Namjet nětko předleži
Berlin (dpa/SN). Minimalna mzda w Němskej ma so k 1. januarej 2024 wot 12 na 12,41 eurow a pozdźišo samo na 12,82 eurow zwyšić. Namjet je komisija za minimalne mzdy dźensa w Berlinje předpołožiła. Tola jewja so tež kritiske přispomnjenja. Zastupjerjo dźěłopřijimarjow w komisiji su přećiwo tomu, dokelž maja stopnjowanje za přeniske. Namjetej komisije dyrbi zwjazkowe knježerstwo přihłosować, štož bě hewak formalne postupowanje. Kritiki dla pak móhł so rozsud dlijić.
Na manewru w Litawskej
Vilnius (dpa/SN). Zwjazkowy minister za zakitowanje Boris Pistorius (SPD) je w Litawskej, zo by sej tam zhromadne zwučowanje Zwjazkoweje wobory z litawskim wójskom wobhladał. Pola manewra z mjenom „Griffin Storm“, za kotryž bu 1 000 wojakow tankoweje brigady 41 „Předpomorska“ do Litawskeje přepołoženych, trenuja zakitowanje wuchodneje mjezy NATO. Tež generalny sekretar NATO Jens Stoltenberg a wulkopósłancaj Sewjeroatlantiskeje rady, najwažnišeho rozsudźaceho gremija NATO, manewer wobkedźbuja.
Frakcije nětko sobu zapřijeja
Baerbockw Južnej Africe tež Ruskeje dla
Berlin (dpa/SN). Zwjazkowa wonkowna ministerka Annalena Baerbock (Zeleni) poda so dźensa na planowanu jězbu do Južneje Afriki. Poprawom bě to hižo wčera předwidźane. Situacije w Ruskej dla bu jězba přerjadowana. Dźensa dopołdnja wobdźěleše so Baerbock na zetkanju wonkownych ministrow EU w Luxemburgu. Tam chcychu ministrojo rozjasnić, kotre konsekwency móhł bój mjez šefom priwatneje armeje Jewgenijom Prigožinom a šefom Krjemla Wladimirom Putinom na konflikty a wójny w druhich krajach měć. Tak njebě dotal wot Putina podpěrane Wagnerowe jednotki Prigožina minjene lěta jenož w Ukrainje, ale tež w krajach kaž Mali a Libyskej aktiwna.
„Wólby su signal njespokojnosće“
Sonneberg (dpa/SN). Prawicarskopopulistiska strona AfD je dźesać lět po swojim załoženju prěni raz w Němskej komunalne načolne zastojnstwo zdobyła. Z 52,8 procentami je kandidat AfD Robert Sesselmann wčera wólby krajneho rady w durinskim wokrjesu Sonneberg přećiwo konkurentej z CDU Jürgenej Köpperej dobył, za kotrehož je 47,2 procentaj wólbokmanych hłosowało.
„To bě hakle započatk“, wuzběhny šef AfD Tino Chrupalla na socialnej syći Twitter. Krajny šef durinskeje AfD Björn Höcke pak rěčeše wo „politiskim swětle“, kotrež ze Sonneberga wuchadźa.
Za demokratiske strony Němskeje je wuslědk wólbow politiske zemjerženje. Durinski ministerski prezident Bodo Ramelow (Lěwica) ma wólby za signal njespokojnosće. „Dyrbimy duch němskeje jednoty znowa definować a starosće ludźi na wuchodźe chutnje brać“, zwurazni wón wčera we wusyłanju sćelaka ZDF. Sesselmann bě we wólbnym boju předewšěm politiku amploweje koalicije SPD, Zelenych a FDP kritizował.
