Aus der aktuellen Ausgabe vom Mittwoch, 27 Februar 2019

Ćisk (JKa/SN). W Ćisku mějachu minjenu sobotu póstniske piwko. Wjesny před­stejićel, něhdy bě to starosta, Jens Sa­rodnik, bě muži wsy hromadźe zwołał. Ně­hdźe sto z nich je na zarjadowanje přišło, zo bychu so při piwje wo aktualnych prašenjach Ćiska rozmołwjeli, ale tež zhromadnje karty placali.

VVO planuje nowe poskitki

Budyšin (SN). Mnohe naprawy zakón­­ča­ceje rozprawy brunicoweje komisije wěnuja so polěpšenju mobility we Łužicy. Wobchadny zwjazk Hornje Łobjo (VVO), kotremuž tež zapadna Łužica z městomaj Kamjencom a Wojerecami přisłuša, widźi nětko šansu, naprawy swojeho bliskowobchadneho koncepta lěpje přesadźić. Z wutwarom čarow budźe přichodnje móžno, zapadnu Łužicu z Drježdźanskej měšćanskej železnicu přiwjazać.

Nowe sportowe kursy

Łaz (AK/SN). We Łazu chcedźa torhošćo wožiwić a znowa wozelenić. Za to pruwuje gmejna wšelake spěchowanske móžnosće, kaž wjesnjanosta Thomas Leberecht (CDU) na njedawnej wobydlerskej zhromadźiznje podšmórny.

„Pruwujemy, hač je móžno přez tak mjenowany sakski fonds sobuskutkowanja za wot brunicy potrjechene kónčiny srjedźneje Němskeje a Łužicy próstwu stawjić“, znapřećiwi Leberecht na prašenje wobydlerja Reinhardta Schneidera. Mjenowany fonds zarjaduje swobodny stat za spěchowanje strukturneje změny. Tak ma cyłkownje 6,4 miliony eurow k dispoziciji. Fonds sobuskutkowanja „Łužiski rewěr“ wopřijima po 1,5 milionach eurow za lěće 2019 a 2020. W fondsu „Srjedźoněmski rewěr“ je za samsny čas samsna suma k dispoziciji.

W „Bjesadźe“ hejsować

Njebjelčicy. Byrnjež žonjace póstnicy po protyčce poprawom jutře byli, swjeći Serbskopazličanske karnewalowe towarstwo póstnicy „rjanolinkow“ pjatk, 1. měrca, wot 20 hodź. w Njebjelčanskej „Bjesadźe“. Witani su tež na žony předrasćeni mužojo. Nazajtra, 2. měrca, su wot 14 hodź. najprjedy dźěći na póstnicy do domu witane a wot 19.30 hodź. doro­sćeni na druhi kapičkowy wječork.

Kak swjećić a pućować

Lubij. Pjaty raz wotměja so 2. a 3. měrca wot 10 do 18 hodź. w Lubijskich wjacezaměrowych halach dwójne wiki swje­ćenja, chłóšćenja a pućowanja.

Nowy dom sej wobhladać

Budyšin. Při Budyskej tachantskej cyrkwi nastawa nowy dom advity za bydlenje z hladanjom. 2. měrca budźe tam wot 11 do 15 hodź. dźeń wotewrjenych duri.

Štomy podrězali a sobu wzali

Połčnica. Njemało dźiwachu so tele dny wobsedźerjo lěsa w Oberlichtenauwje pola Połčnicy. Woni dyrbjachu zwěsćić, zo běchu so tam njeznaći ilegalnje z palnym drjewom zastarali. Brězy a chójny běchu zdźěla hač do wosom metrow wy­so­ke. Zwostali su jenož wjerški štomow, zdónki běchu skućićeljo hižo wotwjezli. Načinjenu škodu trochuje wobsedźer na 800 eurow.

Do kolesowarja zrazyła

Bolborcy. 16lětny je so za­wčerawšim pola Bolborc ćežko zranił. Wón bě ze swojim kolesom z ležownosće na wokrjesnu dróhu zajěł. 34lětna wodźerka VWja njemóžeše so jemu hižo wuwinyć a zrazy do njeho. Ćežko zranjeneho młodostneho dowjezechu do chorownje.

