Sokoł Ralbicy/Hórki –KT Ottendorf/Okrilla 3:5 (1:3)Zestawa domjacych: Žur – M. Matka, Rawš, Heidorn, P. Šołta, Korjeńk, Gloxyn, Rachela, Bjeńš, Šiman, WokoPola Sokołow z Ralbic knježi tuchwilu skerje špatna nalada, wšako wuslědki zašłe tydźenje njetrjechichu. Tež w poslednjej domjacej hrě přećiwo Otten­dorfej/Okrilli dźěchu Ralbičanscy fanojo přesłapjeni zaso domoj.W prěnich pjatnaće mjeńšinach wuhrachu sej Ralbičenjo dwě dobrej składnosći, kotrejž pak Paul Rachela njewuži. W slědowacych pjatnaće mjeńšinach pak steješe nadobo 0:3 z wida Ralbičanow. Katastrofalne zmylki w škiće a njewěsty wrotar Titus Žur běchu wina na tym, zo hósć sam prawje wěrić nochcyše, zo ma po 30 hrajnych mjeńšinach hižo tajki předskok. Do połčasa pak sej Rachela bul znowa rjenje wuhra a nisko k 1:3 skrótši.

W dołhich rynkach stejachu ludźo w Južnej Africe dźensa rano před wólbnymi lokalemi, zo bychu nowy parlament wuzwolili. ­Dotal knježacej stronje ANC bywšeho prezidenta Nelsona Mandele hrozy, zo absolutnu wjetšinu přisadźi. 30 lět po zdobyću demokratije 1994 ćerpja ludźo hospodarskeje krizy, bjezdźěłnosće, chudoby, kriminality a korupcije dla. Foto: pa/AP/Themba Hadebe

Pětr Handrik z Worklec (na wobrazu) hlada kóžde ranje na małe sudobjo w swojej zahrodźe a tam zwěsća, kelko spadkow je so přez nóc našło. Wčera je so wón nad 13 litrami na kwadratny meter chětro wjeselił. Samsnu hódnotu je tež Beno Čornak w Chrósćicach wučitał. Předewšěm ratarjo a zahrodkarjo so nad spadkami tele dny chětro wjesela. Minjene tydźenje běchu suche a wichorojte. Młode rostliny kaž na přikład kukurica na polach a buny w zahrodkach trjebaja wodu, zo móhli so derje wuwić. Hišće hač do njedźele dyrbimy w Hornjej Łužicy z dalšimi spadkami ličić, meteorologojo wěsća. Foto: Feliks Haza

Ratarjo a hajnicy dźěłaja wokoło Radworja hromadźe a chcedźa mnohotnosć družinow zwěrjatow zachowaćZ wulkimi mašinami jězdźa ratarjo po łukach a trawu syku. W nalěću do směra lěća pak je to za dźiwinu wulki problem. Łuki su wažny žiwjenski rum. Předewšěm sorny chowaja swoje młodźata we wysokej trawje a so jim hdys a hdys přidruža a sornjatka zastaraja. Tohorunja škita wěsty přinarodźeny instinkt młodźata před njepřećelemi. Tak so wone při zwukach abo pohibach cyle hłuboko do trawy stłóča a njećeknu. Tohodla je ratarjo we wysokej trawje scyła nic abo jenož cyle ćežko wuhladaja. Wjele młodźatow tuž su wopory trawusyčakow.

Judit Šołćina wotmołwi na artikl Axela Arlta z dnja 24. meje „Před 65 lětami maturowali“:Jako čitach artikl knjeza Arlta w pjatkownišim wudaću SN wo rjadowniskim zetkanju šulerjow, kiž su před 65 lětami maturowali, so njemało dźiwach. Pisa wo tym, zo „njeje so w zarjedźe Domowiny nichtó přisłušny čuł, wo tym abo tamnym jeje nětčišim nadawku tehdyšim maturantam rozprawjeć“. Sym w zarjedźe naprašowanje Siegfrieda Wawrika pruwowała a na njeho zazwonich. W rozmołwje wujasnichmoj situaciju. Chcu podšmórnyć, zo so jako zarjad Domo­winy nad kóždymžkuli zajimom Serbow a Serbowkow kaž tež dalšich hosći wjeselimy, kiž chcedźa wo serbskim połoženju a wo našim dźěle Domowiny zhonić. Přizjewće so tuž rady kóždy čas pola nas w zarjedźe Domowiny. A tak wjeselimy so hižo na čiłu wuměnu z maturantami lětnika 1959 klětu w meji, kaž ze Siegfriedom Wawrikom dojednane.

