Habeck na duel njepřińdźe
Berlin (dpa/SN). Kanclerski kandidat Zelenych Robert Habeck nochce so w přihotach wólbow zwjazkoweho sejma na telewizijnym rozestajenju z kanclerskej kandidatku AfD Alice Weidel wobdźělić. Tajki duel je zwoprědka jasnje wuzamknył, zdźěli rěčnik wólbneho bojoweho mustwa Habecka. Sćelakaj ARD a ZDF chcetaj diskusijny dwubój zwjazkoweho kanclera Olafa Scholza a kandidata CDU/CSU Friedricha Merza wusywać. Duel Weidel a Habecka tohorunja planuja.
Warnowanske stawki hroža
Berlin (dpa/SN). W Němskej hroža w nowym lěće warnowanske stawki zjawneje słužby komunow. Dnja 24. januara zahaja tarifowe jednanja za přistajenych wotpadkowych posłužbow, bliskowobchada a pěstowarnjow. Warnowanske stawki njewuzamknjemy, rjekny šef dźěłarnistwa ver.di Frank Werneke. Ver.di žada sej za 2,5 milionow přistajenych wosom procentow wjace mzdy, znajmjeńša pak 350 eurow wob měsac wjace. Dźěłodawarjo poskićuja wo wjele mjenje.
Z nawodu milicy rěčeli
Wulkopósłanča Serbiskeje w Němskej dr. Snežana Janković je ...
Zeleni za „kraj, kiž funguje“
Podhladneho w Moskwje zajeli
Scholz wot Trumpa wobkrućeny
Berlin (dpa/SN). W swojim wotpokazowacym stejišću hladajo na dodawanje němskich raketow Taurus Ukrainje čuje so zwjazkowy kancler Olaf Scholz (SPD) wot přichodneho prezidenta USA Donalda Trumpa wopodstatnjeny. W Berlinje Scholz wčera rjekny, zo ma wón zasadźenje tutych raketow přećiwo objektam daloko w Ruskej za „wopačny rozsud“. „Hdyž tole prawje widźu, prašenje tež w transatlantiskim zhromadnym dźěle podobnje hódnoća. Takle znajmjeńša sym měnjenja prezidenta Trumpa w toho najnowšej rozmołwje z nowinarjemi wučitał.“ Němski kancler a kanclerski kandidat SPD Scholz rjekny to při přestajenju programa SPD k wólbam zwjazkoweho sejma.
Přichodny prezident USA Donald Trump bě do toho rozsud amtěrowaceho prezidenta Joewa Bidena „jara hłupy“ mjenował. Tón chcyše Ukrainje dowolić, z daloko sahacymi brónjemi na ruski teritorij třěleć. „To njeby wón dowolić směł. Wosebje, dokelž za někotre tydźenje swoje zastojnstwo jako prezident nastupju“, Trump měnješe.
Brutalna woprawdźitosć
Nuzowe zasadźenje w operje
Serbske Nowiny wudawaja so w Domowina-Verlag GmbH Ludowym nakładnistwje Domowina
Jednaćel: Syman Pětr Cyž
Ludowe nakładnistwo Domowina tzwr spěchuje Załožba za serbski lud, kotraž dóstawa lětne přiražki z dawkowych srědkow na zakładźe hospodarskich planow, wobzamknjenych wot Němskeho zwjazkoweho sejma, Krajneho sejma Braniborskeje a Sakskeho krajneho sejma.
Šefredaktor a zamołwity redaktor w zmysle
nowinarskeho zakonja: Marcel Brauman 577 232/233 Wyša redaktorka: Bianca Šeferowa 577 230
tel.: 03591 577 232 faks: 03591 577 202 e-mail: www.serbske-nowiny.de
Adresa redakcije a nakładnistwa: Sukelnska 27, 02625 Budyšin
Adresse der Redaktion und des Verlages: Tuchmacherstraße 27, 02625 Bautzen
Serwis za abonentow: 577 263
Předań nawěškow: Jadwiga Šołćic 577 266 e-mail:
Ćišć: DVH Weiss-Druck GmbH & Co. KG, Lejnjanska 14, 02979 Halštrowska Hola, wjesny dźěl Hory
Vertriebskennzeichen: 2 B 2560 B
To a tamne (18.12.24)
Šokoloda z Dubaja bywšemu moderatorej zabawnych zarjadowanjow Thomasej Gottschalkej njesłodźi. Tole je Gottschalk sćelakej RTL přeradźił. Showmaster njemóže cyły hermank wokoło šokolody scyła rozumić. Jemu běchu šokolodu z Dubaja darili. „Ta bě chětro hórka“, 74lětny rjekny. Šokolodu běchu z wušiknym wabjenjom w socialnych medijach jako nowy trend wuwili. Ludźo steja za šokoladu w dołhich rynkach před wobchodami.
Na njewšědne wašnje žiwjenje přisadźił je hajnik w USA w staće Virginia. Jeho partner bě mjedwjedźa zatřělił, kiž na wysokim štomje sedźeše. Smjertnje zranjene zwěrjo padny na 58lětneho hajnika, kiž pod štomom steješe, medije rozprawjeja. Po informacijach nowinarjow bě skupina hajnikow mjedwjedźa hižo dlěši čas přesćěhowała. Wustróžane zwěrjo je sej na to na štom wućeknyło.
Braniborska: Nowa serbska rada wolena
Braniborska ma nowu serbsku radu: Marcus Końcaŕ, Delia Münchowa, Dieter Freihoff, Měto Nowak a Michael Apel su najwjac hłosow wolerjow docpěli.
Dešno (SN). Hač do njedźele móžachu Serbja w Braniborskej wolić, wčera je po wuličenju hłosow wólbny wuběrk wuslědk zwěsćił. Nawodnica wuběrka Margit Neugebauer je zjawnosći zdźěliła, štó z dźesać kandidatow bu do Rady za naležnosće Serbow při bramborskim krajnym sejmje woleny. Nawjac hłosow dósta Marcus Końcaŕ (687), jednaćel Domowiny. Na druhim a třećim městnje staj kandidataj, kotrajž hižo serbskej radźe zašłeje wólbneje periody přisłušeštaj: Ekspertka za kubłanje Delia Münchowa (675) a Dieter Freihoff (395), wjesnjanosta gmejny Markojska Góla. Štwórty mandat je něhdyši mjeńšinopolitiski referent w kulturnym ministerstwje Měto Nowak (375) zdobył. Za Michaela Apela hłosowaše 355 wolerjow, z tym je wón pjaty radźićel.
