Jurij Pěčka
Projekt LandArt podłu Jawory zakónčeny
Njebjelčicy/Miłoćicy (SN/bn). Projekt „LandArt podłu Jawory“ je zakónčeny. Finisaža wuměłstwoweje akcije towarstwa Kamjenjak je sobotu a njedźelu wulki zajim wopytowarjow zbudźiła. W Miłoćicach, Wěteńcy, Pěskecach, Serbskich Pazlicach a Njebjelčicach wobdźiwachu woni wuslědki wuměłskeho dźěła dohromady šěsć mjezynarodnych wuměłcow, kotřiž su wot 11. septembra hač do wčerawšeho we Łužicy skutkowali.
Wosebitosć projekta je, zo běchu wopytowarjo aktiwnje do tworićelskeho procesa zapřijeći. Tak poskići na přikład Iwona Stypułkowska we wobłuku dźěłarnički zajimcam składnosć, so wo swojim dźěle wobhonić, a pokaza jim mjez druhim, kak hodźa so tak mjenowane wodowe barby na přirodne wašnje zhotowić. Zakład dźěłarnički tworješe wučba wo barbach po teoriji Johanna Wolfganga Goethy. Jedyn projektny přinošk renoměrowaneje wuměłče z Pólskeje rěka „Žiwa forma“, je mjez druhim z wóska zhotowjena rysowanka a při Miłočanskej žabje wustajena. Tamny je „Pječat mocy słónca“ a z přerězkom něhdźe 20 metrow najwjetši jednotliwy objekt.
Wubědźowanje wo najrjeńši serbski t-shirt redakcije Satkule a ...
Stari Serbja srjedźowěka w načasnym oratoriju
Prapremjera twórby „Hrodźišćo“ zdobom wjeršk jubileja brigady była
Je z dobrej tradiciju, zo swjeći 1. serbska kulturna brigada wosebite jubileje z wosebitym wjerškom. Za lětušu 70. róčnicu załoženja kulturneho cyłka Serbskeho gymnazija Budyšin (SGB) je sej chór ćělesa prapremjeru wuzwolił, a to w nic jeno za Łužicu njewšědnej dimensiji.
„Lawy“ wupisaja spěchowanje
Kóždolětnje wupisa Budyski Lions- klub tak mjenowane Kaeublerowe spěchowanje. Z nim chce projekty na regionalnej runinje podpěrać, wěnowace so dobru wšěch.
Publikumej na nazymskim koncerće rěč a drastu zbližili
Byrnjež miłe nazymske wjedro předwčerawšim zawěsće mnohich do přirody wabiło, je w Grodku tójšto ludźi tamniši nazymski koncert wopytało, štož nichtó z nich wobžarował njeje.
Grodk (FAG/SN). Do rjadu lětušich nazymskich koncertow słušeše njedźelu popołdnju tón w Grodku. Do hosćenca „Schweizergarten“ běštej sej Załožba za serbski lud a Grodkowska Domowinska skupina jako organizatoraj hudźbnu a spěwnu skupinu Kólesko přeprosyłoj. Wopytowarjow postrowi tohorunja Grodkowska sprjewina nyksowka Cindy Ahne, kotraž so samo w serbšćinje pospyta.
Hudźbna jězba na česć patrona
Koncert ze stawizniskim ekskursom na pišćelowej łubi dožiwić móhli
Budyšin (CRM/SN). Přibližnje šěsćdźesat zajimcow móžeše farar Andreas Höhne njedźelu wječor w Budyskej Michałskej cyrkwi na dnju patrona Božeho domu a wosady, arcyjandźela Michała, witać. Nawjazujo na lětuši 400lětny jubilej wosady wón rjekny: „Bóh so tež do našich stawiznow měša.“ A tak přeprosy wosadnych kaž tež dalšich hosći na hudźbnu jězbu po lětstotkach z wosadnej organistku Yuko Ikeda kaž tež z wiolinistku Bettinu Witke ze Serbskeho ludoweho ansambla.
Čerwjena armeja wuchodnu Pólsku wobsadźiła
28. septembra 1939 podpisaštaj w Moskwje wonkownaj ministraj Sowjetskeho zwjazka (ZSSR) a Němskeje Wjačeslaw M. Molotow a Joachim von Ribbentrop zrěčenje wo demarkaciskej liniji w Pólskej. Dźeń do toho docpěchu diwizije Čerwjeneje armeje we wuchodnej Pólskej tamnišu, we Versailleskim měrowym zrěčenju 1919 postajenu zapadnu mjezu Ruskeje a zetkachu so tam z wojakami Wehrmachty. Jeje komanderam běchu přikazali, zo maja so sowjetskim jednotkam bjez wojowanja zbližić a so dojednać. Tak docpě tankowy korps generala Heinza Guderiana 28. septembra pola Brjesta-Litowska sowjetske jednotki.
Za měrliwu mjezsobnosć
Přednošk k interkulturnemu tydźenjej antisemitizmej wěnowany był
Wojerecy (AK/SN). Město Wojerecy móže přećiwo antisemitizmej jasne znamjo dać. „Mjezynarodny projekt Kopolaki by tež šulski předmjet stawizny wobohaćić móhł“, poruči Lipšćanski nabožnowědnik Florian Illerhaus minjenu srjedu na tamnišej ludowej uniwersiće. Něhdźe 20 zajimcow přiwabi jeho přednošk, kotryž słuša k 15 zarjadowanjam města we wobłuku interkulturneho tydźenja Budyskeho wokrjesa.
