Zašłu njedźelu bě w Budyskim Serbskim muzeju wotewrjenje wuměłskeje wustajeńcy „Přechod 03“, na kotruž smy w mejskim Rozhledźe pokazali. Wudani so přečitać sej katalogowe teksty k wustajenym twórbam – abo krótši přehlad wobdźělenych wuměłcow w zašłym Rozhledźe.

W junijskim Rozhledźe pak dźe bóle wo hudźbu. Marka Cyžowa, Daniel Dzikiewicz a Jens Daniel Schubert wěnuja so Korle Awgusta Kocorowemu oratorijej „Israelowa­ zrudoba a tróšt“. Cyžowa je za móžnymi nastorkami pytała, kotrež běchu Kocora snano pohnuli duchowny oratorij tworić. Dzikiewicz rozjasnja z wida eksegety biblije móžne teologiske ideje, chowace so za wužiwanymi bibliskimi tekstami w oratoriju. Schubert wěnuje so podawkej, kotryž je wšě tute rozmyslowanja nastorčił, a recensuje bóle z hudźbneho wida předstajenje oratorija w aprylu w Drježdźanskej Křižnej cyrkwi.

Wodorunje: 3 ćopły počas, 5 nic nowa, 6 wudźěłk z wuhla, 7 wulki aziski kraj w jendźelskim pomjenowanju, 10 rezimej, zjimanje, 13 islamski předstejićer, 14 prěni přełožk biblije, 15 rěka přez Mnichow

Padorunje: 1 italske město wina, 2 moderna hudźbna kapała, 3 knjejski słužownik, 4 twochnyć, preč běžeć, 8 francoske město, 9 turkowske město, 11 zapal, 12 hospodarski plan

Wodorunje: 3 hubjenstwo, 5 lisćowy štom, 6 nócny ptak, 7 lětne protyki, 10 muske předmjeno (wědomost­nik Mitaš), 13 znaty sportowc, wuměłc, 14 rěka w Indiskej, 15 stup

Padorunje: 1 prjedawša šwedska skupina, 2 barba, 3 šwicarske město, 4 pjenjez statej, 8 prawniski wobkrućer, 9 jehlinowy štom, 11 znajomosće, 12 swětnišćowy program USA