Projekt zwoprawdźić
Turkowska na rjedźe
Dowěrnik plan wita
Chětro dubiozna wěc
Petru Hinz napominali
To a tamne (02.08.16)
Jeno na zwjenu jěducy je 78lětny wodźer awta w Awstriskej přiwšěm spěšnje po puću był. Zo bjez prědnjeje wobruče jězdźi, ani pytnył njebě, wón policistam zamyleny rozłoži, po tym zo běchu jeho njedaloko wsy Wattens na awtodróze A 12 zadźerželi. Jězbnu dowolnosć jemu sćazachu a pósłachu jeho k lěkarjej. Potrjechene aluminijowe zwjeno bě hižo hač na połojcu wotjězdźene. Šoferojo běchu policiju alarmowali. Starca zadźeržeć njebě scyła tak lochko, dokelž wón spochi druhe awta přesćahowaše.
Z 3 000 kwadratnych metrow wulkim grafitom chce 40lětny Eduardo Kobra w Rio de Janeiru nowy swětowy rekord nastajić. Wobraz na sćěnje twarjenja blisko přistawa pokazuje portrety ludźi ze wšeho swěta. Kobra je sobu najznaćiši nadróžny wuměłc Brazilskeje.
Wobrónjeni na campus
Austin (dpa/SN). Nowy dwělomny zakoń w Texasu studentam dowola wobrónjeni na uniwersitu přińć. Tak mjenowany zakoń Campus Carry je wot dźensnišeho płaćiwy. Po nim smědźa studenća, docenća a wopytowarjo brónje njewidźomnje nosyć. Texas bě loni, najebać protesty studentow a profesorow, zakoń schwalił. Z nim maja so potencielni amokowi třělcy wottrašić. Tež dalše staty USA nošenje bróni pod wěstymi wuměnjenjemi dowoleja.
Wotpokazuje hroženja
Mnichow (dpa/SN). Bayerska CSU je hroženje Turkowskeje wotpokazała, zrěčenje wo ćěkancach rozpušćić, njedyrbjała-li Europska unija Turkam bjezwizumowe pućowanje přizwolić. „Njejsmy na turkowskim bazarje“, rjekny generalny sekretar CSU Andreas Scheuer hladajo na debatu wo 72 kriterijach za bjezwizumowosć, kotrež ma Turkowska spjelnić. „Wokomiknje je bjezwizumowosć za Turkowsku dospołnje wuzamknjena.“ Turkowska žada sej za to nětko wot EU konkretny termin.
Talibanojo hotel nadpadnyli
