Njechodźa rady do šule
Bajki bać, paslić a hry hrać
Bliža-li so prózdniny, potom su zarjadnišća dosć wužadane při nastajenju zajimaweho programa za dźěći a młodostnych rozdźělneje staroby. Někotři maja hišće swobodne městna.
K wobsahowym a organizatoriskim přihotam 50. olympiady serbskeje ...
Pisa semesterske dźěło wo Serbach
Čerstwa woda ze studnički
W Šuli Ćišinskeho z małeje ideje wulka wěc nastała
Pančicy-Kukow (SN/MWj). Šulerjam serbskeje zakładneje Šule Ćišinskeho w Pančicach-Kukowje přichodnje napoje sobu do šule dawać poprawom hižo trjeba njebudźe. Přetož wot dźensnišeho móža so holcy a hólcy tam sami posłužować. Njedóstanu drje słódku limonadu, ale čerstwu wodu, kotraž ćeče nětko z noweje studnički. Ju su dźensa rano šulerjam přepodali, zo bychu ju prawje wjele wužiwali.
Před nimale lětom je tehdyši rěčnik staršiskeje rady Jens Teichmann namjetował, studničku za pitnu wodu w šuli instalować. „Spočatnje njeběch ani tak zahorjena, dokelž so bojach, zo so nowe sćěny w saněrowanej chódbje napancaja. Na tamnym boku je ćicha woda wězo strowša hač najwjetši dźěl napojow, kotrež šulerjo wot doma sobu noša“, powěda nawodnica šule Jadwiga Čižankowa. W rjadownjach su so tuž anonymnje naprašowali, što šulerjo rady pija, zo bychu zwěsćili, hač so projekt scyła zadani. Wšako je tež z pjenjezami a dźěłom zwjazany. „Jako tójšto dźěći wotmołwi, zo rady ćichu wodu pija, běchmy wšitcy překwapjeni“, nawodnica přizna.
Za młodźinske lěhwo so přizjewić
Choćebuz (SN). Choćebuska wotnožka Rěčneho centruma WITAJ přeproša zajimcow na młodźinske lěhwo w Delnjej Łužicy. Wone ma so w lětnich prózdninach wot 21. do 25. julija w Bórkowskej młodowni přewjesć. Hižo nětko přijimuje zarjad za to přizjewjenja. Hač do dźesać młodostnych móže so na lěhwje wobdźělić. Narěčeni su 14- do 17lětni. „Cilowa skupina za młodźinske lěhwo měri so na zajimcow, kotřiž su wopytali fakultatiwnu serbšćinu abo bilingualnu wučbu. Wosebje witani su tež młodostni z Hornjeje Łužicy“, rjekny nawoda RCW w Choćebuzu dr. Viktor Zakar.
Lěhwo skići dobru składnosć so mjez sobu zeznać. Nawjedować budźe je Viktor Zakar. Jemu poboku budźe student abo studentka wučerstwa. Jasne hižo je, zo sej wobdźělnicy wjackróć wuleća a zo změja zabawny kurs k nawuknjenju serbšćiny. Kurs płaći na zajimca 150 eurow, dalše kóšty přewozmje RCW ze swojich spěchowanskich srědkow.
Z Krabatom sej hłójčku łamali
Nětko slědźić
Drježdźany (SN). Sakske statne ministerstwo za kultus wupisa lětsa znowa, a to hižo dźewjaty króć, krajne myto za domizniske slědźenje. Z cyłkownje 9 000 eurami wupisane wuznamjenjenje je so wosebje na čestnohamtskich domizniskich slědźerjow wusměrjene. Myto spožčić chcedźa zaso we wšelakich kategorijach, mjez druhim tež młodostnym a šulerjam, zdźěla ministerstwo.
Zapodate dźěła njetrjebaja na kóždy pad w ćišćanej formje předležeć. Wobsahowa skala temow saha wot městnych, regionalnych a krajowych stawiznow přez stawizny industrije a techniki hač k slědźenjam wo prašenjach přirody a wobswětoškita. Tež temy Serbow a jich stawizny a kulturu nastupajo su za wubědźowanje wo myto prašane. Wěnować smědźa so wobdźělnicy dale dialektam, ludowemu wuměłstwu, swjedźenjam a nałožkam kaž tohorunja slědźenju wo mjenach. Wosebje zajimawe móhło być, slědźić wo dóńtach a žiwjenju ćěkancow něhdy a dźensa.
W lońšim wubědźowanju su dohromady 116 dźěłow wot zajimcow wšitkich starobnych skupin wuhódnoćili.
Step-aerobika hólcow wjeršk była
Přihotuja tójšto nowostkow
Budyšin (SN/JaW). Schwalenska komisija šulskich wučbnicow je so w Rěčnym centrumje WITAJ z lětnim planom wotrjada wuwiwanje rěče/pedagogika zeznajomiła. Wo tym informuje rěčny centrum. Zdobom je gremij na wuradźowanju minjeny štwórtk wo planje diskutował a jón schwalił. Po rozprawje wo lońšej dźěławosći předstaji wotrjadnica RCW Annett Dźědźikowa čłonam komisije nowostki zašłeho lěta. „Z cyłkownje 49 titulow smy 34 zhromadnje z Ludowym nakładnistwom Domowina wudali. Nimo nich bu 15 projektowych respektiwnje dodatnych, wudospołnjacych a wupruwowanskich materialijow w zamołwitosći RCW wudatych“, zdźěli Annett Dźědźikowa.
