Widźała,słyšała, napisała (05.10.26)
Awtorka dźensa
Halena Jancyna
Chróšćenjo pokročowali
HZ Huska/Hodźij – SJ Chrósćicy 0:4 (0:1)
Zestawa hosći: Škoda – Mark, Dźisławk, Rätze, Matik (29. Cyž), L. Zahrodnik (70. Bjeńš), Žur, Handrik (55. Kral-Zahrodnik), Wornar (62. Zelnak), Šiman (62. Młynk), G. Zahrodnik
W druhim kole wokrjesneho pokala běchu Chróšćenjo z hosćom pola hrajneho zjednoćenstwa Huska/Hodźij. Nadawk za wokrjesneho wyšeho ligista přećiwo wokrjesnemu ligistej bě jasny. Přichodne koło docpěć!
Hosćo derje do hry startowachu. Gabriel Zahrodnik pruwowaše wrotarja z třělom wot kromy šěsnatki. Wrotar pak pospyt wujasni. Tež dalšu šansu wrotar wotwobara. Domjacy hrajerjo mějachu swoju prěnju móžnosć z róžka. Hłójčkowany bul pak Jakub Škoda we wrotach SJC popadny. Po tym hibachu so hrajerjo zwjetša mjez šěsnatkomaj. Domjacy koparjo stejachu hłuboko w swójskej połojcy. SJC hru kontrolowaše, tola jasne móžnosće na woběmaj stronomaj běchu rědke. Do połčasa docpěchu Chróšćenjo nawjedowanje. Beno Rätze sej před šěsnatku bul zdoby a hrajny nastroj nisko 1:0 do wrotow třěli (39.). Tak podachu so hosćo ze snadnym wrotowym předskokom do přestawki.
Sport (02.10.26)
Worklečanki hraja doma
Wolejbul kónc tydźenja:
03.10. 14:00 ST Kupoj/Nowa Łuka –
ST Viktoria Worklecy (ž)
03.10. 14:00 ST Kupoj/Nowa Łuka –
Viktoria Worklecy II (m)
03.10. 14:00 ST Viktoria Worklecy II –
Ochranowske
wolejfantki II (ž)
03.10. 16:00 ST Viktoria Worklecy II –
VV Žitawa 09 III (ž)
04.10. 14:00 VSV Drježdź.-Coschütz –
Viktoria Worklecy (m)
Dypkowa hra a pokalne partije
Kopańca kónc tydźenja:
03.10. 14:00 VFC Plauen –
Budissa Budyšin
03.10. 14:30 Nowe Město
nad Sprjewju –
Sokoł Ralbicy/Hórki
03.10. 14:30 HZ Hodźij II –
SJ Chrósćicy
04.10. 12:00 HZ Njebjelčicy II/
Ralbicy II/ Pančicy II –
HZ Łaz/Běły Chołmc
04.10. 14:00 SJ Njebjelčicy –
ST Bart
04.10. 14:00 Zeleno-běli Sepicy –
SJ Chrósćicy II
Běhi wo pokal Andrickeho
Sportowe towarstwo 1922 Radwor, Towarstwo Cyrila a Metoda a Radworski młodźinski klub zarjaduja a wuhotuja sobotu, 3. winowca wot ranja 8.30 hodź. sportowe wubědźowanje „Běh wo pokal zbóžneho Alojsa“, a to na čarach 500m, 100m, 1500m, 2000m, 4000m a 6000m. Wobdźělić smědźa so běharki a běharjo wšěch starobnych skupinow. Přizjewjenja su pod móžne.
Ministrantska kopańca
Móhli hišće wyše dobyć
ST 1922 Radwor –
ST Natwar Němske Pazlicy II
5:2 (3:0)
zestawa domjacych: Šěrak – Wjeńka (63. Weclich), M. Grubert, Wjesela, Bišof, Dźisławk (72. Elsner), Mička, Buša, Nuk (80. Schäfer), Adam, Glücklich
Footballowe finale w Drježdźanach
Njebjelčenjo po zastatku dobyli
SJ Njebjelčicy –
ST Kinspork/Łužnica 5:3 (1:2)
zestawa domjacych: Gerlach - Hrjehor, Wjerš, Šram (65. Marticke), Wjacławk (79. Čornak T.), Čornak R. (77. Wätzig), Zarjeńk (90. Reineke), Plaettner, Korjeńk, Krawčik, Rudolf
25 stopnjow celsiusa, słónco, wosom wrotow a domjace dobyće. Što chceš wjac? To běchu mysle něhdźe 120 přihladowarjow na domjacej hrě Njebjelčanow přećiwo Sportowemu towarstwu Kinspork/Łužnica. Partija bě so z wysokej intensitu, ale z poměrnje mało šansami na wrota na woběmaj bokomaj započała.
