Chróšćenjo hraja w Hórkach

Prěnje koparske mustwo SJ Chrósćicy hraje njedźelu w Hórkach přećiwo Zeleno-běłym z Bukec (13.30 hodź.). Hosćo, kiž maja štyri ličaki wjace na dypkowym konće, su jeničke mustwo we wokrjesnej wyšej lize, kiž w aktualnej hrajnej dobje dotal hišće ani jónu njerozsudnje hrało njeje. Budissa Budyšin nastupi hižo dźensa wječor na Młynkec łuce pod swětłomjetakami přećiwo VfB Auerbach.

05.12.  19:00  Budissa Budyšin –

  VfB Auerbach 06

06.12.  13:30  Módro-běli Kulow –

  ST Hnašecy-Dobruša

06.12.  13:30  TSV Wachau –

  Sokoł Ralbicy/Hórki

06.12.  14:00  FC Energija Choćebuz –

  MSV Duisburg

14.12.  13:00  SJ Chrósćicy –

  Drohotka Ramnow

Mikławšowy turněr

Madeleine Rynčowa, wjesnjanostka gmejny Radwor, přeprošuje na jubilejny 25. Mikławšowy koparski turněr sobotu, 6. hodownika, wot 9.30 hodź. do sportoweje hale „Slavia“ do Radworja. Přeprošene mustwa njech su w 9 hodź. w sportowni, tak zo móžetej so w 9.20 hodź. stafli wulosować. Hrać smědźa w Radworju jenož koparjo, kiž su 30. žiwjenske lěto zakónčili a kiž njehraja aktiwnje. Sportowy nawod změja lětsa zaso koparjo ST 1922 Radwor.

Dwaj dnjej po Mikławšu