Pokiwy

W Rakečanskej ewangelskej cyrkwi je zwukowa instalacija Pawołskeho ...

Freitag, 11. November 2022 geschrieben von: Marian Wjeńka

W Rakečanskej ewangelskej cyrkwi je zwukowa instalacija Pawołskeho chóra „Stwórba“ hišće hač do 25. nowembra dožiwić. Wopytowar zaznawa na hudźbu wothłosowane swětłowe efekty, štož lubi wosebite dožiwjenje bibliskeje stawizny wo stworjenju swěta. Wuslědk je 22 mjeńšin trajace spirituelne hudźbne dožiwjenje. Za čas instalacije móže so připosłuchar po cyrkwi pohibować a tak hudźbu ze wšelakich perspektiwow dožiwić a to wšědnje wot 9 do 20 hodź. Foto: Feliks Haza

Rozhłós (11.11.22)

Freitag, 11. November 2022 geschrieben von: Serbske Nowiny

njedźelu hornjoserbsce

11:00 Łužica tutón tydźeń, mjez druhim z přinoškom wo wólbje póstniskich princowych porikow

11:20 Cannabis: Pro a kontra

12:00 Nabožne wusyłanje

(Gabriš Nawka)

po tym zbožopřeća

delnjoserbsce

12:30 Aktualny magacin, mjez druhim z reportažu z Choćebuskeho filmoweho festiwala

13:00 Tematiske wusyłanje: Minjace so krajiny w Pólskej

13:40 Nabožne wusyłanje

(Hartmut Leipner)

po tym zbožopřeća

Do kina (10.11.22)

Donnerstag, 10. November 2022 geschrieben von: Marian Wjeńka

10.11. – 16.11.2022 Budyski filmowy palast:

Serbski ludowy ansambl předstaji njedźelu, 6. nowembra, dalši raz ...

Freitag, 04. November 2022 geschrieben von: Serbske Nowiny

Serbski ludowy ansambl předstaji njedźelu, 6. nowembra, dalši raz baletny kruch „Za Marju – Wosrjedź nocy“. W 17 hodź. pokazaja rejwarki a rejwarjo na žurli SLA w Budyšinje wuměłsce wujimki žiwjenja dr. Marje Grólmusec, kotrejež dźenikowe zapiski, čitane wot Gabriele Marije Šmajdźineje, inscenaciju pohonjuja. Foto: Martin Pižga

Křižowka (04.11.22)

Freitag, 04. November 2022 geschrieben von: Mikławš Krawc

Wodorunje: 1 awtowa značka Kamjenca, 3 ćěłozwučowanje, 7 wjesne powołanje, 8 ličba 2 hinak pisana, 9 „aktualna kamera“ skrótš., 10 nic nutř, 11 štož je zakazane, 12 hudźbna twórba, 14 nic wón, 15 kazachski jězor, 17 kontinent

Padorunje: 1 knježićelka, 2 wolijowa rostlina, 3 afriska pusćina, 4 skrótšenka za reklamu, 5 brazilske město skrótš., 6 muske předmjeno, 10 dźeń tydźenja, 11 muski hłós, 13 italska rěka, 15 žónski hłós, 16 kaž čo. 7 wodorunje

Na 51. sezonu norow

Freitag, 04. November 2022 geschrieben von: Axel Arlt

Serbske Pazlicy. 11.11., dypkownje w 11.11 hodź., hdyž norojo w Njebjelčanskej gmejnje ceptar přewozmu, wotewrja Serbskopazličanske karnewalowe towarstwo swoju 51. sezonu. 12. nazymnika budu wólby noweho princa, na kotrež princowski por Marcel II. a Christina II. ze „Zubneje skały“ a karnewalowe towarstwo w 19.30 hodź. do Njebjelčanskeje Bjesady přeproša. Zastupne lisćiki dóstanjeće pola Hübenthalec w Serbskich Pazlicach (03578/ 30 35 05) wšědnje wot 17 hodź. Zbytne lisćiki su při wječornej kasy na předań.

Pokiwy (04.11.22)

Freitag, 04. November 2022 geschrieben von: Serbske Nowiny

Přehladka Helle Stoletzki

Choćebuz. Wuměłstwowa hala Łužica w Choćebuzu stanje so z hosćićelom wosebiteje wustajeńcy „MĚKI_soft“. Hella Stoletzki pokaza portrety młodych Serbowkow a Serbow kaž tež mólby, wotbłyšćowace „wuskutki pandemije na poměr bliskosće a distancy“. Wernisaža budźe jutře, sobotu, we 18 hodź.

Kuratoriske wodźenje

Budyšin. Serbski muzej w Budyšinje wuhotuje zajutřišim, njedźelu, wodźeni po wosebitej wustajeńcy „Wšitko je krajina“. Christina Boguszowa rozłoži zajimcam w 15 hodź. němsce a w 16 hodź. serbsce wustajane twórby Jana Buka. Wutoru, 15. nowembra, slěduje dalše wodźenje jako zazběh prezentacije knihi „Twórby Jana Buka na a w twarjenjach“.

Němska před sto lětami

Rozhłós (04.11.22)

Freitag, 04. November 2022 geschrieben von: Serbske Nowiny

njedźelu hornjoserbsce

11:00 Łužica tutón tydźeń, mjez druhim z přinoškom z premjery lajskeho dźiwadła Konjecy-Šunow

11:20 Naša energija (2): Rozmołwa z dr. Tomašom Wornarjom

12:00 Nabožne wusyłanje

(Krystof Rummel)

po tym zbožopřeća

delnjoserbsce

12:30 Aktualny magacin, mjez druhim z wuhladom na Choćebuski filmowy festiwal

13:00 Tematiske wusyłanje: Barby w serbskich spěwach

13:40 Nabožne wusyłanje

(Katharina Köhlerowa)

po tym zbožopřeća

Musical, wjelki a wideja

Freitag, 04. November 2022 geschrieben von: Serbske Nowiny

Ćežišćo nowemberskeho telewizijneho magacina Wuhladko je prapremjera spěwohry „Z Tobu – Bohu swjećene lěto“. Dalšej přinoškaj wěnujetej so bioloze Pawołej Lipičej, kiž we Łužicy wjelki wuslědźi, a serbskim skupinam, kaž na přikład Holaski a Nowa Doba, a jich hudźbnym widejam.

Telewizija MDR wusyła Wuhladko sobotu, 5. nowembra, w 11.45 hodź. Wospjetowanje w samsnym sćelaku slěduje póndźelu, 7. nowembra, w 6.40 hodź. Telewizija RBB pokaza magacin sobotu, 12. nowembra, w 13.30 hodź. W mediatece MDR je wusyłanje wot jutřišeho cyłe lěto kóždy čas přistupne.