Dźěłaš rady z ludźimi? Horiš so za serbsku literaturu a serbske knihi? Maš předawanski talent?
Ludowe nakładnistwo Domowina pyta za wonkownu słužbu a za Smolerjec kniharnju
sobudźěłaćerja we wotrjedźe rozšěrjenje (m/ž/d)
Dźěłowe městno je hač do 31.07.2024 wobmjezowane.
Kotre nadawki na tebje čakaja?
- zamołwitosć za rozšěrjenje knihow a dalšich wudaćow pola předawarjow, w předawanišćach kaž tež na zarjadowanjach w Hornjej Łužicy
- wobkedźbowanje wuwića na wikach a zwěsćenje potrjeby čitarstwa
- sobudźěło při poradźowanju kupcow a předawanju kaž tež dalšich nadawkow w Smolerjec kniharni
- sobudźěło při wudawaćelskim planowanju
Tute kajkosće přinjeseš sobu?
- wotzamknjene wukubłanje jako nakładniska překupča/nakładniski překupc abo w podobnym powołanju
- powołanske nazhonjenja w rozšěrjenju
- dobre znajomosće serbskeje rěče, literatury a kultury
- wobknježenje kompjuterowych programow (Office 365)
- maš jězbnu dowolnosć klasy B
- maš swójsku iniciatiwu, dźěłaš samostatnje a sy fleksibelna/-y w zasadźenju
Što ći skićimy?
- wotměnjawe dźěłowe městno w přećelnym a nazhonitym teamje
- intensiwne zadźěłanje
- mzdu po tarifje, 30 dnjow dowola wob lěto
- fleksibelny dźěłowy čas
- dołhodobnu perspektiwu a móžnosće dalšeho wukmanjenja a dalekubłanja
Dźěłowy wobjim wučinja 39 hodźin wob tydźeń.
Dźěłowy čas skrótšić je w mjezsobnym dorozumjenju móžno.
Smy-li twój zajim zbudźili, potom požadaj so hač do 19.03.2023 pola nas. Wjeselimy so na twoje digitalne požadanske podłožki. Při prašenjach nas zazwoń abo napisaj mejlku.
Ludowe nakładnistwo Domowina
jednaćelej Symanej Pětrej Cyžej
Sukelnska 27
02625 Budyšin
telefon: 03591/577-241