Unija za perspektiwu přistupa k EU
Berlin (dpa/SN). Frakcija unije w zwjazkowym sejmje žada sej hnydomnu perspektiwu přistupa Ukrainy, Moldawskeje a Georgiskeje k Europskej uniji. Zwjazkowe knježerstwo měło so za to zasadźić, zo tutym krajam hižo na posedźenju Europskeje rady 23. a 24. junija status přistupnych kandidatow přizwola. „Je w našim zajimje, Ukrainje, Moldawskej a Georgiskej puć do Europskeje unije runać“, rjekny Gunther Krichbaum, europapolitiski rěčnik frakcije powěsćerni dpa.
Unija chce zwjazkowe knježerstwo tež namołwić, we wobłuku přistupneho procesa potrjechenym krajam nowe formy wobdźělenja na programach abo w gremijach wonkowneje, wěstotneje abo zakitowanskeje politiki Europskeje unije wotewrěć. To płaći tež za wobłuki slědźenje, energija, wobchad abo škit klimy. Za to pak měli kandidaća konsekwentnje wšitke kriterije demokratije, čłowjeskich prawow a prawnostatnosće spjelnić a z wotmachom přećiwo korupciji wojować. Nimo toho měli wobzamknjenja EU nastupajo zhromadnu wonkownu a wěstotnu politiku zwoprawdźić.
Habeck za razniše kartelowe prawo
To a tamne (13.06.22)
Płuwanski marathon na 1 200 kilometrow w Rynje je zahajeny. Joseph Heß z Kamjenicy je sobotu rano do jězora njedaloko šwicarskeho Tujetscha zalězł, kiž maja za žórło rěki. 34lětny chce čaru hač do Rotterdama za 25 dnjow zmištrować a wšědnje hač do dźesać hodźin płuwać. Wjacori kanuća jeho přewodźeja a akciju za dokumentarny film nahrawaja.
Italscy a grjekscy cłownicy su štyrjoch Britow w grjekskim přistawnym měsće Thessaloniki z cyłkownje 300 kilogramami kokaina w hódnoće dźesać milionow eurow lepili a zajeli. Wopojny jěd bě w 260 paketach schowany. Po prěnich dopóznaćach přisłušeja zajeći w starobje 38 do 52 lět kriminelnej organizaciji na Balkanje. Při přepytowanju luksusoweho domu namakachu policisća dalše drogi, pistolu, municiju, wjele pjenjez a wjacore mobilne telefony.
Hdyž tón mały wot SSW z wicekanclerom dansce rěči
Serbske Nowiny su zapósłanca mjeńšiny Stefana Seidlera w Berlinje zetkali
Skok z Reichstaga zdaleny, sydła Němskeho zwjazkoweho sejma, ma Stefan Seidler, zapósłanc Južnoschleswigskeho wolerskeho zwjazka SSW swój běrow w Berlinje. Wón je eksot mjez 736 ludowymi zastupjerkami a zastupjerjemi najwyšeho parlamenta našeho kraja. Jemu po boku staj w stolicy nawodnica běrowa a wědomostny sobudźěłaćer. Za rozmołwu z Axelom Arltom je sej muž z Flensburga hodźinu chwile wzał, byrnjež terminowa protyka połna była.
Knježe Seidlero, kak su Was w parlamenće Němskeje jako tak mjenowaneho „zapósłanca mjeńšiny“ přiwzali?
Jara derje. Frakcije demokratiskich stron su mje přewšo wotewrjenje přijimali. Tež zarjadnistwo zwjazkoweho sejma je mi napřećo přišło. Chcu je chwalić. Byrnjež wšitke zapósłanče a wšitkich zapósłancow jenak wobjednali, sym drje pytnył, zo su so tróšku prócowali. To kóždy dźeń nimaja, zo budźe kandidat-jednotliwc do zwjazkoweho sejma wuzwoleny.
Sće zapósłanc bjez frakcije. Su někotrežkuli frakcije spytali Was nawabić?
Pomocny program schwaleny
Berlin (dpa/SN). Zwjazkowa rada je dźensa změnu zakładneho zakonja wobzamknyła, zo móhli sto miliardow eurow drohi program k ponowjenju zwjazkoweje wobory zwoprawdźić. Zastupjerjo zwjazkowych krajow hłosowachu z wjetšinu dweju třećinow za změnu. Z pjenjezami chcedźa přichodne lěta nowe lětadła, helikoptery, łódźe, tanki a municiju wobstarać. Nimo toho je Zwjazkowa rada wobzamknyła, wot 1. oktobra minimalnu mzdu na dwanaće eurow zwyšić.
