Serb wuspěšny w Braniborskej
Gravelmania – etapowe kolesowarske wubědźowanje w přirodźe w Kostebrawje (Kosterbrau, Łuchow (Lauchhammer), Braniborska) je jedne z najznaćišich gravel-zarjadowanjow Němskeje a dźěl German Gravel League. Třidnjowske zarjadowanje w juliju skići wšelake distancy (50 km abo 100 km) kaž tež ryzy njedźelske wubědźowanje za dnjowych startowarjow.
Na njedźelnišim wubědźowanju za startowarjow bjez licency wobdźělichu so w najwyšej wjesce Braniborskeje tež 4 čłonow Kulowskeho velo-cluba. Najspěšniši kwarteta na 40 km dołhej čarje bě rodźeny Radworčan Phillip Paška. Wón zmištrowa 4 koła – jedne koło je 10 km dołhe – a to w času 1:19:54. Štwórte městno docpě Kulowčan Robert Schulze ze zastatkom 5:46 mjeńšinow. Sedmy bu Tomaš Schley z Hórnikec a 12. městno wobsadźi Manuel Schober z Bórkhamora. Cyłkownje je 24 wobdźělnikow startowało – to je za KLW velo-club wuspěšny mustwowy wukon. Maik Brězan
Zakónčace tabulki koparskeho dorosta sezony 25/26 (21.07.26)
W přichodnych tydźenjach wozjewimy zakónčace tabulki koparskeho dorosta. Najkrótši přehlad twori młodźina A. W starobnej klasy 17-18 hraje na wokrjesnej runinje jenož hišće mało mustwow, štož wuskutkuje so tež na cyłki muži. Napadnje, zo SJC a Sokoł w minjenej hrajnej dobje młodźinu A njeměještaj. Ze stafle 3 je wuwidźeć, zo je HZ Njebjelčicy/Pančicy dosć dobre prěnje koło hrało, ale w mišterskim kole bjez dypka wostało.
Zapadołužiski koparski zwjazk /
młodźina A
Młodźina A, stafla 1
1. Póst Germania Budyšin 8 23:12 16
2. TSV 1859 Wjernarjecy 8 22:15 15
3. HZ Traktor Malešecy 8 23:20 12
4. ST Hnašecy-Dobruša 8 15:29 8
5. HZ Horni kraj Sprjewja 8 13:20 7
Młodźina A, stafla 2
1. ST Kinspork/Łužnica 1 56:26 21 2. HZ Großnaundorf 10 41:30 18
3. HZ TSV Połčnica 10 35:34 15
4. HZ Drohotka Ramnow 10 29:38 15
5. Arnsdorfske KT 10 23:33 9
6. KT Ottendorf-Okrilla 10 26:49 6
Młodźina A, stafla 3
1. HZ Módro-běli Kulow 8 27: 5 24
2. HZ Njebjelčicy/Pančicy 8 35:13 14
3. ST Porchow 8 22:17 12
4. ST 1922 Radwor 8 20:21 7
5. HZ Mały Wjelkow 8 5:53 0
Młodźina A, mišterske koło
1. ST Kinspork/Łužnica 11 40:11 28
2. TSV 1859 Wjernarjecy 11 41:21 23
3. HZ TSV Połčnica 11 30:14 22
4. HZ Drohotka Ramnow 11 34:24 21
5. HZ Módro-běli Kulow 11 30:17 19
6. Póst Germania Budyšin 11 20:19 17
7. HZ Großnaundorf 11 41:27 16
8. HZ Traktor Malešecy 11 30:31 14
9. ST Porchow 11 20:21 14
10. ST Hnašecy-Dobruša 11 23:40 7
11. ST 1922 Radwor 11 15:51 4
Bičtura Radija Satkula w Radworju
W Radworju je so wčera druha połserija lětušeje bičwolejbuloweje tury Radija Satkula zahajiła. Cyłk wokoło Jana Šołty a Mata Dźisławka doby šesty wot dźesać turněrow. Dešća dla dyrbjachu wubědźowanje z 19 mustwami někotre mjeńšiny přetorhnyć. Sedma stacija tury budźe přichodnu póndźelu w Chrósćicach.
