To a tamne (16.08.24)
Něhdyšu britisku premierministerku Liz Truss su na zjawnym wustupje w měsće Beccles zjebali. Dołhož wona w dźiwadle wuchodojendźelskeho města swoju nowu knihu předstaji, jewi so za njej baner, na kotrymž bě hłowa solotwje z nalěpjenymi wočimi widźeć. Napisali běchu pod wobrazom: „I have crushed the economy“ – „Ja sym hospodarstwo skóncowała“. Za akciju tči znata skupina aktiwistow za demokratiju z mjenom Led by Donkeys, kiž je za podobne pady derje znata.
W Bikini Berlin startowachu dźensa němske mišterstwa floristow. Dźewjeć najlěpšich wuměłcow z cyłeho kraja so tam lětsa w rjemjeslniskich kmanosćach a kreatiwiće měrja. Jako moto su sej „měr“ wupytali, tež hladajo na aktualnu politisku situaciju na swěće. Twórby kwětkow maja tak politiske znamjo być.
Plan za zjednoćenje předstajili
Seoul (dpa/SN). Wjednistwo Južneje Koreje je strategiju za zjednoćenje ze Sewjernej Koreju prezentowało a mjez druhim zhromadny gremij poradźowarjow wobeju krajow namjetowało. „Jenož hdyž nastawa na Korejskej połkupje jedyn swobodny demokratiski lud, móžemy sej skónčnje dospołne wuswobodźenje zdobyć“, praji prezident Južneje Koreje składostnje nacionalneho dnja wuswobodźenja Koreje.
Prezidentka wotstupi
New York (dpa/SN). Prezidentka renoměrowaneje New Yorkskeje Columbia University Nemat Shafik je po trajacej kritice jeje wobchadźenja z propalestinskimi protestami dla wotstupiła. Za čas jeje někak lěto trajaceho zastojnstwa je so mnoho dobreho na uniwersiće docpěło, ale bě to tež „čas rozkorow“, rozkładowaše Shafik. W běhu lěća bě so wona tohodla za wotstup rozsudźiła, tež dokelž bu čisć na jeje swójbu dale a wjetši.
Nic do Venezuely wotsuwać
Hłód trapi ludźi w Gazaskim pasmje, hdźež konflikt z Israelom ...
Znowa protest
Zakaz njepłaći
Nowy kancler snano populist
Burja pytaja za alternatiwami
Wulkeho zadołženja zawoda BayWa dla starosćeja so burja wo swoje žně
Mnichow (dpa/SN). Kriza zadołženja najwjetšeho agrarneho wikowarja BayWa ma lětsa w lěću wočiwidne wuskutki: Mnozy burja wosebje na juhu Němskeje pytaja sej druhich woteběraćelow za swoje žně. Mnozy burja woprašeja so priwatnych wikowarjow agrarnych tworow, hač móhli jim swoje twory předać abo je tam składować. Podobne rozprawjeja tež ratarske drustwa.
„Problemy BayWy maja wuskutki na cyły branšu“, praji Michael Osterholzer, jednaćel ratarskeho wikowanišća ze samsnym mjenom w delnjobayerskej gmejnje Massing. „Prěni raz smy na jednym z našich stejnišćow žito wotpokazali, dokelž žane městno wjace nimamy. To pak njezaleži jeničce na BayWa“, wón dale rozprawja. Mnozy burja maja mjenujcy hišće žito lońšich žnjow składowane.
Namóc hórje hač słowa
To a tamne (15.08.24)
Tři žony přisadźichu při pospyće zatykany nuznik wurjedźić, w thailandskej prowincy Chon Buri swoje žiwjenja. 60lětna a jeje 34 a 25lětnej dźowce běchu k tomu syrikowu kisalinu a natronowu lawgu wužiwali – smjertna to měšeńca, kaž policija zdźěli. W 1,20 metrow šěrokim a 2,50 metrow dołhim rumje z jeno małym woknješkom wužiwachu žony zakazany produkt ze syrikowej kisalinu. Wopory hakle něšto časa pozdźišo namakachu. Policija ludnosć nětko před wužiwanjom tajkich srědkow warnuje.
Prěni dźěl noweje stafle znateje serije „Emily in Paris“ je wot dźensnišeho na platformje Netflix wozjewjeny. Znowa je sej team zajimawe lubosćinske stawiznički před rjanymi kulisami a w njemało drohich kostimach wumyslił. Kak so stawizna w mjeztym štwórtej stafli wuwije, je překwapjenka.
Krajny rada je přesłapjeny
Zhorjelc (SN). Krajny rada Zhorjelskeho wokrjesa dr. Stephan Meyer (CDU) bě přesłapjeny, zo je zwjazkowa ministerka za nutřkowne naležnosće Nancy Faeser (SPD) wčera kónčinu wopytała. Hižo loni w awgusće bě wón w zjawnym lisće ministerku namołwjał, wobmjezowane kontrole na hranicy přikazać Z tym hodźało so ilegalnemu zapućowanju a kriminaliće při mjezy do Pólskeje zadźěwać. Nancy Faeser je přeprosył, so wo połoženje na městnje wobhonić.
Wospjet je Meyer ministerku přeprosył, nihdy njeje tomu sćěhowała. Bjez připowědźenja bě wčera naraz w Zhorjelskim wokrjesu po puću. „Sym přesłapjeny, zo njejsmy jako potrjechene lokalne zarjadnistwo žane informacije dóstali. Tuž so wězo prašam hač bě jeje wopyt wólbny bój abo hač měješe woprawdźe zajim za situaciju“, dr. Stephan Meyer zwurazni.
Předewšěm je jemu konstruktiwny dialog wažny. Nuznje je trěbne, zhromadnje wužadanja w hraničnym regionje zmištrować a situaciju rozrisać. „Naš zaměr wostanje wěstota našich wobydlerjow. Za to je komunikacija a zhromadne dźěło na wšitkich runinach trěbne.“