Hedwig a Peter Fritsch wopisujetaj turistiske puće za slepych a špatnje widźacych a pohnuwataj dalšich k sobudźěłu

Metalowy płót z kerčiznu wob­hrodźa Jězorowy hotel. Hedwig Fritsch w Ranju (Großräschen) móže jón słyšeć. „Nalěwo při započatku metalo­weho płotu je našik (Schräge) dele. Tón wužiwamoj mój. Orientujemoj so po zepěranskej muri při nachilacej so šćežce, doniž so nachilenje a zepěranska murja njekónčitej“, wopisujetaj wona a jeje mandźelski Peter puć wot Jězo­roweho hotela k přistawnemu mostej. Hedwig a Peter Fritsch staj wobaj hižo mnohe lěta slepaj – stenotypistka a programěrarka za předźěłanje elektroniskich datow Hedwig Fritsch hižo wot 2. žiwjenskeho lěta, jeje muž, chemikar dr. Peter Fritsch, mjeztym dlěje hač třiceći lět.

Kopańca, wokrjesna liga stafla II

Wulka Dubr. – Łaz/Běły Chołmc 1:4 (1:2)

HZ Wulke Ždźary – Haselbachtal 0:0 (0:0)

Łuty – Njebjelčicy1:3 (1:2)

Mały Wosyk – Lubuš0:2 (0:1)

Ćisk II – Malešecy0:3 (0:1)

Rakecy II/Šćeńca – Wojerecy II 6:1 (3:0)

Nadr. Hrabowka – Chrósćicy II 1:2 (1:1)

1. ST Marijina hwězda 15 45 : 4 42

2. HZ Łaz/Běły Chołmc 15 45 : 13 35

3. Traktor Malešecy 16 41 : 18 33

4. ST Ćisk II 16 30 : 19 33

5. ST Lubuš 16 24 : 14 26

6. Wojerowski FC II 16 24 : 23 25

7. HZ Wulke Ždźary 16 20 : 22 24

8. SJ Njebjelčicy 16 26 : 21 22

9. SV Haselbachtal 16 27 : 24 21

10. FSV Łuty 15 24 : 26 17

11. SJ Chrósćicy II 16 20 : 29 16

12. Nadrózna Hrabowka 16 24 : 37 15

13. ST Wulka Dubrawa 16 21 : 46 14

14. HZ Rakecy II/Šćeńca 16 15 : 45 8

15. ST Mały Wosyk 15 14 : 59 6

ST Nadrózna Hrabowka

– SJ Chrósćicy II 1:2 (1:1)

Zestawa hosći: Cyž – Dórnik, Wowčer, M. Zahrodnik, Lešawa, Młynk (89. Mark), Žur, G. Zahrodnik, Mohaupt (61. Šołta), Liznar (69. Šmit), Bogusz

Mühlrose weicht der Kohle

Trebendorf. Die Ungewissheit hat ein Ende: Die Bewohner des Ortsteils Mühlrose der Gemeinde Trebendorf werden umgesiedelt. Das erfuhren sie im Rahmen einer nichtöffentlichen Veranstaltung am 14. Februar von Vertretern des Bergbaukonzerns LEAG. Noch im März soll der Grundlagenvertrag über eine sozial­ verträgliche Umsiedlung unterschrieben werden.

Benötigen Projektmanager

Bautzen/Malschwitz. Der Domowina-Regionalverband „Jan Arnošt Smoler“ Bautzen will sich zukünftig stärker um das sorbische Leben in der Gemeinde Malschwitz kümmern. Deshalb bittet dessen Vorstand das Amt der Domowina um Hilfe hinsichtlich sorbischer Projekte in der Gegend. Mit der Umordnung der Schulen in Malschwitz, Baruth und Guttau eröffnen sich dem Regionalverband wie auch der Domowina viele Potenziale. Deswegen benötige der Regionalverband dort einen Projektmanager.

„Sława“ für Dieter Kempe

Regionalverbandsvorsitzender überraschte Mitglieder des Serbski Sejm

Zeißig (SN/at). Nur gemeinsam können die sorbische Sprache und Kultur in Zukunft bewahrt werden. Dessen sind sich die Mitglieder des Serbski Sejm ebenso bewusst wie der Vorsitzende des Domowina-Regionalverbandes „Handrij Zejler“ Hoyerswerda, Marcel Braumann. Er war eingeladen, auf der Sitzung der neuen sorbischen Vertretung am 9. Februar in Zeißig über die Vorhaben seines Verbandes zu sprechen. Die Worte „Als Sorben werden wir nur erfolgreich sein, wenn wir ein Signal der Kooperation aus­sen­den“ am Ende seines Vortrags waren ein so nicht erwartetes Angebot, die Kräfte zu bündeln. Alterspräsidentin Edith Penk sprach daraufhin von „einem ersten Punkt der Gemeinsamkeit von Domowina und Serb­ski Sejm“.