Čitajće w nowym rozhledźe (24.06.22)
Dnja 2. awgusta před sto lětami narodźi so wuznamny moler Jan Buk. Na njeho spominamy jónu z titulnym wobrazom „Agrarne lětadło“ z lěta 1979. A w ramiku lětneje serije literarnych tekstow k jeho twórbam „Kóždy wobraz je nowy započatk“ jima so Christiana Piniekowa pjera a předstaji Buka jako wučerja za wuměłske kubłanje. Jako tajki běše hač do 1976 skutkował, prjedy hač bu swobodny wuměłc. Hewak steji w aktualnym Rozhledźe literatura w najšěršim zmysle w srjedźišću. Tak je so Marka Maćijowa ze spisowaćelku Měrku Mětowej rozmołwjała, kotraž powěda, kak je k pisanju přišła, zwotkel bjerje swoje temy a kotre plany ma za přichod. Takrjec jako doporučenje k čitanju wozjewimy dwě recensiji, a to jónu fundowanu a wěcywustojnu Dušana Hajduka-Veljkovića k zběrce „Stop a stup. Powědki, miniatury, eseje“ Měrany Cušcyneje. A Borbora Zyndźic je sej roman „Bjez čriji“ Ivony Březinoveje přečitała, kotryž staj Pětr Šołta a Jana Štillerová z čěšćiny přełožiłoj. Nimo toho wozjewimy literarnu skicu „Lejawa“ Ingrid Hustetoweje a basni „Marionety“ Ivana Wernischa a „Přeprošenje“ z pjera Oriah Mountain Dreamer.
Protyka (24.06.22)
Pjatk 24. do 26.6. Łužiski cyrkwinski dźeń pod hesłom „vonWEGEN“ ze Serbskim centrumom w Zhorjelcu
Jěchanski a skakanski turněr w Kulowje
Pjatk 24. a 25.6. Wjesny rock w Němcach
Pjatk 24.6. 18:00 Přednošk Siegharda Kozela wo Korli Awgusće Kocoru we Łazowskim Domje Zejlerja a Smolerja
19:30 Kulturna zahroda SLA: Trio Placebo Flamingo so předstaja
21:00 Janski woheń z čitanjom Róže Domašcyneje na rybarskim dworje w Małym Holešowje
Sobotu 25.6. 10:00 Dźěłarnička „Wolij na płatnje“ z wuměłču Maju Nagelowej w Budyskim Serbskim muzeju
19:30 Kulturna zahroda SLA: Serbski hudźbnik Rokotak so předstaja
Njedźelu 26.6. 17:00 Europeada w Korutanskej, předkoło: Serbja – Cymbrojo z Italskeje
Pokiwy (24.06.22)
Na knižnu premjeru
Chrósćicy. Pod titulom „Zaječk hłupačk a druhe powědki“ předpołoži delnjoserbska awtorka Jill-Francis Ketlicojc njedawno w Ludowym nakładnistwje Domowina swoje zabawne powědki. Z delnjoserbšćiny přełožił je knihu Jan Měškank. Knižna premjera z nim wotměje so wutoru, 28. junija, w 9.25 hodź., w Serbskej zakładnej šuli w Chrósćicach.
Diestel předstaji swoju knihu
Kamjenc. Posledni nutřkowny minister a zastupowacy ministerski prezident NDR Peter-Michael Diestel budźe póndźelu, 27. junija, w Kamjenskim měšćanskim dźiwadle. Hromadźe z kulturnym žurnalistom a sobuawtorom Michaelom Hametnerom předstaji wón swoju knihu „Ruhe gebe ich nicht“. Wudata w nakładnistwje Das Neue Berlin wopřijima wona „rozmołwy wo njedokónčenej jednoće Němskeje“. W swojej knize so Diestel 30 lět po politiskim přewróće praša, hač móže na docpěte hordy być abo hač je sobu winu na so wzał. Započatk zarjadowanja budźe w 19 hodź.
