Znowa rakety testowali
Seoul (dpa/K/SN). Sewjerna Koreja je znowa rakety testowała. Wottřělene buchu wone na wuchodnym přibrjohu, rozprawja južnokorejska powěsćernja Yonhap, mějo za to, zo móhło so jednać wo rakety přećiwo łódźam. Sewjerna Koreja žane nadrobnosće njezdźěla. Njedawno bě wona publikowała, zo dźěła tež na dalokodistancnych raketach, z kotrymiž by móhła samo cile w samych USA trjechić. Bjezstrašnostna rada UNO bě minjeny tydźeń nowe sankcije wobzaknyła.
Pomoc ćěkancam přilubił
Tripolis (dpa/SN). Na swojim njewočakowanym wopyće w Libyskej je wonkowny minister Sigmar Gabriel (SPD) 3,5 milionow eurow pomocy na dobro ćěkancow přilubił. Pjenjezy maja so za polěpšenje zdźěla katastrofalnych poměrow w lěhwach ćěkancow w Libyskej wužiwać. W kraju knježitej po powalenju wjelelětneho mócnarja Muammara al-Gaddafija w lěće 2011 chaos a wobydlerska wójna. Konfliktne strony namołwješe Gabriel k rozmołwam a ke kompromisam.
Britojo wola nowy parlament
Turkowska pósćele wojakow do Katara
Přinjese Comey Trumpa do wuskosćow?
Jenož alibi-politika?
Cyž: Tež my měli skoržić
Najebać dosć pozitiwny rozsud wo sydlenskim rumje je wobmyslenjow
Choćebuz (SN/JaW). Zwjazkowe předsydstwo Domowiny je so minjeny pjatk w Choćebuskim delnjoserbskim internaće mjez druhim ze serbskim sydlenskim rumom w Braniborskej rozestajało.
To a tamne (08.06.17)
Wobě noze złamał je sej paduch w Mecklenburgsko-Předpomorskej při ćěkańcy. Zhromadnje z kumpanomaj bě wón w twarskich wikach w Parchimje wěcy w hódnoće 60 eurow kradnył. Přistajeni skupinu lepichu a dowjezechu ju do běrowa w prěnim poschodźe. Jedyn z muži tam z wokna skoči a so ćežko zrani. Tamneju přepodachu policiji. Zranjeneho dowjezechu do chorownje.
Něhdy za dźesać eurow na čaporowych wikach kupjeny, nětko za 750 000 eurow dale předaty: Londonski awkciski dom Sotheby’s je drohotny diamantny pjeršćeń za njewočakowano wulku sumu přesadźował. Muž bě před něšto časom pjeršćeń w awkciskim domje trochować dał. Při tym so wukopa, zo ma stary pjeršćeń z 80tych lět drohotny 26,92 karatowy diamant za 350 000 eurow. Sumu su nětko jasnje přetrjechili.
Katolikojo wupožčichu wołtar
Wittenberg/Münster (B/SN). Ze swjatočnej Božej słužbu pod hołym njebjom z wjac hač 100 000 wěriwymi bu před tydźenjom we Wittenbergu Ewangelski cyrkwinski dźeń zakónčeny. Na jewišću steještej dwě požčonce: Wołtar a čitanski pult z masiwneho drjewa buštej hižo na mnohich Dnjach katolikow wužiwanej. Wobě cyrkwinskej wulkozarjadowani sej stajnje zaso mjezsobu pomhatej, rjekny jednaćel Dnja katolikow, Martin Strauch: „Je to rjane ekumeniske znamjo.“
Najdlěša biblija swěta
Kilica zajeli
Istanbul (dpa/K/SN). Turkowska wyšnosć je krajneho šefa organizacije čłowjeskich prawow Amnesty International Tanera Kilica w prowincy Izmir zajeć dała. Kilicej wumjetuja, zo je wudźeržował zwiski z muslimiskim prědarjom Fethullah Gülenom. Turkowski prezident Recep Tayyip Erdoğan hibanje w USA žiweho prědarja toho winuje, zo je naškarał pospyt puča w juliju zašłeho lěta. Amnesty International sej wot Turkowskeje žada, Kilica hnydom zaso pušćić.
Dawk njepłaćiwy
Karlsruhe (dpa/SN). Dawk za palne elementy w jadrowych milinarnjach, kotryž bě Němska wot lěta 2011 hač do 2016 zběrała, spřećiwja so zakładnemu zakonjej. Tole je Zwjazkowe wustawowe sudnistwo w Karlsruhe dźensa rozsudźiło. Z tym móža so atomowe koncerny nadźijeć, zo jim srědki wjace hač šěsć miliardow eurow zaso wróća. Po měnjenju sudnikow njebě Zwjazk kompetentny, zakoń za wony dawk zdźěłać. Po informacijach financneho ministra je dawk statnej kasy 6,285 miliardow eurow wunjesł.
Rentowy koncept předstajeny
