Aus der aktuellen Ausgabe vom Dienstag, 28 Juni 2016

Olsenowa cwólba z Chevroletom po Budyskich hasach jězdźi

Lětnje dźiwadło w sprjewinym měsće Budyšinje ma swoje mjeno we kaž tež zwonka murjow stareho města. Zabawny spektakl wabi kóžde lěto z wosebitosću, pod hołym njebjom dožiwić před romantiskej kulisu Budyskeho hrodu njewšědny poskitk. Lětsa wšak wobdźěłachu najprjedy raz twarske firmy Hrodowe naměsto – nic pak, zo bychu tam něšto zwuporjedźeli. Intendant NSLDź Lutz Hillmann planowaše inscenacije „Olsenowa cwólba a wulki pozadnik“ dla nowu asfaltowu dróhu za jewišćo. Wšako dyrbi po njej wosom awtow, mjez nimi originalny Chevrolet, jězdźić. Spektakl je z tajkej atrakciju wuhotowanja hižo raz zaručeny.

Wuhotowanje lětnjodźiwadłowych inscenacijow NSLDź je přihladowarjow přeco zaso překwapiło. Zamołwity za nje je Mirosław Nowotny, z kotrymž je Carmen Schumann porěčała.

Knježe Nowotny, Wy sće wuhotowar lětušeho lěćneho dźiwadła NSLDź „Olsenowa cwólba a wulki pozadnik“. Što bě Wam najwjetše wužadanje?

M. Nowotny: Porno druhim inscenacijam, za kotrež hotowy, móhłrjec „zrały“ kruch předleži, je w tym padźe wo to šło, sfilmowane dźěło adekwatnje na jewišćo přenjesć. Na zbožo smy z intendantom Lutzom Hillmannom derje harmonowacy team, dźěłachmy dźě mjeztym 17. raz na lěćnym projekće. Wuske zhromadne dźěło z režiserom je wažne wuměnjenje, zo so předewzaće radźi. Runje tak tež kooperacija z dźěłarnjemi dźiwadła, hdźež něštožkuli z dobrym słowom funguje a kolegojo njerědko z idejemi přinošuja.

Hdy sće nowu inscenaciju přihotować ­započeli?

M. Nowotny: Prawidłownje započinamy přeco mjez hodami a Nowym lětom. Tónraz bě wšak to poměrnje pozdźe, ­dokelž dyrbješe premjera šulskich próz­dnin dla chětro zahe być. Čas žno je to šwarnje tłóčił.

István Kobjela sćělesnja w lětušim lěćnym zdźiwadźelenju „Olsenoweje cwólby“ cyplkojteho Bennyja a je kaž jeho sobuhrajerjej Olaf Hais (Egon Olsen) a Rainer Gruß (Kjeld) nimale tři hodźiny pospochi kedźbnosći přihladowarjow „wu- stajeny“. Budyski dźiwadźelnik, kiž sćělesnja w swojej wosobje hnydom tři narodnosće – serbsku, němsku a madźarsku –, dyrbi jako předstajer Bennyja „wulke stopy“ nastupić. Jónu po Lutzu Hillmannu, kiž je nimale 15 lět Bennyja na jewišću wulkeho domu napodobnjował. „Lutzej Hillmannej dołžu wulki dźak“, István Kobjela praji. „Přetož ze swojich bohatych nazhonjenjow je mi někotryžkuli pokiw dał, samo nastupajo předhraće.“ Za wulku gestu Hillmanna wón ma, zo je tutu rólu spušćił.

Gratulujemy

maturantam a šulskim wotchadnikam 2016

rjadownja 10 a: Jonas Heine, Niclas-Silco Kamieth, Max-Paul Klimsch, Robin Krautz, Richard Krippstädt, Jonas Lewa, Marcus Tobias Liebert, Richard Nitsche, Philip Nowitzki, Daniel Richter, Rick Schubert, Michael Sladzyk, Aline Balke, Laura Bartsch, Carolin Bergner, Marie Federau, Jasmin Freer, Lina Heim, Saskia Köhler, Virginia Krupper, Julie Puschmann, Melissa Wierick, Mariell Wimmer, Laura Würzner

rjadownja 10 b: Tom Belaschk, Luka Hambitzer, Niklas Hentschel, Jonas Hubatsch, Max Krause, Johannes Ladusch, Eddie Lysk, Francesco Möser, Anne Berton, Vanessa Klauk, Emely Knox, Kimberly Stuckas, Amy Lynn Vetter, Kira Zuchold Foto: Joachim Rjela

rjadownja 10 a: Franka Dobmeier, Ines Handrikec, Laura Hartmann, Joanna Juhr, Konstanca Korchec, Jasmin Michałkec, Emelie Prietzel, Stephanie Rjedźic, Lydia Schultze, Katarina Čižankec, Jonas Domanja, Tobias Domanja, Paul Friedo, Felix Gruben, Max Kanow, Tim Kniehase, Paul Lambeck, Lucas Pink, Tim Rößler, Tomaš Salowski; rjadowniska wučerka: Uta König

rjadownja 10 b: Lisa Czaikowski, Eva Graf, Sophie Heffter, Josephine Howack, Jessica Knopf, Annemarie Lindner, Luisa Rose, Angelina Rußig, Lisa Scholtyssek, Isabella Winzer, Alexandra Zschieschang, Benedict Altenkamp, Vincent Fiebig, Ferdinand Glaab, Alexander Juro, Julian Modsching, Alexander Paschke, Florian Retschke, Jonas Karl Schlenstedt, Sebastian Scholz, Vincent Watky; rjadowniska wučerka: Annett Müller