Awtor dźensa

Elias Bětka

Čěski lodohokejist Jaromír Jágr je fenomen – žiwa­ legenda, za kotruž prawidło zestarjenja pozdatnje njepłaći. Z mjeztym 53 lětami wobuwa so Čech přeco hišće prawidłownje smykače, jako by čas za njeho stejo wostał. Mjeztym zo su druzy dawno swoju karjeru zakónčili, swój trikot na hozdźik pójsnyli, so w kabinach komentatorow za mikrofon sydnyli abo na trenarskej ławce městno zabrali, smyka Jágr dale sezonu po sezonje po lodźe – z wonej njezaměnliwej frizuru, kotruž bě hižo na spočatku swojeje karjery jako profi 1988 měł.

Jeho karjera je jězba po stawiznach moderneho lodohokeja: 1988/89 bě wón ze 16 lětami prěni raz profi pola SC Kladno w Čěskosłowakskej. 1990 započnje Čech w NHL w Americe a ma swój debit pola Pittsburgh Penguins. Na to slědu­jetej dobyći Stanley-cupa poboku Ka­nadźana Marija Lemieuxa, k tomu titul najdro­hotnišeho hrajerja, pjeć trofejow za hrajerja z najwjace dypkami za wrota a přihrawki kaž tež njeličomne re­kordy.