Wulke wužadanja kursistam

Donnerstag, 26. Juli 2018 geschrieben von:

Lětni kurs Serbskeho instituta wabi z mnohimi fasetami wuwučowanja

Wšědnje serbšćinu wuknyć je za 45 mužow a žonow w Serbskim šulskim a zetkawanskim centrumje Budyšin tuchwilu „wšědny chlěb“. Za Serbow samych, runje na wsach je to zwučeny słuch, wosebje su-li na zarjadowanjach tu abo tam we Łužicy. Klinča pak serbske słowa z ertow ludźi, pochadźace z mnohich krajow swěta, je to něšto wosebite. Dr. Fabian Kaulfürst nawjeduje lětuši 21. mjezynarodny lětni kurs za serbsku rěč a kulturu. Wón ma wočiwidnje wjeselo na tym, wabić wobdźělnikow jich rěčne wobrotniwosće w serbskej rěči dopokazać. A kursisća to derje zmištruja. Wobdźělnicy kursa za pokročenych w kotrymž Fabian Kaulfürst wuwučuje, přińdu z Čěskeje a Pólskeje, ze Serbiskeje, USA a Japanskeje do Budyšina.

Domjace a nowe nadawki

Gmejnska rada ma nětko rozsudźić

Donnerstag, 26. Juli 2018 geschrieben von:

Budyski krajny rada je njedawno z Njebjelčanskim a Worklečanskim wjesnjanostu w naležnosći horta wuradźował.

Budyšin/Njebjelčicy/Worklecy (SN/MiR). Dalše postupowanje nastupajo hort we Worklečanskej a Njebjelčanskej gmejnje bě ćežišćo rozmołwy wjesnjanostow Franca Bruska a Tomaša Čornaka z Budyskim krajnym radu Michaelom Harigom (wšitcy CDU). „Njebjelčanska gmejnska rada chce so tón tydźeń hišće raz z temu zaběrać“, zdźěli Harig na naprašowanje SN. Do toho nochce so wón k tomu wuprajić. Kaž SN zhonichu, temu prawdźepodobnje dźensa wječor na gmejnskej radźe w Njebjelčicach rozjimuja.

Popłatk za hudźbnu šulu njezwyša

Dienstag, 24. Juli 2018 geschrieben von:

Tež w šulskim lěće 2017/2018 bě wulki zajim za poskitki Budyskeje wokrjes­neje hudźbneje šule. 2 816 zajimcow bě so na nich wobdźěliło. Mjez najwoblubowanišimi instrumentami stejitej klawěr a gitara na prěnimaj městnomaj.

Budyšin (SN/mwe). Po tym zo bě minjene lěta dale a ćešo hudźbnych wučerjow za podawanje wučby zdobyć, je tež Bu­dyskej wokrjesnej hudźbnej šuli wjele wuče­rjow pobrachowało. „Na wysokich šulach dźeń a mjenje šulskich hudźbnych pedagogow wukubłuja“, rěka na napra­šowanje našeho wječornika z Budyskeho krajnoradneho zarjada. Nowinski rěč­nik Peter Stange dale zdźěli: „Pytamy za w aw­gu­sće zahajace so nowe šulske lěto nuznje kwalifikowanych hudźbnych wučerjow, a to na honorarnej bazy. Přede­wšěm trjebamy jich za předmjety klawěr, gitara a blokowa pišćałka.“ Někotryžkuli z do­talnych wučerjow na hudźbnej šuli započnje radšo na zakładnych a wyšich šulach kaž tež gymnazijach dźěłać. Tež tam dźě fachowcow na polu hudźby pytaja.

Nowe wudaće

Freitag, 20. Juli 2018 geschrieben von:
Budyšin (SN/JaW). Wučbnica „Serbske stawizny 1“ předleži we wobdźěłanej a aktualizowanej wersiji. To zdźěla Rěčny centrum WITAJ. Priwatny docent a wučer na Instituće za sorabistiku Uniwersity Lipsk dr. Timo Meškank bě wjacore nowe wotrězki do publikacije za šulerjow 5. do 7. lětnika, kotraž wuńdźe w Ludowym nakładnistwje Domowiny, zadźěłał, dalši wotrězk wudospołnił a wěcowne zmylki skorigował. Grafikarka Iris Brankačkowa je so znowa wěcywustojnje wo wuhotowanje wučbnicy starała. Publikacija, kotraž je mjez druhim w Smolerjec kniharni na předań, njeje jeno šulerjam, ale tež wšitkim na stawiznach zajimo­wanym powučna lektura.

