FV Ottendorf Okrilla II –

SJ Njebjelčicy 1:1 (1:1)

Zestawa hosći: Hahn – Hanuza, Reineke, Wjersch, Herrmann, Hrjehor, Plaettner, Lehmann, Cyž, Korjeńk, F. Domš, Šiman (66. Čornak, 73. M. Kral)

Po poražce na zašłym hrajnym dnju chcyše koparske mustwo SJ Njebjelčicy zaso lěpši wukon pokazać a dobyć.

Spočatnu fazu postajowachu čerwjene košle. Plaettner měješe nawjedowanje hižo po někotrych mjeńšinach na noze, jako bul přez wrotarja zběhny. Hrajny nastroj pak zleća přez kašćik. Něšto wokomikow pozdźišo to Plaettner lěpje sčini. Po sylnej akciji trjechi wón k 1:0 (20.). Ze štwórtymi wrotami w štwórtej hrě Plaettner dale pilnje dypki zběra. Nawjedowanje pak bě bórze nimo. Hnydom sćěhowaše wotmołwa hosćićelow k 1:1 (21.). Tak dźěše z remisom do přestawki.