Krótkopowěsće (04.08.20)
97 274 kilometrow kolesowali
Budyšin. We wobłuku akcije „Města kolesuja“ je 389 ludźi w 26 mustwach Budyskeho wokrjesa w třoch tydźenjach dohromady 97 274 po puću było a tak 14 tonow wuhlikoweho dioksida wobešło. Najwuspěšniši bě ze 37 058 kilometrami team Ewangelskeho młodźinskeho dźěła. Wubědźowanje je akcija Zwjazkarstwa za klimu europskich komunow.
Pan Tau so nawróći
Mnichow. Dźěćacu seriju z 1970 lět Pan Tau je telewizija ARD z britiskej firmu Caligari Film znowa natočiła. Hłownu rólu hraje Jendźelčan Matt Edwards. 14dźělnu seriju, kotruž su z britiskimi a němskimi dźiwadźelnikami w Němskej produkowali, chcedźa nazymu pokazać. Pan Tau ze swojim předešćnikom, z melonu a ze zwonkazemskimi mocami tójšto spodźiwneho zdokonja.
Čěska Šwica swjeći
Policija (03.08.20)
Bager wolij zhubił
Serbske Pazlicy. Jako jědźeše ze Serbskich Pazlic do směra na Pěskecy 68lětny minjeny pjatk wječor ze swojim bagrom je so hydrawlikowa rołka skóncowała, tak zo je jězdźidło na połdra kilometrje wolij zhubił. Mějićel tuž swoju mašinu na lěsnym puću wotstaji, zo by ju nazajtra reparował. W běhu nocy pak bager wšón wolij zhubi, štož bě po wšěm zdaću něhdźe 200 litrow. Specialna firma dyrbješe sobotu puć wurjedźić a z wolijom zanjerodźenu lěsnu pódu wotnosyć.
Smědźa powjaznicu wužiwać
Za přednošk so přizjewić
Wo pawšali so njedojednali
Łaz (AK/SN). Runja druhim dóstanje tež gmejna Łaz lětsa 70 000 eurow wot Swobodneho stata Sakskeje jako krajnu pawšalu za skrućenje wjesneho ruma. Kak chcedźa ju wužiwać, pak dotal jasne njeje, kaž so na minjenym posedźenju gmejnskeje rady wujewi. Reiko Stephan (CDU) namjetowaše cyłkownu sumu za kontejnery wužiwać, kotrež trjebaja za čas přetwara Wulkoždźarowskeje zakładneje šule. Wjetšina radźićelow pak to wotpokaza. Radźićelej CDU měještaj ideju, 50 000 eurow za šulu wužiwać a zbytk mjez jednotliwymi wsami rozdźělić, štož by za kóždu 1 330 eurow woznamjenjało. Třeći namjet Steffena Mühla (Łazowscy swobodni wolerjo) předwidźeše, 30 000 eurow mjez wjeskami rozdźělić a tamny dźěl za wjacore projekty zasadźeć.
Wótre kreacije w poskitku
Jutře započnu so mjeztym 15. Budyske žonopowe tydźenje
Budyšin (SN/MWj). Najwótriše město w Němskej wot jutřišeho zaso na wosebity podawk přeproša. Tudyši gastronomojo swjeća hižo 15. raz žonopowe tydźenje. Přećeljo Budyskeho žonopa móža so znowa na kreatiwne jědźe a napoje w hosćencach a barach sprjewineho města wjeselić.
Hač srjedźo- abo ekstrawótre, poliwki abo cocktaile, serbske žonopowe kreacije, wótre nuklace pječenje abo tradicionalne pojědźe kołowokoło žonopa – Budyscy kuchinscy šefojo poskića słódnym hubam swojich hosći wulku mnohotnosć jědźow ze žonopom. Dohromady dwanaće lokalow serwěruje we wobłuku žonopowych tydźenjow njewšědne nowosće ze žonopom. Tež lětsa stej mjez nimi hosćencaj „Culinarium“ na Wulkej Bratrowskej a „Wjelbik“ na Žitnej.
Jara dobry wothłós žněješe sobotu 9. rangerowy dźeń w ...
Wjace sushija w Sundowner-barje
Zo móžeš hudźbne chłóšćenki w Budyskej Sundowner-barje na zahrodźe Serbskeho ludoweho ansambla dožiwić, je znate. Ale tež kulinariski poskitk tam nětko dźeń a bóle rozšěrja. Po tym zo bě lońši sushijowy wječor tak derje přewzaty, zo bě po krótkim času wšitko wupředate, staj tam Nadine a Ronald Homola z Kulowa kónc tydźenja hnydom dwaj dnjej japansku wosebitosć přihotowałoj. Dokelž specialitu samaj rady mataj, staj sej kmanosće jeje spřihotowanja na kursu w Drježdźanach přiswojiłoj a připódla swójsku firmu „Sweet Sushi“ wutworiłoj. Mjeztym wonaj samaj sushijowe kursy podawataj. Foto: Carmen Schumann
Krótkopowěsće (03.08.20)
Prěni serbski hiphop-widejo
Chasow. Přez YouTube-stronu Serbska hudźba kaž tež přez Instagram-stronu skupiny Astronawt wozjewichu wčera nawječor prěni serbski hiphop-widejo pod titulom „Straight Outta Łužica“. Spěw napisałoj staj Lil Handrij a FloJ, produkował je jón Syman Hejduška. Wozjewjenje hudźbneho wideja je skupina serbskich młodostnych w Chasowje woswjećiła.
Zbližeja sej serbsku rěč a kulturu
Litomyšl. Serbski ferialny kurs su kónc tydźenja blisko Litomyšla w regionje Pardubice zahajili. 20 Čechow njewuknje tam jenož serbšćinu. Hač do pjatka spřistupnjeja sej woni tež serbske stawizny a kulturu. Po 30 lětach je to prěni raz, zo tam tajki lětni kurs wotměwaja. Towarstwo přećelow Serbow jón wuhotuje.
Maja noweho wjesnjanostu
Policija (31.07.20)
Smjertne njezbožo při jězoru
Slepo. Tragiski wukónc měješe předwčerawšim připołdnju wólnočasna zaběra při Brězowskim jězoru. Tam je 48lětny muž wodosportowu připrawu wužiwał. Při tym pak wón padny a so po wšěm zdaću ćežko zrani. Kaž Zhorjelska policajska direkcija rozprawja, wućahnychu muža na kraj. Wopytowarjo jězora starachu so wo prěnju pomoc, přiwołana wuchowanska słužba spyta znjezboženeho reaniměrować, bohužel bjez wuspěcha. Muž na městnje njezboža wudycha.