Foto: Konstantin Hrjehor
Comeback Captains Cupa
Worklecy. To bě kónc tydźenja w znamjenju bičwolejbula. Wyšoklasowe wubědźowanje muži sobotu a pisany měšany turněr njedźelu přiwabištej tójšto teamow do Worklec na turněr Captains cup.
Po wjacelětnej, wunuzowanej přestawce dožiwištej Worklečanskej bičwolejbulnišći předposledni kónc tydźenja sportowy highlight ekstraklasy. Na modernymaj hrajnišćomaj přewjedźechu prěni raz po koronapandemiji zaso tradicionalny „Captains cup“. Organizowany wot angažowaneje młódšeje generacije sportoweho towarstwa Viktoria Worklecy wuhotowachu dwudnjowski event ambicioněrowaneho wukonoweho sporta a zdobom wulkotnej swjedźenjej za cyły wolejbulowy region.
Widźał,słyšał, napisał (20.07.26)
Awtor dźensa
Jan Bogusz
Sport (17.07.26)
Motocross w Brězowce
Motorsportowe towarstwo Offroad Rookies wuhotuje jutře, sobotu, we wobłuku Neptunoweho swjedźenja w Brězowce 5. Rownjanski motocross po šćernišću. Wubědźowanja přewjedu so w nowym modusu „1 přećiwo 1“ na identiskimaj čaromaj. Planowane su za dopołdnja dźěćace wubědźowanja, připołdnju „Trabicross“ a popołdnju běhi profijow, hobbyjowych jězdźerjow a seniorow.
Serbski cup w Njebjelčicach
Zajutřišim, njedźelu, přewjedu w Njebjelčicach serbski supercup, turněr z poprawom štyrjomi koparskimi cyłkami. Lětsa pak su jenož mustwa SJ Chrósćicy, ST Radwor a SJ Njebjelčicy přitomne. Sokoł Ralbicy/Hórki so lětsa njewobdźěli, dokelž je čas mjez treningowym zazběhom a serbskim supercupom překrótki. Turněr započnje so w 14.30 hodź.
Testowe koparske hry
Přichodne hry w přehledźe:
18.07. 14:00 ST Drjewnica – ST 1922 Radwor
18.07. 14:00 Natwar Němske Pazl. – Brieske/Zły Komorow
23.07. 19:00 HZ Łaz/Běły Chołmc –
Módro-běli Kulow
25.07. 14:00 SJ Chrósćicy –
Biskopičanske KT 08
25.07. 17:00 Sokoł Ralbicy/Hórki –
Módro-běli Njewačidło
26.07. 11:00 SJ Chrósćicy II –
LSV Hory II
26.07. 15:00 Sokoł Ralbicy/Hórki –
Módro-běli Njewačidło
26.07. 16:00 Mały Wosyk/Porchow –
Čłowjesce a w sporće so wuwiwać
Hórčan Damian Jurk hraje wot noweje sezony pola Drježdźanskeho SC (DSC). 19lětny je wot U19 Budissy Budyšin do sakskeje stolicy šoł a honi tam w krajnej lize za bulom. W prěnjej testowej hry zamó swoje kmanosće hnydom přećiwo staremu mustwu pokazać.
Koparsku karjeru zahaji w starobje pjeć lět w Chrósćicach. Dźewjeć lět hraješe za Sportowu Jednotku, dołho pod nawodom swojeho nana Handrija Jurka. Ze 14 lětami rozsudźi so za nowy nadawk. Tehdyši trenar młodźiny U17 Budissy Budyšin přeproša jeho na probowy trening, na kotrymž přeswědči. Přičiny za změnu běchu móžnosć lěpšeho wuwića, sylniši přećiwnicy a lěpše treningowe wuměnjena. Pola Budissy započa hnydom w U17, byrnjež hišće lěto pola U15 hrać móhł. Poslednje tři lěta w Budyšinje bě stajnje kapitan, štož pokaza, zo je Damian kmany, zamołwitosć přewzać. Wjeršk časa z Budissu bě postup U19 do krajneje ligi. W poslednjej sezonje docpě w 21 hrach wosom wrotow. Damian je jara dźakowny a zhladuje rady na rjany čas wróćo.
