Sport (17.03.23)
Koparski derby w Delanach
Zašły kónc tydźenja su tři wot štyrjoch koparskich winowatostnych hrow wupadnyli, dokelž njeje so na sportnišćach hrać hodźało. Wulke šansy na přewjedźenje změje tónraz derby Sokoł Ralbicy/Hórki – Módro-běli Kulow we wokrjesnej wyšej lize. Derby změja tež w Chrósćicach. Tam wočakuja Wojerowski FC.
17.03. 19:00 SC Freital –
Biskopičanske KT
18.03. 13:00 Budissa Budyšin –
VfL Halle
18.03. 15:00 ST Hnašecy-Dobruša –
ST Radwor
19.03. 14:00 Sokoł Ralbicy/Hórki –
Módro-běli Kulow
19.03. 15:00 SJ Njebjelčicy –
Zeleno-běli Sepicy
19.03. 15:00 Módro-běli Minakał –
ST Marijina hwězda
19.03. 15:00 SJ Chrósćicy –
Wojerowski FC
Worklečanki z domjacej lěpšinu
We wolejbulowej wobwodnej lize stafla II změja Worklečanki jutře domjacu lěpšinu, hdyž přijědu wolejbulistki z Wojerec a Rózborka. W samsnym času nastupja Worklečanscy mužojo wonka přećiwo MSV Budyšinje. Mjeztym zo póńdźe za Worklečanki wo staflowe dobyće, dyrbja Worklečenjo dypki přećiwo zestupej hromadźić.
18.03. 14:00 Viktoria Worklecy I –
MB Wojerecy (žony)
18.03. 14:00 Viktoria Worklecy I –
Nysa Wolejs (žony)
18.03. 14:00 MSV Budyšin –
Viktoria Worklecy (m.)
23.03. 19:00 ST Budyšin sewjer –
Sokoł Budyšin
Bulang a Rose cup za staru gardu koparjow w Kulowje
Minjenu sobotu su w Kulowskej sportowej a wjacezaměrowej hali 3. Bulang a Rose cup za koparjow starobneje klasy nad 50 lětami přewjedli. Wosom teamow bě přeprošenych, pjeć je nastupiło. Tuž staj krótkodobnje organizatoraj Torsten Bulang a Thomas Rose turněrowy plan znowa pisałoj. Tak rozsudźištaj, z pjeć mustwami kompletne prěnje koło z wróćohrami stajnje 10 mjeńšinow hrać. Nimo koparskeho dnja nasta z tym tež hišće rjany dźeń za swójby. Najdlěši puć mějachu hosćo z Vilniusa, z Litawskeje. Woni běchu najebać 1 050 km čary hižo druhi raz na turněrje. „Přińdźemy tež rady zaso“, tak jich kapitan Rolandis Girdźius. W młodych lětach běše Rolandis Girdźius hižo kopar w U15 a U16 w narodnym mustwje a tež pozdźišo pola muži w narodnym mustwje tehdyšeje ZSSR (Sowjetski zwjazk). Jeho wosom teamowi kolegojo su wólnočasni koparjo z Vilniusa, kiž so prawidłownje k treningej zetkawaja. Litawscy hosćo běchu zaměstnjeni a buchu zastarani w Nowej Wsy w hosćencu a pensiji pola Grofic.
Po dołhim turněrje móžachu tak najlěpšich počesćić.
Kónčna tabulka:
1. Módry-běli Kulow 16 dypkow
Wuslědki (16.03.23)
Kopańca, regionalna liga muži
1. FC Čerwjeno-běli Erfurt 23 49 : 21 48
2. FC Energija Choćebuz 23 49 : 20 46
3. VSG Altglienicke 22 48 : 23 42
4. FC Carl Zeiss Jena 23 36 : 15 41
5. Lok Lipsk 23 41 : 31 40
6. Kamjeničanski FC 24 36 : 25 39
7. BSG Chemija Lipsk 23 37 : 30 39
8. BFC Dynamo 23 34 : 28 37
9. Berlinski AK 22 31 : 26 33
10. FC Viktoria Berlin 23 31 : 30 33
11. SV Babelsberg 22 31 : 30 30
12. Hertha BSC II 23 35 : 44 28
13. Greifswaldski KK 23 31 : 31 27
14. ZFC Meuselwitz 24 33 : 47 25
15. FSV Luckenwalde 23 25 : 37 24
16. SV Lichtenberg 23 21 : 48 17
17. Germania Halberstadt 23 19 : 52 11
18. Tennis Borussia Berlin 22 15 : 64 9
Tři dypki a tola přemało
Najwažniši zaměr Worklečanskich wolejbulistow na jich poslednim domjacym hrajnym dnju sezony bě, znajmjeńša tři dypki přećiwo zestupej dobyć. Zo je so to runje přećiwo technisce wersěrowanemu faworitej z Drježdźan poradźiło, njebě pak wotwidźeć. Poprawom bychu dypki přećiwo tabulkowemu susodej z Koblic hišće drohotniše byli.
ST Viktoria Worklecy –
Póst Drježdźany II 3:1
(25:20, 20:25, 25:19, 25:21)
Łužiske lodohokejowe liški suwerenje klasu zdźerželi
Na poslednimaj hrajnymaj dnjomaj hłowneho koła dźěše za Łužiske lodohokejowe liški wo to, zestupne koło wobeńć a sej z tym zdźerženje klasy dočasnje zawěsćić. Tola na předposlednim hrajnym dnju poda so druhi tabulki z Ravensburga do liščeje jamy. A přećiwo njemu bě Běła Woda w tutej sezonje wšitke hry přěhrała.
