Najmłódši lodohokejisća najstaršich přewinyli
Bietigheim Steelers – Łužiske liški Běła Woda 3:5 (1:2, 2:1, 0:2)
Pjata hra sezony běše za Łužiske lodohokejowe liški (přerězna staroba 23 lět) duel z najstaršim teamom ligi (přerězk: 27 lět). Za cyłk ze Sakskeje běše to zdobom prěnje wonkowne dobyće. Po hižo dwanaće sekundach prěni raz we wrotach Bietigheima klinkaše. Z mjerwjeńcy stłóči Fabian Dietz čorny puk přez liniju – lěpši start njemóžachu sej Běłowodźenjo předstajić. Po tym zo hraješe hosćićel prěni raz w powerplayju, wón tež hnydom wuruna (13.), a to zasłužbnje, dokelž žane mustwo wulce njedominowaše. Hnydom po tym skićeše so domjacym dalša wulka składnosć, kotruž pak wrotar „Mac“ Carruth wulkotnje znješkódni. Jako na to Łužiske liški do powerplayja dźěchu, woni pokazachu, zo jón tohorunja wobknježa. Kale Kerbashian trjechi k 1:2 do prěnjeje přestawki.
Tabulka (03.12.20)
Aktualna lodohokejowa tabulka DEL2
1. Ravensburg Towerstars 8 16 30:18
2. EC Kassel Huskies 8 16 25:19
3. EC Bad Nauheim 6 13 25:17
4. EHC Freiburg 7 13 27:22
5. Bietigheim Steelers 7 12 30:22
6. Frankfurtske lawy 8 12 24:26
7. EV Landshut 5 11 22:18
8. Tölzske lawy 5 9 23:17
9. Łužiske liški 6 8 18:25
10. Lodowe piraty Crimmit. 7 6 20:24
11. Drježdź. lodowe lawy 9 6 18:35
12. Heilbronnske sokoły 6 5 17:30
13. ESV Kaufbeuren 3 4 15:14
14. Bayreuth Tigers 5 4 10:17
Přichodne partije w DEL2
04.12. 19:30 Frankfurtske lawy –
Tölzske lawy
04.12. 19:30 EHC Freiburg –
EC Bad Naunheim
04.12. 19:30 EC Kassel Huskies –
Bietigheim Steelers
04.12. 19:30 Łužiske liški – Lodowe
piraty Crimmitschau
04.12. 20:00 Heilbronnske sokoły –
Drježdźanske lod. lawy
04.12. 20:00 Ravensburg Towerstars –
ESV Kaufbeuren
04.12. 20:00 Bayreuth Tigers –
EV Landshut
Sport (02.12.20)
Wuslědki koparskeho dorosta
Mjez lockdownomaj su dorostowe mustwa na teritoriju Zapadołužiskeho koparskeho zwjazka (WFV) kaž tež Sakskeho koparskeho zwjazka hrali. WFV wozjewja tule aktualne tabulki dorosta.
młodźina F, wokrjesna liga, stafla 2
Wjelećin – Budissa Budyšin II 0:1 (0:1)
Kumwałd – Wjernarjecy II 1:0 (0:0)
Steinigtwolmsdorf – Huska 0:1 (0:1)
Wjernarjecy – Horni kraj II 1:0 (1:0)
Wjazońca – Horni kraj 0:1 (0:1)
1. ST Huska 6 6 :0 18
1. ST Horni kraj-Sprjewja 6 6 :0 18
3. TSV 1859 Wjernarjecy 6 4 :2 12
4. Budissa Budyšin II 6 3 :2 10
4. Motor Kumwałd 6 3 :2 10
6. SG Steinigtwolmsdorf 6 3 :3 9
7. ST Wjelećin 6 1 :4 4
7. ST Horni kraj-Sprjewja II 6 1 :4 4
9. TSV 90 Wjazońca 6 1 :5 3
10. TSV 1859 Wjernarjecy II 6 0 :6 0
młodźina F, wokrjesna liga, stafla 3
Połčnica – Ramnow0:1 (0:1)
Biskopicy II – Bischheim-Häslich 1:0 (1:0)
Großharthau – Biskopicy 0:1 (0:1)
Bretnig-Hauswalde – Porchow 1:0 (1:0)
1. FSV Bretnig-Hauswalde 5 5 :0 15
2. HZ SG Frankenthal 5 5 :1 13
3. Biskopičanske KT 08 5 4 :1 12
4. ST Porchow 5 3 :3 7
5. Biskopičanske KT 08 II 5 2 :3 6
