Pod hesłom „Oraklowe nocy“ wotměje so wot přichodneje njedźele ...
Pokiwy (23.12.25)
„Nordiske“ zynki na pišćelach
Šěrachow-Korzym. Chróstawska wosada přeproša jutře, patoržicu, na tradicionalnu „Hodownu pišćelowu hudźbu w swětle swěčkow“ w tamnišej cyrkwi. W 22 hodź. zahraje kantor Hans Christian Martin na Silbermannowych pišćelach wubrane twórby přewažnje nordiskich komponistow, kaž na přikład Edvarda Griega, Carla Nieslena, Jacoba Gadeho a Knuta Nystedta. Zastup je darmotny, dary pak so njewotpokazuja.
Šěsć DJjow na třoch rejowanišćach
Běła Woda. Pod hesłom „Christmas city no. VII“ wuhotuje Běłowodźanski sociokulturny centrum Telux zajutřišim, štwórtk, wulku hodownu party. Wot 20 hodź. postaraja so mjez druhim DJjojo Tobi, Krasses Hühnchen, Oldskulah a JOCØSI na třoch rejowanišćach wo nanajlěpšu naladu. Hudźbny spektrum saha wot popowych hitow minjenych štyrjoch lětdźesatkow přez dark wave hač k hardtrance. Regularny zastup při wječornej kasy płaći 25 eurow.
Hodowny oratorij Saint-Saënsa
Rozhłós (23.12.25)
hodowničku hornjoserbsce
11:00 Hodowne postrowy z hodownej hudźbu
12:00 Nabožne wusyłanje
(Wito Sćapan)
delnjoserbsce
12:30 Serbski swjedźenski program, mjez druhim z nabožnym słowom k dnjej (Hartmut Leipner) a swjatočnym koncertom po přećach připosłucharstwa (1. dźěl)
druhi dźeń hód hornjoserbsce
11:00 Hody w dźěsćowni (z hosćom live w studiju)
12:00 Nabožne wusyłanje
(Krystof Rummel)
12:15 Zwukowa instalacija w Rakecach
delnjoserbsce
12:30 Serbski swjedźenski program, mjez druhim z nabožnym słowom k dnjej (Franc Juro Deuse) a swjatočnym koncertom po přećach připosłucharstwa (2. dźěl)
njedźelu hornjoserbsce
11:00 Łužica tutón tydźeń, mjez druhim z přinoškom „125 lět Koło serbskich spisowaćelow“
12:00 Nabožne wusyłanje
(Pětr Mróz)
po tym zbožopřeća
delnjoserbsce
12:30 Aktualny magacin
13:00 Tematiske wusyłanje: „To serbske we wokrejsu Sprjewja-Nysa“
12:00 Nabožne wusyłanje
(Cyril Pjech)
po tym zbožopřeća
Křižowka (19.12.25)
Jeli pytane słowa 1–9 prawje wuhódaće, wučitaće z wonkowneju rjadow Budyski wobchod
1 přiwuzny, 2 němskaj bratraj-spisowaćelej, 3 urbi et ..., 4 muske předmjeno (Wałęsa), 5 sicilski wulkan, 6 běži do Ryna, 7 Jan jendźelsce, 8 literarne pojednanje, 9 piće
Pokiwy (19.12.25)
Dary w poslednim wokomiku
Budyšin. Wšitkim, kotřiž hišće za kmanym hodownym darom pytaja, poskićuje młodźina Budyskeje ewangelskeje wosady swj. Pětra njedźelu, štwórteho adwenta, Last minute-wiki na dworje zetkawanišća TiK na Hornčerskej. Wot 14 do 18 hodź. předawaja regionalni wikowarjo ručnodźěłane unikaty z drjewa abo keramiki kaž tež ćišće, wudźěłki z płata abo plećeniny. Zastup je darmotny.
Złoty jubilej pišćelow
Šěrachow. Katolska wosada w Šěrachowje swjeći zajutřišim, njedźelu, 50. róčnicu poswjećenja swojich pišćelow. W 17 hodź. wobrubitaj organist Hans Christian Martin a cyrkwinski chór pod nawodom Bernadette Schmid nyšpor we wosadnej cyrkwi z twórbami mjez druhim Franza Liszta, Wolfganga Amadeusa Mozarta a Alana Wilsona. Zastup je darmotny. Swjedźenski spis wo stawiznach pišćelow přewostaja zajimcam za pjenježny dar po swójskim dobrozdaću.
Hudźba za pišćele a bijadło
Rozhłós (19.12.25)
Njedźelu hornjoserbsce
11:00 Łužica tutón tydźeń
11:15 Pyšny adwent w Hórkach
11:25 „WWW-special“ (300.)
11:45 Adwentne woknješko: „Zakuzłane dźěćetko“ (4.)
12:00 Nabožne wusyłanje
(Jan Malink)
po tym zbožopřeća
delnjoserbsce
12:30 Aktualny magacin, mjez druhim z přinoškom wo přihotach na přichodny Zorja-kurs
13:00 Tematiske wusyłanje: Hodowna dekoracija
13:40 Nabožne wusyłanje
(Christiana Piniekowa)
po tym zbožopřeća
Muzealne detaile
Muzejowa wjes na Lědach steji w srjedźišću přichodneho telewizijneho magacina Łužyca. Wona skići „jězbu do swěta słowjanskich prjedownikow“ z tójšto detailemi, kiž su hakle na druhi pohlad spóznajomne a kotrež moderator Christian Matthée přihladowarjam předstaji. Dalšej přinoškaj wěnuja dźěłarničce SorbIT a „serbskemu wołtarjej“ w Złokomorowskej cyrkwi Pětra a Pawoła. Nimo toho portretuja we wobłuku rubriki „Łužyca w rozgronje“ Willyja Gusora ze Žylowa, kotryž woswjeći lětsa 97. narodniny.
Telewizija RBB wusyła Łužycu jutře, sobotu, w 13.10 hodź. Wospjetowanje na samsnym sćelaku slěduje zajutřišim, njedźelu, w 7.20 hodź. W mediatece ARD je aktualny magacin wot jutřišeho cyłe lěto kóždy čas přistupny.
Do kina (17.12.25)
18.12. –24.12.2025
Budyski filmowy palast:
Pokiwy (12.12.25)
Žitawske zynki w Budyšinje
Budyšin. Towarstwo Dźěłań dźeń zakónči dźensa, pjatk, pod hesłom „Letzteres*2025“ swój lětuši rjad małowuměłstwa a hudźby. Wot 19 hodź. wustupja w „dobrej jstwě“ hosćićela na Budyskej Sukelnskej multiinstrumentalist This will confuse you, rytmikar Cymatic lights a skupina Cur. Wšitcy pochadźeja ze Žitawy, jich hudźba pak njemóhła rozdźělniša być. Tak zaklinča melancholiska měšeńca žanrow post punk a shoegaze, sferisko-hypnotiske elektroniske zynki kaž tež melanž emo- a hardcore. Zastup je darmotny, dary pak so njewotpokazuja.
Kabaret w kulturnym centrumje
Slepo. Kabaretistka Frau Andrea předstaji dźensa, pjatk, swój aktualny program „Starke Weiber dürfen mehr!“ w Serbskim kulturnym centrumje Slepo. Wona wěnuje so „wšemu kołowokoło mandźelstwa, dietow a amurozneho chwatka a šmjatka, a to z wulkej wutrobu a hišće wjetšej hubu“. Zarjadowanje započnje so w 19.30 hodź., zastup při wječornej kasy płaći 22,50 eurow.
Bach, Demessieux, Brojer a wjac
