Ćěkancy dale po puću
Klětu snano lěpša konjunktura
Düsseldorf (dpa/SN). Hospodarstwo Němskeje lětsa njerozrosće. Tole je wuslědk konjunkturneje prognozy 2024 Hansa Böckleroweje załožby, kotruž su wčera wozjewili. Prognoza praji, zo nutřkokrajny brutto-produkt njepřiběra – fachowcy liča tuž z „rozrostom nule“. W tym zwisku swój dotalny posudk wo 0,1 procent zniža. Hospodarscy slědźerjo wopodstatnjeja lětušu stagnaciju mjez druhim ze zdźeržliwym naprašowanjom z wukraja a ze zlutniwosću stata nastupajo wudawki. Do toho běchu tež druhe hospodarske instituty „rozrost nule“ wuličili, mjez nimi Institut za makroekonomiju a konjunkturne slědźenje Hansa Böckleroweje załožby IMK. Tak konjunktura w tutym lěće njepřiběra, kónc lěta pak so hospodarske wuhlady trochu polěpša.
Klětu wočakuja fachowcy snadny rozmach. Institut liči 2025 z rozrostom hospodarstwa Němskeje wo 0,7 procentow. To zaleži mjez druhim na wysokich tarifowych wotzamknjenjach. Te wunjesu dźěławym lěpše dochody. Ludźo změja tuž zaso wjace pjenjez za wudawanje. Tež inflacija ludźi wjace tak njestarosći kaž hišće před něšto časom.
Ludźo marmelady posudźowali
To a tamne (25.09.24)
Tři měsacy do silwestra je policija prěnje ilegalne praskotaki na pólskej mjezy sćazała. Zastojnicy běchu pólski transporter zadźerželi. Mužej w starobje 30 a 32 lět běštaj po puću do Magdeburga. Při kontroli awta namakachu policisća kartony ze 2 500 tyzami praskotakow z Chiny. Zamołwići trochuja mnóstwo rozbuchliny na znajmjeńša 90 kilogramow. Sćazanu pyrotechniku nětko zniča.
Rekord wopytowarjow wunjesła je lětuša parada daklow w Regensburgu minjenu njedźelu. Cyłkownje 1 175 daklow ze swojimi wobsedźerjemi po měsće ćehnješe. Dźesaćitysacy ludźi 1,8 kilometrow dołhi přećah hač na naměsto před katedralu přewodźachu. Wočakowali běchu 20 000 wopytowarjow. Přišło pak bě telko ludźi, zo njemóžeše jich nichtó zličić, policija zdźěli. Zarjadowarjo pokazuja wosebje na kulturny wuznam dakla.
Scholz směrnicy njezměni
New York (dpa/SN). Zwjazkowy kancler Olaf Scholz (SPD) je do swojeho zetkanja z ukrainskim prezidentom Wolodymyrom Zelenskym potwjerdźił, zo nochce směrnicy zasadźenja němskich brónjow w Ukrainje změnić. Rozsudy zwjazkoweho knježerstwa w tymle prašenju su njepowalne, rjekny Scholz nowinarjam. K nim słuša jasne wobmjezowanje distancy. Zelenskyj hižo wo to prosy, daloko sahace brónje přećiwo wojerskim objektam w Ruskej zasadźić směć.
Zahaja koaliciske jednanja
Berlin (dpa/SN). Po wólbach krajnych sejmow w Sakskej. Durinskej a Braniborskej so při wutworjenju nowych knježerstwo poněčim něšto hiba. We wšitkich třoch krajach su CDU, SPD a Zwjazk Sahry Wagenknecht wobdźěleni. Nowe knježerstwo wutworić, je we wšitkich třoch krajach chětro wobćežne. W Sakskej a Durinskej běchu 1. septembra wolili, w Braniborskej minjenu njedźelu.
Chcedźa socialnu jězdźenku
Pomocnicy pytaja w rozwalinach z bagrami za zasypanymi wobydlerjemi na ...
Francoska žada sej posedźenje
Regionalne wudźěłki wažne
Zelenskyj chce wójnu klětu skónčić
New York (dpa/SN). Ukrainski prezident Wolodymyr Zelenskyj z toho wuchadźa, zo móže wójna w jeho kraju klětu nimo być. „Rozsudźene postupowanje móže fairny kónc ruskeje agresije přećiwo Ukrainje klětu pospěšić“, pisa Zelenskyj po zetkanju ze strony přesahowacej delegaciju kongresa USA. „Naš plan dobyća k tomu přinošuje, zo Rusku faktisce k měrej nuzujemy.“
Zelenskyj chce swój plan w rozmołwach a snano tež zjawnje předstajić. Wón žada sej wěstotne garantije zapada.
Po informacijach ukrainskeho prezidenta přihotuja tuchwilu mjeztym druhu měrowu konferencu. K tomu wón statnych a knježerstwowych šefow přeprošuje, wšitke prócowanja wo sprawny a měrniwy přichod Ukrainy podpěrować. Moskwa dale wotpokazuje, so na tajkim wjeršku wobdźělić. W juniju běchu prěni měrowy wjeršk bjez Ruskeje a Chiny w Šwicarskej přewjedli.
Zelenskyj chce dźensa na posedźenju Bjezstrašnostneje rady a jutře na hłownej zhromadźiznje UNO rěčeć.
Baum: Žane sebjemordarstwo
Bywši nutřkowny minister warnuje FDP před dočasnymi wólbami
Berlin (dpa/SN). Něhdyši zwjazkowy minister za nutřkowne naležnosće Gerhart Baum (FDP) je swoju stronu doraznje warnował, koaliciju z SPD a Zelenymi po ćežkich wólbnych poražkach liberalnych wopušćić. „FDP njesmě na žadyn pad z koalicije wustupić. To by sebjemordarstwo było“, rjekny Baum nowinarjam. Při nowowólbach njebychu liberalni snano ani wjace w zwjazkowym sejmje zastupjeni byli, 91lětny warnowaše. Wokomiknje njeby tež prawy čas za dočasny wólbny bój wo zwjazkowy sejm był, kotryž wšitke mocy wjaza. „Kraj a swět maja nětko hinaše problemy. Wustup FDP by ćeknjenje před zamołwitosću było.“