5. TSV Połčnica 1920 5 2 :3 6
7. HZ Drohotka Ramnow 6 2 :4 6
8. Postup Großharthau 5 1 :4 3
9. SV Bischheim-Häslich 5 0 :5 0
młodźina F, wokrjesna liga, stafla 4
Halštrow – Biehla/Cunnersdorf 0:1 (0:1)
Chrósćicy – Njebjelčicy 1:0 (1:0)
Kamjenc – Hlinowc 1:0 (1:0)
Kinspork/Łužnica II – Ralbicy 0:1 (0:1)
Ralbicy II – Kinspork/Łužnica 0:1 (0:1)
Lodohokejisća z Landshuta wjac mocow měli
EV Landshut – Łužiske liški Běła Woda 4:2 (1:0, 2:1, 1:1)
Dwaj dnjej po grandioznym dobyću nad Kasselom podachu so Łužiske lodohokejowe liški do bayerskeho Landshuta. Nimo zranjeneje trójki Ondřej Poživil, Jakub Kania a Bennet Roßmy wosta tež Nick Walters doma. Domjacy pak dyrbjachu so tohorunja kopicy hrajerjow wzdać, tak zo wobaj trenarjej w swojimaj defensiwomaj kaž tež ofensiwomaj rjady trochu přestajištaj. Kaž wočakowane wukonjachu domjacy wot wšeho spočatka sylny ćišć. W 7. min. docpěchu nawjedowanje, kotrež hač do prěnjeje sireny dźeržachu. Po dźesać mjeńšinach so hosćo trochu strašnišo w ofensiwje pokazachu. Tola pospyt Tomaša Andresa a dwě dobrej składnosći narodneho hrajerja Wulkeje Britaniskeje Roberta Farmera puć do wrotow njenamakachu. Tež domjacy mějachu hišće tón abo tamnu dobru šansu. Najlěpšu za wurunanje wosta pak w 17. min. znowa Robert Farmer ležo, jako w dwubojowej situaciji na domjacym goaliju zwrěšći.
Chróšćanka z najwjace rekordami na čole lisćiny
Lochkoatletiske rekordy minjenych 47 lět na SRWŠ Budyšin a SGB
| sportowa disciplina | holcy | hólcy |
| 50 m běh | Marie-Luise Matješkec 7,0 sek(2016) Tereza Pöpelec 7,0 sek(2017) | Richard Hawš 6,2 sek(2013) Feliks Cyž 6,2 sek(2017) Paul Säuberlich 6,2 sek (2020) |
| 75 m běh | Tereza Pöpelec 9,8 sek (2017) | Johannes Wjacławk 8,9 sek (2017) |
| 100 m běh | Tereza Pöpelec 12,7 sek (2015) | Sebastian Reiche 11,3 sek (1992) |
| dalokoskok | Marie-Monique Tempel 4,94 m(2012) | Tomaš Faska 6,36 m (1978) |
| wysokoskok | Marie-Monique Tempel 1,54 m(2011) | Tomaš Šołta 1,90 m (1996) |
| kulostork | Elena Cuškec 11,10 m (1999) | Hubert Mička 6,25 kg 13,61 m (1976) Fridtjof Schade 5,0 kg 13,15 m (2019) |
| 1 000 m běh | Wórša Čornakec 3:23,0 min (2000) | Tomaš Kietsch 2:45,0 min (1986) |
| lochkoatletiski třibój | Tereza Pöpelec 445 dypkow (2015) | Tomaš Faska 317 dypkow (1978) Fridtjof Schade 317 dypkow (2019) |
Hdyž startuje na spočatku šulskeho lěta lochkoatletiska sezona na Serbskim gymnaziju Budyšin (SGB) so šulerjo husto za rekordami w jednotliwych sportowych družinach prašeja.
Faworita z Kassela z wulkim bojom porazyli
Łužiske liški Běła Woda
– Kassel Huskies 4:3 (1:1, 3:0, 0:2)
Z jednoho hrajnišća nastawatej dwě
Bičwolejbulnišćo we Worklecach je mjez druhim w serbskej młodźinje chětro znate městno. Hakle zašłe lěto je młodźinske wusyłanje Radijo Satkula na swojej kóždolětnej bičwolejbulowej turje we Worklecach pozastało.
