tež faworitej z Drježdźan-Laubegasta hru tak ćežku kaž móžno ćinić. W prěnim połčasu pak mějachu hosćo hrajnu nitku w rukach. W defensiwje stejachu wěsće a domjacym jenož mało dowolichu. Stajnje zaso spěšnje hrajachu přez wonkowne křidła na wrota Petra Králíčeka. Po róžku poradźi so jim zasłužene nawjedowanje. Šmjatańcu před wrotami wuži Robert Scannewin a třěli kulowatu kožu nimo wrotarja do saka (16.). Chróšćenjo běchu so w prěnim połčasu dwójce před wrotami hosći jewili. Radim Věchet pak njezamó so tak prawje přesadźić a Petra Šafářowa třělwa běše přesłaba.
Po přestawce sej dobyće zaručili
Wojerowski FC – Sokoł Ralbicy/Hórki 0:3 (0:0)
Zestawa hosći: Ch. Gloxyn – Rawš (83. Zynda), Matka, B. Bjeńš, von Köding, Schultz, S. Bjeńš, Korjeńk, D. Gloxyn, Domaška (82. Kurjat), Bejma (78. Młynk)
Pola nowačka z Wojerec chcychu koparjo Sokoła Ralbicy/Hórki na kóždy pad dobyć, byrnjež tón tež hižo dźesać dypkow na konće měł. Bjez trenarja Thomasa Schultza, kiž přebywa w Awstriskej na dowolu, dyrbjachu zestawu změnić. Za Bosćija Lulaka a Stanija Šewca zasadźichu Tomaša Rawša a Tomaša Bejmu.
W prěnjej poł hodźinje wotměwaše so hra hłownje mjez šěsnatkomaj, bjez toho zo so něšto naspomnjenjahódneho sta. Hra hosći běše přepomała. Jako Pětr Domaška bul z hłowu Fabianej Korjeńkej wotpołoži, skićeše so Pěskečanej prěnja šansa. Wón pak natřěli wrotarja (30.) Pjeć mjeńšin pozdźišo ćehnješe Bejma z praweje strony dosrjedźa a wotzamkny z mócnej lěwej nohu, ale trjechi bohužel jenož łatu.