Hudźbny kurs we Wojerecach

Donnerstag, 19. Juli 2018 geschrieben von:
Na Wojerowskej dźěćacej a młodźinskej farmje, kotraž je w nošerstwje Křesćansko-socialneho kubłanskeho skutka Miłoćicy, su tele dny wosebite zynki słyšeć. Z podpěru dźěća­ceho cirkusa Krabatino, kotryž Jakob Scholz nawjeduje, přewjeduja tam hudźbny projekt. Za to su wobdźělnicy hižo njetrěbne wěcy z domjacnosće kaž tež wšelake sudobja a srědki za zapakowanje sobu přinjesli. Hač do jutřišeho pjatka hišće­ wužiwaja dźěći a młodostni składnosć, na trochu hinašich nastrojach hudźić. Zdobom zhonja woni wo skutkownym wobchadźenju ze wšelakimi resursami. Europ­ski socialny fonds projekt pjenježnje pod­pě­ruje. Foto: Gernot Menzel

Pokažće swoju šulsku tobołu a swoje črije

Mittwoch, 18. Juli 2018 geschrieben von:

Tež hdyž su runje lětnje – abo tež wulke – prózdniny, čas so spěšnje minje a přichodne šulske lěto steji před durjemi. Mnohim staršim je kup porjadneje šulske­je toboły jara wažna naležnosć, předewšěm, zo njebychu jich dźěći staro­sće z chribjetom dóstali. Jenož porjad­na toboła pak njedosaha móžnym ćežam z chribjetom zadźěwać. To znajmjeńša měni fyzioterapeutka Katja Hellriegel z Wojerec, kotraž ma staršim, dźědam a wowkam pomocli­we po­kiwy za strowe wuwiće ćěła jich dźěći a wnučkow. Silke Richter je so z Katju Hellriegel rozmołwjała.

Što po swojich nazhonjenjach z wulkej starosću wobkedźbujeće?

Poskitki we wobchodach šulerjo a starši tuchwilu rozdźělnje přijimuja

Spodźiwne to počinanje. Za tři a poł tydźenja zahaji so nowe šulske lěto. A tola wabja mnohe wobchody hižo dlěje­, někotre samo hižo wot zaha­jenja lětnich prózdnin, wo kupcow. Poskićeja po płaćiznje husto jenož po zdaću přihódne wěcy šulskeje po­trjeby. Su to zešiwki, pjelnjaki, wołojniki, barbjenčki, fazeraki, pjerowki, seršćowcy, molowanske bloki a tak dale. W mnohich wukładnych wo­k­nach so pisani.

Wuradźuja wo nowym šulskim koncepće

Dienstag, 17. Juli 2018 geschrieben von:

Wojerecy (KD/SN). Spěchować serbsku rěč a kulturu, to ma na Zakładnej šuli „Han­­drij Zejler“, na gymnazijach a w mno­hich towarstwach Wojerec wulku hódnotu. „Woleni politiscy zastupjerjo m­ěsta a tudyšeje župy Domowiny to pod­pěruja a chcedźa wuwučowanje serbšćiny tež na woběmaj wyšimaj šulomaj zwoprawdźić“, zwurazni měšćanosta za kulturu Thomas Delling (SPD) na naprašowanje žurnalistki za Serbske Nowiny.

Wotewrjenje noweje wyšeje šule w lěće 2020 by za to­ dobru składnosć ski­ći­ło. Dom bu 1959 jako prěnja poly­tech­ni­ska wyša šula we Wojerowskim nowym měsće wote­wrjeny. Pozdźišo bě tam Zusowy gymnazij zaměstnjeny. „Nětko jón přetwarjamy, zo móhli tam zwoprawdźić šulski koncept z perspektiwu“, Delling potwjerdźi.

Kursisća w Smolerjec kniharni

Dienstag, 17. Juli 2018 geschrieben von:
Na minjeny štwórtk zahajenym lětušim mjezynarodnym lětnim kursu za serbsku rěč a kulturu Serbskeho instituta wobdźěla so cyłkownje 47 zajimcow z 13 krajow, z čimž je maksimalna kapacita městnow nimale docpěta. Wjetšina kursistow je z Čě­skeje, najdlěši přijězdny puć drje mějachu třo Američenjo a Japanjan. Wčera je dr. Fabian Kaulfürst wobdźělnikow po Budyšinje wodźił. Mjez druhim wopytachu tež Smolerjec kniharnju. Hač do kónca měsaca njewukmanjeja so woni jenož na polu rěče, ale maja tež składnosć, so we wobłuku ekskursijow na přikład do Sle­pjan­skeje kónčiny a do klóštra Marijineje hwězdy podać. Foto: SN/Maćij Bulank

Zajim za nošerstwo

Dienstag, 17. Juli 2018 geschrieben von:
We Wojerowskej šulskej krajinje so tójšto hiba. Na jednym boku je město, nošer nima­le wšitkich tamnišich šulskich ku­błanišćow, w zańdźenych lětach wjacore tajke zawrěło abo přeměstniło. A to dale čini. Tak ma so Zejlerjowa šula na kromje města, w kotrejž serbšćinu wuwučuja, dru­hdźe zaměstnić, zaso na jednej kromje, jenož druhdźe. Dale ma so twarjenje něhdyšeho Zusoweho gymnazija na wyšu šulu přetworić. Wo tym, tam serbšćinu podawać, wšak rozmysluja. Tele tam­a-sem, kotrež so skerje na organizatoriskej runinje wotměwa, ma tež swój špak. Zaběra z wobsahami njesteji w srjedźišću. Brach to, kotryž wědźa swobodni nošerjo za sebje wužiwać. Derje tuž, zo je tež we Wojerecach masiwny zajim, zwonka statnych šulow druhe poskitki wutworić. Cyle připódla prajene: Tež Njebjelčanska gmejna a iniciatiwa za swobodnu alterna­tiwnu šulu w Kamjencu to chcetej a tajke hibanje pohonjatej. Milenka Rječcyna

Chróšćan Šulerjo

Neuheiten LND