Kašće jako kamory předawa šefowka Mnichowskeho pochowanskeho instituta Lydia Gastroph. Dokelž nochcyše so jeje sotra w „tajkim grawoćiwym kašću“ pochować dać, wuhotuje Gastroph zhromadnje z wuměłcami a wuměłčemi moderne kašće, kotrež móža zajimcy jako kamory, křinje abo wazy wužiwać. Kelko tajki wosebity kamor płaći, pak z rozprawy njewuchadźa, za to pak, zo bu sotra Lydije Gastroh w kamorje pochowana.

Ličba njezbožow na jeničkim silwestrje za čas koronapandemije bě wo 40 procentow niša hač hewak. To wujewja wobličenja chorobnych kasow. Tak registrowaše Barmer loni mjez 29. decembrom a 2. januarom po cyłej Němskej něhdźe 3 800 njezbožow, kotrež dyrbjachu w chorownjach lěkarsce zastarać. Lěto do toho bě jich hišće 6 200. Najčasćišo zwěsćichu njezboža alkohola dla.

Diskusija wo zastupnistwje serbskeho ludu hižo lětdźesatki traje a budźe zawěsće tež přichodne lěta dale aktualna

Korporacija zjawneho prawa by najkmańša juristiska struktura – fachowcy rěča tež wo „wosobje“ – była, kotraž Serbam kulturnu awto­nomiju zaruča. Wot lěta 1990 je prawidłownje rěč wo wutworjenju tajkeje korporacije, dotal bjez konkretnych wuslědkow.

Wulka lěpšina mjenowaneho modela je, zo zmóžnja statne zrěčenje mjez „serbskim ludom, Zwjazkowej republiku Němskej kaž tež zwjazkowymaj krajomaj Braniborskej a Sakskej“, kaž Serbski sejm wotpowědny naćisk mjenuje. Na zakładźe wobstejacych dojednanjow z wulkimaj cyrkwjomaj bě jón wuběrk „Wustawa a prawo“ zdźěłał. Wuraznje wobhladuja jón jako tezowu papjeru a wuchadźišćo za wobšěrnu debatu. Prěni krok tohole diskursa bě seminar „Serbske samo­postajowanje w Sakskej“, kotryž bu kónc nowembra online wuhotowany.

Nazhonity a renoměrowany fachowc z hosćom

Šwikawa/Drježdźany (dpa/SN). Awto­twarc Volkswagen (VW) chce klětu dalše nabiwanske stacije za elektroawta w Sakskej natwarić. Tak chce koncern na přikład parkowanišćo za wopytowarjow Drježdźanskeje Škleńčaneje manufaktury na 40 městnow rozšěrić. To budźe najwjetši zjawny nabiwanski park Sakskeje, VW dźensa zdźěli. Hižo lětsa je koncern poskitki elektroawta nabiwać wot 50 na 400 městnosćow po cyłej Sakskej rozšěrił.

Wobstajne inwesticije trěbne

Drježdźany (dpa/SN). Sakski hospodarski minister Martin Dulig (SPD) widźi dobre šansy, zo hospodarstwo pandemiju přewinje a so zesylni. „Němska ma sylne a robustne hospodarstwo. To płaći tež za Saksku“, wón dźensa powěsćerni dpa zdźěli. Někotre branše kaž gastronomija a drobnowikowanje pak ćerpja. To płaći dodawanskich ćežow dla indirektnje tež za industriju. Tohodla su transformaciske procesy wažne a je tuž trěbne, wobstajnje do hospodarstwa inwestować a nic jelizo su wotpowědne pjenjezy k dispoziciji.

Přesłapjacy rozsud sudnistwa

W španiskim měsće Ibi pěstowachu wčera zaso 200lětnu tradiciju. Tak mjenowani „mukowi mužojo“ spytachu město kontrolować. Na tych, kotřiž so tomu wobarachu a so jim do puća stajachu, muku mjetachu. Zo by muka tež lěpiła wužiwachu jeja. ­Tysacy muži so kóžde lěto na festiwalu wobdźěleja, při čimž přetrjebaja wjacore tony muki a dźesaći tysacow jejkow. Štóž ­nochce ­na sebje muku mjetać dać, smě tež pjenjezy za dobry skutk darić. Foto: pa/Alberto Saíz