Twarnišćo sej wobhladać
Rozhłós (24.06.22)
njedźelu hornjoserbsce
11:00 Łužica tutón tydźeń z powěsćemi tydźenja a pokiwami
11:20 Aktualne rozprawnistwo z europeady w Korutanskej
11:45 250 lět Wotrowska wosada
12:00 Nabožne wusyłanje
(Měrćin Deleńk)
po tym zbožopřeća
delnjoserbsce
12:30 Aktualny magacin, mjez druhim wo jězbje na europeadu do Korutanskeje
13:00 Tematiske wusyłanje: Nalětnje pućowanje po domiznje
13:40 Nabožne wusyłanje
(Till Wojto)
po tym zbožopřeća
Do kina (22.06.22)
Pokiwy (17.06.22)
Zhromadnje 1 500 lět
Klukš/Minakał. Ewangelskej wosadźe Klukš a Minakał zahajitej jutře, sobotu, swjedźenski tydźeń składnostnje 800. resp. 700. róčnicy załoženja wsow, a to w 14 hodź. z dźěćacym musicalom w Minakałskej cyrkwi. Hač do 26. junija wotměje so tójšto rozdźělnych, darmotnje přistupnych zarjadowanjow. Mjez druhim koncertuja jazzowa band AmBoss, Budyski dujerski kruh a ansambl SingPhonique z Drježdźan. Štwórtk, 23. junija, přednošuje w 19 hodź. dr. Lubina Malinkowa wo „Minakale jako duchowny centrum“ zažneho 19. lětstotka, tohorunja w Minakałskej cyrkwi.
Mjezynarodny hudźbny swjatk
Dźiwadłowa bróžeń w Nowych Jěžercach (Neugersdorf) prezentuje ...
Křižowka (17.06.22)
Wodorunje: 3 přepodaća k hodam, 5 přichodny dźeń, 6 narody, 7 nic zyma, 10 muske předmjeno, 13 dźěl ćěła, 14 dźělčk wody, 15 typ sowjetskich awtow
Padorunje: 1 ličba, 2 zastaće, 3 farar w Ralbicach, 4 lědma, w snadnej ličbje, 8 něhdy přistaw Roma, 9 městno k sedźenju, 11 nic wótry, 12 přitok Dunaja
Protyka (17.06.22)
Pjatk 17. do 19.6. Swjedźenski kónc tydźenja składnostnje 750lětneho wobstaća Slepoho
9. mjezynarodny festiwal dudakow w Slepom
Molerska dźěłarnička „Zynk a barba“ z wuměłču Maju Nagelowej w a we wokolinje Slepoho
Pjatk 17.6. 19:30 Kulturna zahroda SLA: Ukrainski wječor na Budyskej wobydlerskej zahrodźe
Sobotu 18.6. 9:00 Dźeń wotewrjenych duri na studijnej akademiji w Budyšinje
19:30 Kulturna zahroda SLA: 1. serbski spoken word-ewent Serbskeho ludoweho ansambla a Ludoweho nakładnistwa Domowiny „Lit a pop“
Njedźelu 19.6. 9:30 Swjedźenske kemše na Mjezynarodnym dudakowym festiwalu w Slepom
10:30 Klóšterski a swójbny swjedźeń wokrjesa Budyšina w Pančičansko-Kukowskim klóštrje Marijina hwězda
11:00 Wulki swjedźenski ćah z mnohimi serbskimi wobrazami k 750lětnemu wobstaću Slepoho
15:00 Janske jěchanje w Kózłem (Casel)
Wutoru 21.6. Fête de la Musique w Budyšinje a we Wojerecacho
Srjedu 22.6. 15:00 Kofej w třoch w Budyskim Serbskim muzeju: Jurij Łušćanski přednošuje wo molerju Jurju Hajnje
19:30 Kulturna zahroda SLA: Paul Geigerzähler koncertuje
Štwórtk 23. do 26.6. Swjedźeń składnostnje 250lětneho wobstaća wosady we Wotrowje
Rozhłós (17.06.22)
njedźelu hornjoserbsce
11:00 Łužica tutón tydźeń z powěsćemi a pokiwami
11:20 Live-wusyłanje ze Slepoho składnostnje 750. róčnicy załoženja wsy kaž tež 9. mjezynarodneho festiwala dudakow
12:00 Nabožne wusyłanje
(Gabriš Nawka)
po tym zbožopřeća
delnjoserbsce
12:30 Live-wusyłanje ze Slepoho składnostnje 750. róčnicy załoženja wsy kaž tež 9. mjezynarodneho festiwala dudakow
13:40 Nabožne wusyłanje
(Till Wojto)
po tym zbožopřeća