Wojowarjo k smjerći zasudźeni
Donjeck (dpa/SN). Najwyše sudnistwo separatistiskeje Ludoweje republiki Donjeck je třoch wukrajnych wojowarjow z rjadow ukrainskeje armeje k smjerći zasudźiło. Jedna so wo dweju Britow a Marokkočana. Zasudźeni maja měsac chwile, rewiziju zapodać. Nimo toho maja składnosć, wo hnadu prosyć. Potom móhli smjertny wusud na jastwo na čas žiwjenja abo na 25lět chłostanskeho lěhwa přeměnić. Britiska wonkowna ministerka Liz Truss mjenowaše wusud „inscenaciju bjez kóždeje legitimacije“.
Lauterbach: Ukrainje pomhać
Dźěłaćerjo Hamburgskeho přistawa po puću na stawkowu ...
Lindner za změny motorow dla
Berlin (dpa/SN). Zwjazkowe knježerstwo dyrbjało po měnjenju financneho ministra Christiana Lindnera (FDP) nastupajo wot EU planowany zakaz bencinowych a dieselowych awtow změny přesadźić. Wobzamknjenje Europskeho parlamenta rani dojednanja koaliciskeho zrěčenja SPD, Zelenych a FDP, rjekny Lindner powěsćerni dpa. „Chcemy wuraznje opciju do přichoda za židke ćěriwa, kotrež klimu škitaja.“ Tohodla dyrbjało so zwjazkowe knježerstwo wo „změny za technologisku wotewrjenosć prócować“. Hewak njemóhł sej wón předstajić, zo Němska planam EU přihłosuje.
Parlament EU bě předwčerawšim, srjedu, za to hłosował, w boju wo škit klimy předań nowych awtow z bencinowym abo dieselowym motorom wot lěta 2035 zakazać. Čłonske staty maja so hač do kónca měsaca k tomu wuprajić.
Ukraina čaka na brónje z Němskeje
Berlin (dpa/SN). Ukraina čaka dale na informaciju z Němskeje, hdy chcyła wona njedawno wot zwjazkoweho knježerstwa přilubjene brónje za bój přećiwo ruskej inwaziji přepodać. Dotal w Ukrainje njewědźa, hdy změja rakety mjetacy system ze składow Zwjazkoweje wobory, rjekny ukrainski wulkopósłanc w Němskej Andrij Melnyk nowinarjam. „Wočakujemy, zo amplowe knježerstwo swoje přilubjenje spěšnje spjelni, dokelž naši wojacy brónjowy system nuznje trjebaja, zo móhli ukrainsku ciwilnu ludnosć před barbariskimi nadpadami Ruskeje škitać.“ Je trjeba, „hobersku wojersku přewahu“ Ruskeje přewinyć.
Nimo toho jedyn lětadła wotwobaracy system Iris-T njedosaha, wón rjekny. Ukraina trjeba srjedźodobnje znajmjeńša dźesać tajkich systemow z wotpowědnej municiju, zo by so lěpje zakitować móhła. „Tole móhło wotběh wójny zasadnje změnić. By tež precedencny pad był, by-li Němska prěni króć moderne ćežke brónje słała, a nic kaž dotal jenož stare.
Trump zamołwity
To a tamne (10.06.22)
Francoscy cłownicy su dweju Němcow při zapućowanju do Španiskeje zadźerželi a při kontroli w transporteru štyri aligatory namakali. Přiwołany fachowc za škit zwěrjatow zwěsći, zo jedna so wo družinu aligatorow, za kotruž płaća krute postajenja při mjezach. Dokelž Němcaj žanežkuli dokumenty za zwěrjata njeměještaj, jeju zajachu. Krokodile dowjezechu do zwěrjenca. Zwotkal mužej zwěrjata měještaj a dokal chcyštaj njebu znate.
Borisa Johnsona jako croissant móža sej wobydlerjo Kijewa słodźeć dać. W kofejowni Zavartailo mějachu ideju, so britiskemu premierministrej za wojersku pomoc Wulkeje Britaniskeje k zakitowanju Ukrainy přećiwo Ruskej inwaziji dźakować. Z baiserom a kulku lodu garněrowany croissant „Boris Johnsonjuk“ ma swojoraznu frizuru britiskeho politikarja napodobnić a so derje předawa.