Łužiske lodohokejowe liški – Ravensburg Towerstars 3:2 p.tř.p. (2:2, 0:0, 0:0 - 1:0)
Pola načolnika triumfowali
Łužiske lodohokejowe liški –
EC Kassel Huskies 4:2
(1:0, 0:0, 3:2)
Bě to, hač na Steva Hanuscha, samsne mustwo, kotrež bě w Regensburgu z 0:2 přěhrało, ale někak tež cyle hinaši team. Łužiske liški běchu spěšnje na smykačach po puću a dźěłachu sylnje z ćěłom a bičkom. A to přez dołhi čas w spočatnej fazy. Runje jako zdaše so partija skerje bóle defensiwnje wusměrjena być, nawjedowaše Běła Woda. Toni Ryćer třěli z módreje linije, Eric Valentin wotfalšowa a sak čumpaše so k wažnemu 1:0. Přećiwo Huskijam zastatk nachwatać dyrbjeć, by zawěsće jara ćežko było. Tež w dalšim přeběhu hry mějachu hosćo dobru šansu. Darren Mieszkowski so hač ke Ville Kolppanenej přesadźi, pola kotrehož pak bě to kónčna stacija. Sylny blok Louisa Andersa postara so wo to, zo snadny předskok dale steješe.
Dypki sej dźělili
ST Radwor – SG Großnaundorf 1:1 (1:1)
Zestawa ST Radwor: Grenzemann – Reinecke (26. Mička), Pěčak, Šěrak, Paška (90. Wjeńka), Schöne, Nuk, Schulze, Castejon (91. Glücklich), Grubert, Šnajder
Wuslědki (14.03.23)
Kopańca, wokrjesna wyša liga
Porchow – ST Hnašecy-Dobruša 3:3 (1:0)
N.Němske Pazlicy – TSV Wachau 5:0 (2:0)
1. Módro-běli Kulow 18 42 : 14 44
2. Biskopičanske KT II 17 60 : 12 43
3. Póst Germania Budyšin 18 47 : 21 40
4. Natwar Němske Pazlicy 18 45 : 20 36
5. ST Hnašecy-Dobruša 18 56 : 34 35
6. ST Horni kraj-Sprjewja 17 49 : 30 31
7.FV Ottendorf-Okrilla 18 37 : 33 26
8. SG Großnaundorf 17 27 : 26 26
9. Sokoł Ralbicy/Hórki 17 34 : 27 25
10. HZ Łaz/Běły Chołmc 17 26 : 25 23
11. SC Großröhrsdorf 18 26 : 30 20
12. TSV Wachau 18 29 : 55 17
13. ST Radwor 17 27 : 44 16
14. ST Porchow 18 24 : 62 11
15. ST Ćisk 18 18 : 66 6
16. ST Kinspork/Łužnica 18 19 : 67 5
Wokrjesna liga stafla I
ST Wjelećin – ST Kubšicy 2:3 (0:1)
TSV Połčnica – HZ Huska/Hodźij wupad
1. Arnsdorfske KT 14 35 : 18 29
2. Bretnig-Hauswalde 13 41 : 22 26
3. TSV Połčnica 13 38 : 24 26
4. TSV Wjazońca 14 35 : 24 24
5. ST Bart 14 22 : 26 24
6. ST Kubšicy 14 25 : 22 23
7. HZ Huska/Hodźij 13 33 : 23 22
8. Traktor Malešecy 14 25 : 18 22
9. TSV Wjernarjecy 14 36 : 39 17
10. Zeleno-běli Bukecy 14 25 : 27 16
11. HZ Frankenthal 14 17 : 27 14
12. SV Haselbachtal 13 16 : 27 10
13.Kumwałd/Schönbach 14 23 : 54 10
14. ST Wjelećin 14 22 : 42 8
Festiwal wrotow we wosmifinalu w Delanach
Sokoł Ralbicy/Hórki –
HZ Łaz/Běły Chołmc 9:0 (2:0)
zestawa domjacych: Ch. Gloxyn – Rawš, Schultz, A. Wałda, Matka (66. Kunze), D. Gloxyn, Šewc, Šołta, T. Wałda (66. Ričl), Bejmak (54. Nuk), Domaška (75. Lulak)
W hrach wokrjesneho pokalneho koła jewi so husto raz kanterowe dobyće. Najčasćišo w prěnim abo druhim kole, hdyž hraje wulki faworit přećiwo małemu mustwu z wokrjesneje klasy. Před lětami nawróćichu so Sokoljo na přikład hižo raz z Wjazońcy z dobyćom 14:0.
Zo pak su so Sokoljo po wčerawšej hrě z tajkim kanterowym dobyćom wot swojich přihladowarjow zaso rozžohnowali, z tym nichtó ličić njemóžeše. Přećiwnik z Łaza/Běłeho Chołmca wšak steji w tabulce wokrjesneje wyšeje ligi pódla Sokołow a z tym wočakowachu 140 přihladowarjo poprawom napjatu hru we wosmifinalu wokrjesneho pokala. Pola Ralbičanow pobrachowachu nowopřichadaj Pius Šołta a Rafael Šołta a stajnej hrajerjej Paul Rachela a Bosćij Bejma. Ale tež přećiwnik z Łaza dyrbješe bjez stajnych hrajerjow startować.
Widźał, słyšał, napisał (13.03.23)
Awtor dźensa
Beno Šołta
