Cyłkownje 21 młodych žonow chce lětsa k wubědźowanju „Miss Germany“ nastupić. Wo titul wojuja kandidatki ze wšeje Němskeje w starobje 17 do 28 lět, orga­nizatorojo wólnočasneho parka w Rusće pola Freiburga zdźěleja. Finale budźe 18. februara. Wubědźowanje rjanolinkow swjeći lětsa swój 90. jubilej. Lěta 1927 běchu­ je prěni króć přewjedli. Lětuše kandidatki běchu so w 150 cyłoněmskich wurisanjach­ přesadźili, na kotrychž wob­dźěli­ so 5 155 młodych žonow.

Zwada wo hudźbu spěwarki Andreje Berg na narodninskim swjedźenju je w Durinskej wuwjercholiła. Při tym 52lětna žona 50lětnu hosćićelku na party w Rudolstadće daješe a wohrožowaše, policija w Saalfeldźe zdźěli. Pola žonow naměrichu 1,9 a 1,4 promile alkohola. Po informacijach policije njemóžeštej so žonje dojednać, kotry spěw měł so hrać.

Moskwa (dpa/SN). Dalše jednanja k zakónčenju wójny w Syriskej su na kónc februara přestorčene. To zdźěli ruski wonkowny minister Sergej Lawrow po zetkanju ze zastupnikami syriskeje opozicije w Moskwje. Poprawom chcychu wot UNO organizowanu konferencu 8. februara w Šwicarskej zahajić. W tym zwisku­ je Lawrow pobrachowace akti­wity UNO kritizował. Njeje zrozumliwe, zo njeje UNO hižo měsacy žanu konferencu wo Syriskej organizowała. Zetkanje syriskeje opozicije ze syriskim knježerstwom póndźelu a wutoru w kazachskej stolicy Astanje bě Ruska zhromadnje z Turkowskej a Iranom organizowała.

Merkel pojědźe do Turkowskeje

Ankara (dpa/SN). Zwjazkowa kanclerka Angela Merkel (CDU) pojědźe přichodny tydźeń do turkowskeje stolicy Ankary. Tole­ rozprawja turkowska statna powěsćernja Anadolu, powołaca so na informacije tamnišeho wonkowneho minis­terstwa. Wopyt kanclerki w Ankarje je planowany­ 2. februara, dźeń do wjerškoweho zetkanja EU na kupje Malta.

Brónje a municiju namakali