Bój wo móc za sebje rozsudźił
Wagnerowe jednotki su swój pochod na Moskwu njejapcy zakónčili
Moskwa/Kijew (dpa/SN). Tak njejapcy, kaž běše so započinał, je zběžk Wagnerowych wójnskich jednotkow pod nawodom Jewgenija Prigožina po něhdźe 24 hodźinach nimo. Z tym je ruski prezident Wladimir Putin swoje dotal najwjetše nutřkowne wužadanje w běhu swojeho 23lětneho knjejstwa přetrał. Po tym zo bě wón hladajo na podawki spočatnje wo „přeradźe“ rěčał, přilubi rěčnik Krjemla Dmitri Peskow njedźelu, „zo njebudźe ruske knježerstwo wojowarjow Wagnerowych jednotkow swojich zasłužbow na fronće dla prawnisce přesćěhować“.
To je wuswědčenje!
To a tamne (26.06.23)
Zranjeneho kołpja su zastojnicy we Łužnicy (Laußnitz) ze zwjazkoweje dróhi wuchowali. Wobydlerka bě zwěrjo wuhladała a policiju informowała. Po tym zo běchu zwěrjo popadnyli, dowjezechu je k skótnemu lěkarjej.
Na bój w klětce staj so gigantaj tech-branše Elon Musk a Mark Zuckerberg dojednałoj. Musk bě Zuckerberga přez tweet na bój přeprosył. Kontrahent zwoli do boja, prašejo so za městnosću. Hač je dorěčenje chutne, abo jeno žort, jasne njeje. Wuměna miliardarow so w socialnych syćach spěšnje roznošowaše. Wužiwarjo wšelakorych platformow šěrjachu tak mjenowane memesy a debatowachu wo tym, kotry z dweju móhł bój dobyć. 39lětny Zuckerberg je znaty za swoje wideja, kotrež pokazuja jeho při trenowanju za bojowy sport. Samo wo móžnych taktikach w interneće rozmyslowachu.
Lěpši přistup fachowcam
Berlin (dpa/SN). Wukrajni fachowcy móhli přichodnje jednorišo do Němskeje zapućować směć. Zwjazkowy sejm chcyše dźensa wotpowědny zakoń schwalić, kotryž předwidźi system dypkow. Te chcedźa mjez druhim za rěčne znajomosće, powołanske nazhonjenja, starobu a poćahi k Němskej spožčić. Nimo toho móža přichodnje tež fachowcy IT bjez wysokošulskeho wotzamknjenja do kraja přińć, hdyž maja wotpowědnu kwalifikaciju.
Wobsadka podnurjaka mortwa
Boston (dpa/SN). Pjećo sobujěducy w podnurjaku „Titan“ su mortwi. Z toho wuchadźa mórska straža USA. Njedaloko podnurjeneje łódźe „Titanic“ namakane dźěle słušeja bjezdwěla k zhubjenemu podnurjakej. Fachowcy su sej wěsći, zo je hoberski ćišć wody daloko pod powjerchom morja mału kapslu roztłóčił. Ludźo w njej běchu nablaku mortwi. Njezbožo je drje so bórze po zahajenju jězby podnurjaka k wrakej „Titanic“ stało.
Politice wjace njedowěrjeja
Dosć zajimawe motiwy fotografam wunjesło je wčerawše njewjedro w ...
Policija po kritice k změnam zwólniwa
Lipsk (dpa/SN). Lipšćanski policajski prezident René Demmler ma masiwne zasadźenje policije na lěwicarsko-radikalnym „Dnju X“ w Lipsku wróćo zhladujo prawnisce w porjadku, widźi pak trěbnosć změnow. Bě wulki problem, zo je policija ličbu wobdźělenych podhódnoćiła, kotrež běchu 3. junija wjele hodźinow w kotole popadnjeni, rjekny Demmler. Tež komunikacija ze wobkruženymi njeje fungowała. Policija je podawki wokoło „Dnja X“ mjeztym jara nadrobnje předźěłała. Demmler je wuslědki přepytowanja na wčerawšim posedźenju nutřkowneho wuběrka Sakskeho krajneho sejma zapósłancam předstajił.