Zazběh słušeše Handrijej Korjeńkej, kotryž swobodnje na wrota běžeše, potom pak na wrotarju zwrěšći. Kak to lěpje dźe, Korjeńk něšto mjeńšinow pozdźišo pokaza. Po dwójnym pasu z Williamom Plaettnerom předrě so Plaettner na prawym křidle a połoži bul prěki na Korjeńka, kotryž jón přez wrotowu liniju k 1:0 (31.) suny. Wurunanje pak slědowaše ani mjeńšinu pozdźišo. Direktnje po zakopje wurunachu Kinsporkčenjo z dalokej třělwu 1:1 (32.). Dotal wurunana hra bě nětko na stronje hosći. Woni zesylnichu ćišć na čerwjene košle. Hišće do połčasa hosćo na 2:1 (38.) zwyšichu.
Wuslědki (30.09.26)
kopańca
wokrjesna liga stafla II
1. TSV Połčnica 5 25:8 13
2. HZ Łaz/Běły Chołmc 6 24:17 12
3. SJ Njebjelčicy 6 18:10 11
4. Zeleno-běli Sepicy 6 15:13 11
5. ST Kinspork/Łužnica 6 15:11 8
6. Wulke Zdźary/Kulow II 6 13:14 8
7. FSV Łuty 6 9 : 11 8
8. FC Łužica 6 14:14 7
9. ST Marijina hwězda 5 11:12 7
10. ST Lubuš 5 5:18 6
11. Módro-běli Minakał 4 11:9 5
12. ST Radwor 6 10:13 4
13. SJ Chrósćicy II 6 3:16 4
14. Natw.Němske Pazlicy II 5 6:13 2
Kulowčenjo derby rozsudźili
Módro-běli Kulow – Sokoł Ralbicy/Hórki 3:1 (1:1)
Zestawa domjacych: P. Korch – B. Borch, S. Kocor (62. Langa), Kisch (70. Kowalick), Wehlan, Bulank, Kokert (90. Hančka), Čórlich, Rettig (62. Kreuz), Woko (38. Koplanski), N. Kocor
Zestawa hosći: Schöne – Wałda, P. Šołta, S. Šewc, L. Heidorn (82. Čóška), B. Heidorn, Mjechela (62. Hicka), N. Šnajder, Frencl, R. Šnajder, Woko
Při krasnym słónčnym wjedrje dojědźechu sej delanscy koparjo sobotu na derby do Kulowa. Kaž hižo loni swjećachu tam tež piwarski swjedźeń tamnišeje piwarnje. Tuž bě motiwacija domjacych hišće wo wjele wjetša, kaž je to tak a tak za derby trěbne. Loni pak njeběchu Ralbičenjo w Kulowje wobstali, dokelž běchu w druhim połčasu přewjele zmylkow worali.
Minjeny kónc tydźenja wotmě so w skale ProStein w Kinču (Kindisch) ...
Worklečanki pokalne finale dobyli
Wolejbulistki prěnjeho zastupnistwa Viktorije Worklecy su so za finale wobwodneho pokala kwalifikowali. Mustwo TSV Kundračicy bě ze zašłosće derje znaty kontrahent. Finalne koło wuhrachu w Zhorjelcu.
TSV Kundračicy – Viktoria Worklecy
1:2 (27:25, 25:27, 7:15)
Z kónčneho dypkoweho stawa da so hižo wučitać, zo běštej prěnjej sadźbje jara napjatej. Na spočatku prěnjeho přechoda dominowachu Kundračanki. Sylna serija nadaćow wobradźi jim sydom dypkow a z tym jasny předskok. Tutón nachwatachu Worklečanki krok po kroku mjez druhim z wariabelnymi nadběhami a přez wonkownu abo diagonalnu poziciju. Při wurunanju 10:10 prošachu hosćićelki wo přetorhnjenje, tola to Worklečanki z rytmusa njepřinjese. Njemylene wudobychu sej dalše dypki, tak zo stajichu Kundračanki poměrnje spěšnje při stawje 16:11 swoju druhu próstwu wo krótku přestawku. Ta pak pokaza swoju skutkownosć, wšako so jim poradźi, wurunanje docpěć. Slědowaše faza, w kotrejž wobě mustwje dypkowaštej. Naposledk pak so přećiwnicy z 25:27 přesadźichu.