Dynamowčanki postupili
Žónske mustwo Dynama Drježdźany, kotrež su hakle před lětomaj załožili, je wospjet postupiło a hraje wot noweje sezony w krajnej lize. Drježdźanjanki su w hrajnej dobje 2025/2026 z 20 dypkowych hrow 17 dobyli, dwójce njerozsudnje hrali a jenož jónu přěhrali.
Hižo po hrě w Spitzkunnersdorfje, kotruž Drježdźanske koparki 5:0 dobychu, bě jasne, zo je postup do krajneje ligi wěsty. Tola tež w nachwatanskej hrě přećiwo Heidenauwje chcychu hrajerki Dynama doskónčnje dopokazać, zo su woprawdźe mišterki sezony. Tak porazychu koparkowi z městačka při zaliwje Mohilnicy do Łobja suwerenje 4:1. Po přiwzaću medaljow a pokala Sakskeho koparskeho zwjazka Drježdźanjanki hač do pózdnjeho wječora postup wjesele woswjećichu. Zdobom rozžohnowachu trenarja Renéja Müllera, kiž swój hamt wosobinskich a časowych přičin dla złoži.
W krajnym pokalnym kole hraja Drježdźanjanki w prěnim hłownym kole přećiwo SZ Lipšćanske wobchadne zawody. Pokalna hra přewjedźe so njedźelu, 16. awgusta, w 14 hodź. w Lipsku. Domjacy cyłk je w minjenej hrajnej dobje w prěnjej stafli měšćanskeje klasy druhe městno wobsadźił.
Koparske nowosće z Libereca
Tež w nowej hrajnej dobje hraje tak mjenowany A-team, to je w Čěskej prěnje koparske mustwo, FC Slovan Liberec w prěnjej koparskej lize Čěskeje. Ju mjenuja tam Chance Liga. W hrajnej dobje 2025/2026 wobsadźi mustwo šeste městno. Wot 30 hrow je Liberecki cyłk dwanaće dobył, dźesać króć njerozsudnje hrał a wosom partijow přěhrał. Nětko běža hižo přihoty na nowu sezonu. W minjenych dnjach nastachu w Liberecu tójšto změnow. Někotre chcemy tu předstajić.
přichady FC Slovan Liberec:
•Fallou Faye (NK Bravo/Słowjenska)
•Vénuste Baboula (NK Bravo/Słowjenska)
•Jan Bořil (SK Slavia Praha)
•Alexandr Bužek (SK Slavia Praha)
•Vasil Kušej (SK Slavia Prag | wupožčeny)
•Aleko Basiladze (FC Torpedo Kutaisi)
•Daniel Rus (AC Sparta Praha)
wotchady FC Slovan Liberec:
•Marek Icha (FK Pardubice)
•Filip Papoušek (Viktoria Žižkov)
•Ange N’Guessan (SK Slavia Praha)
•Toumani Diakité (SK Slavia Praha)
•Sebastian Kop (1. FK Příbram)
•Ivan Krajčírik
(MFK Ružomberok, wupožčeny)
•Dominik Mašek
(FK Arsenal Česká Lípa | wupožčeny)
•Hynek Hruška (SK Kladno | wupožčeny)
Daniel Rus hač do 2030 podpisał
Sokoljo prěni cil jasnje misnyli
Wot lěta 2016 wobdźěli so stara koparska garda Sokoła Ralbicy/Hórki we wólnočasnej lize Zapadołužiskeho koparskeho zwjazka a přewjeduje tam winowatostne dypkowe hry. Ralbičenjo wuhraja partije na wulkim polu.
Planowanje sezony běše za zamołwiteho Zapadołužiskeho koparskeho zwjazka chětro ćežke. Mustwa mějachu hač do lońšeho 31. decembra přizjewić, hač hraja na wulkim abo na małym polu. Naposledk rozsudźištej so mustwje z Hórnikec a z Łaza za to, swoje hry na małym hrajnišću wuhrać. Tak přizjewi so jeničce sydom mustwow. Lěpšina pak je, zo wuhraje so mišterstwo zaso na zwučene wašnje z domjacymi a wonkownymi hrami přećiwo kóždemu cyłkej. Loni hrajachu w jednorym kole a ze slědowacymi play-offs.