Biosferowy rezerwat Unesco „Hornjołužiska hola a haty“ (OHTL) swjeći lětsa swoju 30lětnu róčnicu wobstaća. Jón nawjeduje wot decembra lěta 2015 Torsten Roch. Milan Pawlik je so z nim rozmołwjał.Što je was pohnuło wodźacu funkciju w biosferowym rezerwaće OHTL přewzać?T. Roch: Přirodoškit je tema, w kotrejž sym hižo 40 lět dołho aktiwny. Wot lěta 1997 dźěłam w sakskim lěsnym zarjadnistwje. Jako so mje zamołwići Sakskeho ministerstwa za energiju, klimu, wobswět a ratarstwo (SMEKUL) woprašachu, hač chcu nawodnistwo přewzać, njejsym dołho přemyslował.Na kotry z wulkeje ličby projektow w biosferowym rezerwaće so wosobinsce rady dopominaće?

Mustwo sej přećiwo Šwicarskej w Praze złotu medalju wuwojowałoPraha. Čěske mustwo je finalne wubědźowanje lětušeho mišterstwa swěta w lodohokeju dobyło. W Praskim stadionje O2 Arena porazychu hosćićeljo mužow ze Šwicarskeje z 2:0 a zawěsćichu sej swoju sedmu mištersku złotu medalju. 2010 bě so Čecham naposledk zešlachćiło, při mytowanju dobyćerjow na čestnym po­desće cyle horjeka stać. Wulke finale pokazachu we wjacorych městach susodneho kraja na wulkich wobrazowkach. Na Praskim Staroměšćanskim naměsće běchu so hižo hodźinu do zahwizda tysacy fanow zetkali. Tam powitachu zahorjeni přiwisnicy zymskeho sporta zašłu póndźelu tež swojich rjekow wokoło trenarja Radima Rulíka. Zarjadowarjo mišterstwa su tohorunja jara spokojom, dokelž běchu w minjenymaj njedźelomaj najwjace wopytowarjow w stawiznach spěšnych wubědźowanjow na lodźe zličili. Woni běchu samo 797 727 zastupnych lisćikow předali.

Budyšin (SN/at). Mnohe Domowinske skupiny a towarstwa pod třěchu Budyskeje župy „Jan Arnošt Smoler“ trjebaja podpěru při organizaciji zarjadowanjow. Što móhło to konkretnje być, wo tym je so župne předsydstwo z jich zastupjerjemi hižo w měrcu w Radworskim dwórnišću wuměniło. Wšitke cyłki tehdy přitomne njeběchu, předsydstwo pak tež jich měnjenje a wočakowanja zajimuja.W měrcu zahajenu analyzu dokónčić rěka, zo čłonka abo čłon župneho předsydstwa „jedyn ze zbywacych pjeć cyłkow w přichodnych měsacach wopyta“, rjekny županka Leńka Thomasowa po wčerawšim wuradźowanju gremija, a z nimi – kaž na přikład w Lemišowje abo Jaseńcy – wuměnu pokročuje. Wědźa, zo mnozy skupinarjo staroby dla sej wjace njepřicpěwaja wšelake zarjadowanja sami organizować. „Wěmy pak tež, zo woni sej serbsku bjesadu we wobłuku Domowinskeje skupiny abo towarstwa dale jara waža a tam rady chodźa“, wujasni Katja Lizarnjec, regionalna rěčnica Domowiny za teritorij župy. Analyza ma zwěsćić, za čo podpěru wočakuja, hač su t ...