Wulkotny pokalny bój

wutora, 15. oktobera 2019
artikl hódnoćić
(0 )
Hakle Gabriel Kurjat (čisło 12) je škit módro-běłych w Kulowje přewinył a mustwo Sokoła Ralbicy/Hórki z tym na dobyćerski puć wjedł. Zastupjer wokrjesneje klasy je wokrjesnemu wyšemu ligistej dołho paroli skićił.  Foto: Werner Müller Hakle Gabriel Kurjat (čisło 12) je škit módro-běłych w Kulowje přewinył a mustwo Sokoła Ralbicy/Hórki z tym na dobyćerski puć wjedł. Zastupjer wokrjesneje klasy je wokrjesnemu wyšemu ligistej dołho paroli skićił. Foto: Werner Müller

Módro-běli Kulow II

– Sokoł Ralbicy/Hórki 0:3 po podl. (0:0, 0:0)

Zestawa domjacych: Paulick – Hantsch­ke, Lohan, Katzer (61. Šěn), Bialas, Modsching (46. Popjela), Bělk (78. Kisch), Woko, Piatza, Nicolaides, Korch

zestawa hosći: Schöne – Kobalc (56. Materna), Budar, Wałda, Schultz, Janca (58. Wowčerk), Gloxyn, Lešawa, Šiman, M. Kurjat (68. M. Matka), G. Kurjat

W druhim wokrjesnym pokalnym kole podachu so faworića z Ralbic do Kulowa, zo bychu přećiwo módro-běłej rezerwje nastupili. Ralbičanski trenar Chrystof Gloxyn da někotrym hrajerjam šansu, kiž hewak tak husto njehraja. Tak widźachu hosćo w prěnim połčasu poměrnje wurunany duel. Po pjeć mjeńšinach měještej wobě mustwje hižo składnosć nawjedowanje docpěć, tola stajnje dźěše bul nimo klětki. Sokoljo mějachu na to drje časćišo bul w swójskich rjadach, tola hač na šansu Gabriela Kurjata so ničo naspomnjenjahódneho njesta.

wozjewjene w: Sport
Prošu přizjewće so, chceće-li komentar podać

Serbska debata

nowostki LND