Hrajnišćo bu w lěće 2006 natwarjene. Lětsa srjedź oktobra započachu z wutwarom wobstejaceho bičwolejbulnišća na dwupólne hrajnišćo. Wotzamknjenje projekta je za kónc meje přichodneho lěta planowane. Naprawu z pomocu dawkowych srědkow na zakładźe wobzamknjenja etata Sakskeho krajneho sejma sobu financuja.
Widźał, słyšał, napisał (30.11.20)
Youssoufa Moukoko, tute mjeno sće w minjenych tydźenjach zawěsće słyšeli abo čitali. W hrě přećiwo Hertha BSC Berlinej bu kopar Borussije Dortmund (BVB) jenož dźeń po swojich 16. narodninach do partije zaměnjeny. Z tym je wón w stawiznach zwjazkoweje koparskeje ligi najmłódši zasadźeny akter scyła. Diskusije běchu wulke, hač njeje za njeho hišće přezahe pola profijow sobu hrać. Tam wšak knježi wosebje wulki ćišć z medialneje kaž tež fanoweje strony. Moje měnjenje: Fyzisce kaž tež psychisce so młode talenty hižo wot zažneje staroby w koparskich internatach na čas jako profijowy kopar přihotuja a dóstanu při tym wulku podpěru wot najlěpšich nazwučowarjow a samo tež sportowych psychologow. Sym jara wćipny na karjeru młodostneho.
Sport (27.11.20)
Trening w lockdownje light
Spěchowanski program za talenty Němskeho koparskeho zwjazka DFB poskići póndźelu, 30. nowembra, dalšu treningowu jednotku online, a to za zajimowane hrajerki a zajimowanych hrajerjow a trenarkow a trenarjow. Zašłu póndźelu bě Marc-Patrick Meister, šeftrenar narodneho mustwa DFB U 16, na rjedźe; přichodnu póndźelu budźe to potom zaso Nate Weiss, indiwidualny trenar 1. FC Nürnberga. Link namakaće pod sfv-online.de. Započatk budźe w 17.30 hodź.
Lětsa hižo žane koparske hry
Sakski koparski zwjazk njebudźe lětsa hižo žane winowatostne koparske hry planować. Tutón rozsud płaći za wšitke starobne klasy na krajnej runinje.
Zwjazkowa liga w telewiziji
Wolejbulistki Drježdźanskeho SC hraja jutře w prěnjej zwjazkowej lize doma přećiwo hosćom z Erfurta. Hry pokazaja pak w telewiziji na sćelaku SPORT1 abo w livestreamje na www.sporttotal.tv. Za tydźeń pojědu Drježdźanjanki potom do Wiesbadena.
28.11. 17:30 Drježdźanski SC –
Erfurt
05.12. 19:00 Wiesbaden –
Drježdźanski SC
12.12. 15:30 Drježdźanski SC –
Schwerin
19.12. 19:00 Vilsbiburg–
Drježdźanski SC
Derby ma zaso stary termin
Jubilar Sokołow do noweho lětstotka wjedł
Hišće dźensa rěča w Delanach wo spěchowanskim myće za sportowe towarstwa we Wuchodosakskej, kotrež je Sokoł Ralbicy/Hórki w januarje 2007 dobył. Wulke mjena kaž Dynamo Drježdźany dyrbjachu so tehdy małym Sokołkam a Sokołam z Delan kłonić. Hišće dźensa je w Ralbicach rěč wo wosebitym tež přez wubědźowanje dobytym treningowym lěhwje w Ganzgrünje, na kotrymž smědźachu so 16 dorostowych hrajerjow a dwaj trenarjej w lěće 2006 wobdźělić. Filozofija serbskich sportowcow z gmejny Ralbicy-Róžant bě jury tehdy hnydom dwójce přeswědčiła. „Swójske talenty spěchować a doma w Delanach w prěnim a druhim mustwje hrać dać, to bě naš rozsudny trumf, kotryž smy tehdy wuhrali“, dopomni so bywši předsyda Sokoła Ralbicy/Hórki Pětr Hrjehor. Wón swjeći dźensa swoje 70. narodniny, na kotrež bychu zawěsće težo tójšto Sokołkow a Sokołow a dalšich sportowych přećelow přišli, tak zo njebychu městna doma w mjeztym dwuswójbnym domje w dobrej stwě dosahali.
